FOFOGA MO'OMIA O SAMOA - News / Talafou

TOA & FETU SAMOA TEAM WORLD CUP RUGBY LEAGUE 2008

eventpolynesia.com

TOA SAMOA TEAM

NAME CLUB VILLAGE

Albert Talipeau Gold Coast Titans - AU Falefa

Ali Lautiti Leeds - UK Iva

Ben Roberts Bulldogs - AU Sinamoga & Leufisa

Ben Te’ o Wests Tigers - AU Tanugamanono & Fasitoo-Uta

David Faiumu Huddersfield - UK Saoluafata & Vaiala

David Solomona Bradford - UK Tafitoala

Francis Meli St Helens - UK Apia & Aai o Niue

Frank Puletua Panthers - AU Afega & Falelatai

George Carmont Wigan - UK Malaela (Aleipata)

Harrison Hansen Wigan - UK Salamumu

Joseph Paulo Penrith - AU Apia & Fagatogo

Lagi Setu St George - AU Apia

Kylie Leuluai Leeds - UK Moata’a & Toamua

Matt Utai C'bury Bulldogs - AU Saaga (Siumu) & Faleasiu

Misi Taulapapa C'nulla Sharks - AU Saleimoa & Falelatai

Nigel Vagana (Captain) Souths - AU Samatau & Fasitoo-Uta

Smith Samau Gold Coast Titans - AU Falevao & Fusi

Tagi Ropati Easts Brisbane - AU Tanugamanono

Taualagi Lepupa Marist Saints - SA Falefa

Terrence Seuseu Cronulla Sharks - AU Nofoalii

Tony Puletua Penrith Panthers - AU Afega & Falelatai

Tupu Ulufale Marist Saints - SA Lotopa

Wayne McDade Auckland Vulcans - NZ Satoalepai

Willie Talau St Helens - UK Malie

Fritz Tuiavii Savaiinaea Tour Manager Apia, Sataoa & Salailua

John Ackland Coach Lepa

Willie Po Ching Assistant Coach Tanugamanono

Apollo Perelini Assictant Coach / Trainer Toamua

Lauaki Fereti Tuilagi Technical Advisor / Trainer Fatausi & Fogapoa

Fou Solomona Team Manager Tafitoala

John Hutchison Logistics Sataoa

Tuilagi MS Saipele Media Manager / RLS Official Safotulafai, Sataua & Vaimoso

Simon Robin Physiotherapist Matatufu

FETU SAMOA TEAM

NAME FATHER’S VILLAGE MOTHER’S VILLAGE

Akenehe Pereira Savalalo, Apia Tokelau

Esther Fuaiva'a Alamagoto, Apia Fasito'o Uta

Fuarosa Time Moata'a Sanapu

Fuiava Windy Sione-Lea’fa Fa’ala (Savaii), Manunu & Apia

Iriana Huriwai-Sasulu Saleapaga, Lepa New Zealand

Jean Oti Tufulele Asaga

Justine Lavea Safotu Laulii

Kally Leota Solosolo New Zealand

Laine Faapito Saleapaga, Lepa Lalomanu

Maima Tiatia Taga Salelologa

Marie Leota Solosolo New Zealand

Maryann Collins Malie Foaluga

Maryanne Hemara New Zealand Saleaumua

Mate Lefale Lalomanu, Aleipata Saleaumua

Mele Leuluaialii Gatavai Vailoa (Faleata)

Neta Peau Tokelau Lefaga

Poto Lemalu Tuisamoa Matautu, Lefaga Falelima

Rachael Efaraimo Tuaefu, Toamua & Saleimoa

Sera Clayton England Apia

Serena Curtis-Lemuelu Tanugamanono & Fasito'outa

Theresa Malaitai Safune Lepea

Tunufai Poulava Saleimoa Faatoia

Vaniya Lavea Safotu Laulii

Tagaloa Fouina Su’a (Tour Manager)

Tavita Solomona (Coach) Tafitoala Falefa

Willie Peace (Assistant Coach) Faleseela-Tai Tuanai

Jo Toleafoa (Team Manager) Matautu (Lefaga) Tulaele & Apia

Sally Va’afusuaga (Committee) Falese’ela Tai Tuanai

May Afoa-Peterson (Committee) Fusi Safata Letogo & Lufilufi

Unasa Lautofa RLS Official

photo: eventpolynesian: Go Toa Samoa! First game 31^st October!!. Go Fetu Samoa! First game 6^th November. "O outou mama na ia tafe toto outou ala"

Faamanatu e Ausetalia le 178 Tausaga o le Talalelei i Samoa

by: Toomata PMaiava

O le aso Sa na sei mavae atu nei sa faamanatuina ai e le Ekalesia Faapotopotoga Kerisiano Samoa le 178 tausaga talu ona taunuu le Talalelei i laufanua o Samoa i Mataniu Feagai ma le Ata i le afioaga o Sapapalii, ina ua talia e Malietoa Vainuupo misionare ma le talaiga i le faaolataga ia Iesu Keriso; ma faapena ona faasopolia ai le atunuu ma suluia ai i le malamalama e toilalo ai tu ma aga faanuupo. Peitai e ui ina motu ma le taula le toatele o tagatanuu o Samoa i le aumau i atunuu ese pei o Niu Sila, Ausetalia, Amerika ma isi vaega o le lalolagi, ae sa le mafai ai lava ona faagaloina le agaga faafetai e sulaina ai le agalelei o le Atua ma lana puipuiga malu i si o tatou atunuu.

O le susuga ia Rev. Fiti Fiu Semaia o le faafeagaiga taulagi a le Ekalesia EFKS i Condell Park pei ona la tausia ma le faletua ia Mara, sa ia taitaiina se sauniga lotu taualoa i luga o le tautua a le leitio Fofoga Moomia i le taeao segisegi o le aso Sa na sei mavae atu nei, e atu-e ai le alofa matalasi o le Tapaau sili i le lagi ona ua aulia ma le manuia e Samoa lenei aso taua i ona tala faasolopito i le taunuu atu o le lotu i ona laufanua.

E le gata o se aso Sa taua i le Ekalesia Samoa na faautu i ai le sauniga lotu, ae sa saunoa foi le faafeagaiga i le sao o Tama i lo latou aso Sa lea sa faatauaina e Ausetalia ma isi atunuu o le lalolagi (Fathers Day) le faafetaia o le itupa o Tama i le latou galuega mae'ae'a o le t

ausia ma fa'afaileleina o le lumanai manuia o aiga, nuu, malo aemaise Ekalesia.

I lea lava aso Sa ina ua maea le fa'asalalauga tu'usao a le leitio Fofoga Moomia na logo ai itu e 4 o Ausetalia ma le lalolagi atoa i luga o le internet, sa alo ai loa le Ekalesia Faapotopotoga Kerisiano Samoa i ona matagaluega e tolu i Ausetalia mo lotu aofai o le Talalelei e aoina ai le taulaga mo nuu ese, faatasi ai ma taulaga pese poo viiga i le Atua.

I le setete lenei o Niu Sa Uelese e tolu ona Pulega ma o loo tausia lava ma vaaia e le Toeaina faatonu o le Matagaluega ia Peleti Toese Toailoa ma le faletua ia Senetenari mai le Pulega a Sini Matu, o le Pulega a Sini Saute o loo tausia e le susuga i le Toeaina ia Taipo Malifa ma le faletua ia Sitaua, ao le Pulega a Sini Sisifo o loo tausia e le susuga i le Toeaina ia Simeona Taefu ma le faletua ia Alofa.

E tusa ai ma Ie faamaumauga a le vaega o talafou talu ona taunuu mai le lotu Ekalesia Faapotopotoga Kerisiano Samoa i laufanua o Ausetalia i le aai lenei o Sini i le tausaga e 1980, ua faamauina le oo atu i le luasefulu falesa poo aulotu, e ese mai ai i isi setete o le malo tele.

Saunoa se tasi o tama matua le tofa ia Tiata Umuti Tiata o se ua leva ona seei i le tofi o le Tiakono Toeaina o le Matagaluega NSW faapea foi Alaimoana Afoa-Campbelltown o le Aoao Fesoasoani, Rev. Malua Keilani-Liverpool ma Faalafi Fonomalii tiakono a Campbelltown i le sui o talafou e molimau ai le vaaia pea ma le olaola o le galuega talai i Ausetalia, pei o la le tusi ia outou o atu ma fai outou ma soo i nuu ese i le Talaiina o le Talalelei ia Keriso ma lana faaolataga.

FILIFILIA LAUFALI SAMOA MO TA’ALOGA IPU O LE LALOLAGI LAKAPI LIKI

by: eventpolynesia.com

I le feiloaiga a le asosi Lakapi Liki Samoa (Rugby League Samoa) ma tusitala ma le au fa’asalalau i le Aso Lulu ua tuanai i Apia, na fa’aalia ai e le Peresetene, lsusuga Peter Paul (Jr) le agaga fiafia ona o le avanoa ua tuuina mai e le pulega lakapi liki a le lalolagi (Rugby League International) e fa’afoe ai e se lafali Samoa nisi o ta’aloga o le Ipu o le Lalolagi Lakapi Liki e amatalia ia Oketopa i Ausetalia.

Fa’aalia foi e le Peresetene le auai atu o alii lafali sinia o le lakapi liki mai Samoa o Fereti Fereti and Vaelua Gata Roebeck i le vaiaso nei mo le faia o aoaoga o le ta’aloga ma fa’afoeina ta’aloga o le sailiga siamupini a motu o Tokelau.

Ua toe lua nei masina ona amatalia lea o le Ipu o le Lalolagi i le Lakapi Liki ma ua iai le fa’amoemoe o le asosi Lakapi Liki Samoa (RLS) o le a fa’alauiloaina lana au filifilia i le ogatotonu o Setema. O le toa tele o tama ta’aalo o le a filifilia o i latou o lo o ta’aalo i kalapu i Peretania, Ausetalia, Niu Sila ma le toa lima mai Samoa. O se tulaga lelei tele lea mo le tapenaga a Samoa e tausinio ai i le Ipu o le Lalolagi.

O le Aso Faraile 26 Setema ua fa’amautuina nei e faia ai le feiloaiga fa’apitoa i Aukilani e tatala ai le toniga a le Toa Samoa mo le Ipu o le Lalolagi ma fa’alauiloa ai le au filifilia. O le vaiaso nei o le a tufatufaina atu ai tusi vala’aulia mai le Palemia o Samoa, o le Fa’atama foi lea o le Lapaki Liki a Samoa mo taitai o Ekalesia ma Fa’alapotopotoga a Samoa i Niu Sila, ae maise lava i Aukilani, ina ia auai i lea fa’amoemoe taua. O le upu e masani ai le atunuu, “O se faiva e tapuai, e ae manuia.”

Fa’apea foi ona fa’aalia le agaga fa’afetai o le Lakapi Liki Samoa (RLS) i le Peresetene, afioga Aiolupotea John Roache ma le Iuni Lakapi Aukilani Samoa mo le lagolago i le fa’aavanoaina o lo latou nofoaga i le Otahuhu Rugby Club mo lenei fa’amoemoe. O lea afiafi fa’apitoa e iai le talitonuga o se taimi muamua lea ua vala’auina ai sui o le atunuu o lo o nopiai i Niu Sila mo le lagolagoina o le Toa Samoa.O le maea ai o le feiloaiga ma ta’pa se fa’amanuiaga a Samoa i Niu Sila, ona fa’amaopopo ai lea o le au atoa i Samoa mo le vaiaso ae le i masii mo Ausetalia i le Aso Gafua 20 Oketopa.

O le vaiaso ua tuanai i le feiloaiga a le Palemia, susuga Tuilaepa Lupesoliai Sailele Malielegaoi ma le pulega a le Lakapi Liki Samoa na fa’amautu ai foi ma le igoa o le au lakapi liki a tamaitai Samoa. Saunoa Tuilaepa, o le Fetu Samoa, o le igoa lea e fa’ailoa atu ai i le lalolagi le vaai maualuga o Samoa i le itupa o tamaitai. O le Fetu Samoa e atoa iai au e valu o le a fa’apea ona tauva i le ta’amilosaga o le Ipu a le Lalolagi Lakapi Liki a tamaitai mai le aso iva e oo i le aso sefulu iva o Novema i Ausetalia lava.

Ua amata tuu fa’atasi nei le au a le Fetu Samoa, lea o lo o filifili mai tamaitai Samoa o lo o ta’aalo i au a Niu Sila ma Ausetalia. O le sauni atu o le Toa Samoa mo le Ipu o le Lalolagi o lo o lagolagoina malosi e le SIFA (Samoa International Finance Authority), SamoaTel le kamupani telefoni a le atunnu, kamupani ofu ta’alo o le SAS, kamupani seevae o le Mizuno ma le lagolago a le Malo.

I le maea ai o le Olimipeka, ua taulai nei le vaai a le atunuu i lana auliki mo le tauaveina o le igoa o Samoa i le Ipu o le Lalolagi 2008, lea e fa’amanatu ai foi ma le selau tausaga talu ona amata mai lenei ituaiga lakapi.

ATA: Tuilagi Maiava Saipele Esera (EP), Peter Paul (RLS) ma alii lafali sinia o Vaelua Roebeck ma Fereti Fereti.

$25,000 Tupe Ausetalia na Maua e le Mafutaga Katoliko Salelologa Sini NSW

by: Toomata Pasefika Maiava

$25,000 Tupe Ausetalia na Maua e le Mafutaga Katoliko Salelologa Sini NSW

E tusa ma le AUD$25,000 afe tala Ausetalia se tino i tupe na maua i le lulu tele a le afioaga o Salelologa lea sa seiina i le aso Toonai na sei mavae atu nei 15 o Mati i le aai o St. Marys i le setete o Niu Sa Uelese, faaalia e le peresetene ma o le taitaifono foi lea o le mafutaga i le aai o Sini le afioga ia Luamanuvae Sili Silao e faapea, o le faamoemoe o lenei sailiga seleni o se fesoasoani lea a alo ma Tama fanau a le nuu ma le afioaga o loo afifio ma papa aao i lenei vaega o le kelope i so latou sao e tuuina atu mo le malumalu a le Ekalesia Katoliko lea o le'a amatalia lona toe fausia ma faaleleia i le masina fou.

O le lulu lenei a le mafutaga a le Ekalesia Katoliko i le afioaga o Salelologa sa tele ina fai miti i ai le mamalu o Samoa ina ona oomaia le aso e sei ai ona e $5,000 tala Ausetalia le cash e tuuina atu i se manumalo ma faamanuiaina i le sei o le pepa muamua, faatasi ai ma le tulua e $4,000 seia oo atu lava i le faailoga lona luasefulu ma e manatu nisi e matua lava ai lava le faasoa pe oo ina manuia lana pepa le sei.

Na fesiligia foi e le vaega o talafou le afioga a Luamanuvae Sili Silao pe o aofia uma ai alo ma tama fanau o le Katoliko i totonu o le afioaga o Salelologa i lenei faamoemoe ona e matua lava saunia lona faataunuuina, peitai na tali Luamanuvae e le o aofia uma ai alo ma tama fanau a le nuu o loo i totonu o le aai o Sini ua na o ni nai aiga ua o latou lagolagoina ma faataunuu le faamoemoe mo le ekalesia, ae o loo silafia uma lava ma ua mea foi ona logoina mo lo latou so'osoo tauau mai i se taumafaiga vaivai pei ona alo atu i ai mafutaga.

Sa taua foi e Luamanuvae le faamoemoe i le seleni ua maua a le mafutaga Katoliko a Salelologa o le'a tuuina atu loa i se kamupani i Niu Sila e oka s'ao atu ai mea o loo manaomia mo le faamoemoe o le malumalu a le eakalesia Katoliko i totonu o le nuu ma le afioaga o Salelologa.

O le afioga ia Patele Mikaele Luamanuvae o se tasi o lupe faalele ma le taulaga tagata a le afioaga sa faatama i ai le mafutaga, ao le afioga ia Luamanuvae Sili Silao o le taitaifono, sui taitaifono o Leatigaga Maposua Pa Auapaau, failautusi o Sera Lilomaiava Tauapai, ao le teutupe o Tuaoloa Matamua Lafaele.

Rev. Leiite Setefano NZ & Rev. Otele Perelini Samoa auai i toe sauniga o Norman Palaamo

by Toomata P. Maiava

Rev. Leiite Setefano NZ & Rev. Otele Perelini Samoa auai i toe sauniga o Norman Palaamo

Ua toe taliu atu nei i Niu Sila le susuga i le toeaina o le ekalesia PIPC ia Setefano Leiite Setefano ma le faletua ia Lealofi mai Glen Innes ina ua maea le maliu o le alii o Norman Palaamo lea sa malaga mai ai i le aai o Sini. I se feiloaiga a le sui o le Samoa Times ma le susuga i le toeaina na ia faaalioa mai ai le agaga fiafia tele i le auaunaga ma le tautua a le nusipepa iloga lenei ua mafai ai ona faasopolia setete uma o Ausetalia le oo atu i ai ma ua mafai ai foi ona silafia mai ai e Samoa i Aotearoa mea o loo tutupu i lenei itulagi.

E le gata ina toe taliu atu le susuga i le toeaina ia Setefano ma le faletua ia Lealofi ae na faapena foi ona toe foi atu ai ma le pule o le kolisi faafaifeau i Malua a le Ekalesia Faapotopotoga Kerisiano Samoa lea sa malaga mai i le aai o Sini ina ia auai i toe taimi o le alii o Norman Otele Palaamo, faaalia e Setefano lona malaga mamao mai Niu Sila ma le faletua ona o le fia faamafanafana i le la uo mamae i le Talalelei le susuga ia Palaamo ma lona faletua ma e le mafai ai lava ona faagaloina Afi'a i si ona vao i vaitaimi o le galuega Talai i Niu Sila.

O le alii ua maliu ia Norman o se alo faasino i le susuga ia Rev. Fosi Palaamo ma le faletua ia Latai ua maliu, ma e aamia e le Atua lea atalii o loo tausia faatasi e Fosi ma lona faletua ia Bessie, faapea le tamaitai o Salamaina, Rowena seia o'o ina aamia e le Atua i le aso 11 o Fepuari 2008, e 27 ona tausaga, ma na fanau Norman ia Fepuari 25 o le 1981.

Sa mafai foi ona auai mai ai le susuga i le aoao ia Alesana Palaamo mai le atu Europa ma le faletua ia Lemau faapea foi le alii o Junior Fosi Palaamo lea foi sa avea ma sui o le Manu Samoa i tausaga ua alu mai Aealani (Ireland). Sa faatasi mai ai foi le afioga ia Fonoti Afamasaga Perelini mai Samoa ma toatele o i latou o loo alaala ma papa aao i setete eseese o Ausetalia nei.

E le gata i uso ma aiaga o Norman na malaga mai le atu Europa ae sa auai ai foi ma le tele o ona aiga mai Niu Sila ma Samoa ona o le fia auai i ona toe taimi. E pei ona silafia e lo tatou atunuu o le alo lenei o le toeaina ia Fosi ma le tina ia Bessie o se atalii e ma'i mai lona olaga atoa i lona fanau mai ma e tele ina iloa e Samoa i Ausetalia nei ona e auai lava ia i le tele o sauniga tetele ma le taualoa a lo tatou atunuu, sa taua e Palaamo i le sui o talafou le faafetaia o le alofa o le Atua ona o ia tausaga e tele na foai i le atalii ua umi ai le latou mafutaga.

Sa maua foi le avanoa e faatasi atu ai le peresetene o le Fono Aoao a Tagata Samoa i Sini le tofa ia Taumualasi ma le faletua ia Ane, faapea foi ona auai le susuga i le Toeaina Faatonu o le Matagaluega NSW Rev.Peleti Toese Toailoa ma le faletua ia Senetenari, faapea foi le Toeaina o le pulega Sini Saute Rev. Taipo ma le faletua ia Sitaua, ae le gata i lea o Rev. Itione Faavae-Eli ma le faletua ia Pefia mai le Ekalesia PIC Tutoatasi i Minto, o Rev. Kolia ma le faletua ia Sootuli Kolia ma le susuga ia Litala & Levei Tuimaualuga. Na auai foi le tina matua ia May Faletoese o se tasi o uluai tina o le galuega talai a le EFKS i lona amataga i Ausetalia i le 1980s.

Sa faaiuina le sauniga ma le peau faamavae a le alii o Norman Otele Palaamo i le hall o le kalapu lakapi iuni a Randwick ma tatala ai loa le filialii.

Fesiitai laau o le faatoaga i le tautua Radio Fofoga Moomia Samoa Sydney Australia

by: Toomata Pasefika Maiava

Faatulaga le Tautua a le Radio Fofoga Moomia Samoa Sydney FM 98.5

O le amataga o le tausaga nei ia Ianuari 2008 sa toe fetuunai ai le pulega ma le faagasologa o le leitio lauiloa i le aai o Sini i le setete o Niu Sa Uelese lea e faasalalau i taeao o aso Sa taitasi, e ala usua'i ai le faafofogaaga a Samoa o loo alaala ma papaaao i lea itu o Ausetalia ao alo i le gaseseina o taumafataga mo faiga toonai pe a maea sauniga lotu. O lenei polokalame o loo muamua tatalaina lava i le vii o le fu'a o le saolotoga o le malo o Samoa pe a ta le 6am ona sosoo ai lea ma faigalotu a le au faigaluega pele a le Atua i soo se fatafaitaulaga i le na o le 10 minute le umi, ma e faalagolago ma faatamoe lenei faasalalauga tai pei lava o le tautua a le 2AP lea ua SBC Radio 1 i Mulinuu i taeao o aso taitasi ia latou sauniga lotu. A maea ona faasolo lea o ana polokalame ma faaaliga seia ta le 7am ona kolosi loa lea o le laina i le leitio faava o malo le SBC mo faasalalauga tuusao i Samoa, Amerika Samoa ma atumotu uma o le Pasefika o loo mafai ona faalogologo ane i lea leitio i ana polokalame.

O le tautua a le leitio SBC ua faaagaga lea mo talafou faatasi ai ma alofaaga molipo mai aiga i Ausetalia mo matua, ma e pele o loo faamuli mai lo tatou tofi ma e faapena foi aiga i Samoa le molimoli mai o a latou alofaaga i aiga o loo aumau i le malo tele.

O le toe fetuunai o le pulega a le siufofoga o Samoa le Fofoga Moomia FM 98.5 i lenei tausaga talu ai le tuua e le malo le afioga ia Tauiliili Seiuli Aneru Faamoana le galuega faasalalau lea sa vaavaalua ai ma le sui o le Samoa Times i Ausetalia. O le afioga ia Tauiliili Seiuli Aneru Faamoana mai le afioaga o Aufaga na faamanavaina e le Atua i feau ma galuega ao malaga asiasi atu i Samoa ia Novema 13 o le 2007, ma e ui ina maliu o ia ae o loo tumau lava i loto ma agaga o tagata Samoa le tautua matavela o lenei tamalii o le atunuu i luga o ana polokalame i vaveao o aso Sa taitasi.

O le le nofoia o le nofoa a Tavita i le afioga i le matua ua seeatu nei i ai le afioga ia Pesefea Faaitenuu Semikueva Lynch e sui tulaga ma avea ma alii faasalalau a le Fooga Moomia o Samoa e vaavaalua ai ma le faatonu o le polokalame ia Toomata ma o ia foi o le founder o le leitio Samoa lea i le aai o Sini.

O le afioga ia Pesefea e mai le afioaga o Faiaai, Sataua ma Falealili lona tama le tofa ia Mano Fa'aatuatu ao lona tina o Melini mai le afioaga o Siumu ma Falelatai, o lona faletua o Foleni Gafo Leasuasu mai le afioaga o Safune ma Fasitootai ao lona tina o Tuimaugapo Sina mai le afioaga o Siutu Salailua, Siuvao ma Fagafau. O le afioga foi ia Pesefea o se tasi o loo auauna i le taina o viiga o le Atua i soo se Ekalesia ma e oomai i le taimi nei o loo galue i le ekalesia Metotisi i Penisitone.

Faafetaia e le atunuu le filifiliga sa fai e le pulega a le leitio Fofoga Moomia ona o le talafeagai o le sui ua tulai mai e tauave le tautua ia Samoa i taeao o aso Sa taitasi ma le fesootaiga tuusao ma le SBC Radio 1 i Mulinuu.

O faifeau faufautua i le polokalame o sauniga lotu o loo ua i ai le susuga i le Toeaina Faatonu o le Matagaluega NSW Rev. Elder Peleti Toese Toailoa (EFKS Fairfield) mai le afioaga o Laulii, Rev. Fosi Palamo o le Ekalesia Perepereane Matraville mai le afioaga o Toamua, Rev. Fiti Fiu Semaia faafeagaiga o le EFKS Condell Park mai le afioaga o Sili Savaii. O le va fealoai ma le atunuu o le susuga i le alii aoao fesoasoani poo le tofa ia Aigamaua Iosefa Maiava mai le afioaga o Utualii, o le Afio a lea o Luatuanuu ma le Ma’opu o Matiu. Afio le Aloalii o Luafalemana, maliu mai le Uso ma oe le Si’ufanua ma le Faletolu.

O le faaululuga o polokalame o loo tumau pea i le afioga ia Toomata P. Maiava mai le afioaga o Avao Savaii ma Utualii, o le afifio a lea o Sa Peseta ma lo outou Ma’opu, Maliu mai le Nofo a Usoalii i lo outou Faleiva, alaalata’i oe le Matautu.

O le taina o pese (label) ma tuuina i le komipiuta o loo feagai ma Pelesa Maiava, Andrew Faamoana (son of late Tauiliili Seiuli Aneru Faamoana), Vine Laupepa ma le tamaitai o Semeatu Maiava o loo feagai ma le faaleoina o faasalalauga faapisinisi.

E le gata la ina faasalalauina i luga o le FM 98.5 MHz ae o loo maua foi i luga o le upega tafailagi i le website: www.fofogamoomiasamoalive.com tu'usa'o ai mo le mamalu o le atunuu o loo afifio ma papa aao i atunuu mamao.

Tusi mai ia Alesana Palaamo - 25 February 2008

Faaalia e nisi o tama fanau a Samoa i atunuu mamao lo latou agaga fiafia e sapasapaia le tautua a le Fofoga Moomia mai Sini Ausetalia ma le SBC Radio 1 i Samoa i luga o le Upega Tafailagi lea e tuusao atu ai faasalalauga i luga o le URL i le Windows Media Player.

Tusi mai ia Alesana Palaamo - 25 February 2008

Malo lava le soifua Toomata, faafetai fo'i mo faamanuiaga e pei ona tuuina mai ile ea.

E manino manaia le lua polokalame mai le ea, e pei ona ou faalogologo atu ile URL ile Windows Media Player, mai le internet. E leai se faaletonu i le faasalalau mai inei i le Netherlands, e leai fo'i se delay i le tuusao mai lea i luga o le ea (broadcast) o loo sau ai.

O le taimi o loo faasalalau mai ai le lua polokalame, e tusa lea ma le Aso Toonai ile 8pm i le po a iinei, a o le 6am ile Aso Sa a outou i Sini, ao 8am ile taeao o le Aso Toonai i Samoa.

Mo le lua silafia, e toatele lava tama fanau o Samoa o loo iinei i Europa, o Sweden, o Belgium, o Siamani, o Falani, i Egelani ile UK, i Ireland ma iinei fo'i ile Netherlands.

E to'afa tama Samoa o lo'o faigaluega ile malo iinei i le Netherlands, ile laumua o galuega e faatatau ile va o malo iinei e igoa - the Hague - ma ua matou fesoota'i fo'i.

O alii leoleo mai Upolu, o loo fai a latou assignment i Europa, e base mai iinei ile Netherlands, ae masani ona faimalaga atu i Bosnia, Russia ma nuu faapena.

O le lona lua nei o latou tausaga iinei ile Netherlands, o nisi ua fa'atasi mai o latou aiga ma fanau, ma ua mautu fo'i o latou aiga iinei, ua aoaoga foi tamaiti i aoga a le au Dutch.

E faigaluega uma ile lala o le United Nations (UN) ma ua manaia lava o matou talatalanoaga fo'i i email faapea le telefoni.

Ae ou te le o mautinoa poo faalogologo mai fo'i i le lua polokalame. O tama taaalo o loo tele ile UK ma Ireland, toatele lava le au uso ua mautu o o latou aiga iinei - E pei o Ali Lauitiiti, David Solomona, Alesana / Aneterea / Fereti Tuilagi, Maurice Faasavalu, Lome Faatau, George Harder, Tanner Vili, ma le anoanoa'i o tama Samoa iinei ile UK.

A e faafetai tele mo le fesootai mai. O la'u mobile iinei ole +31 619 155 899, ae mafai fo'i ona ou valaau atu mai se tasi o polokalame o loo ou faaaogaina ile internet, e free ma manino fo'i la'u valaau atu, pe a e finagalo iai.

Ia manuia tele galuega foi o lenei vaiaso, ae maise fo'i le lua tautua mo tagata Samoa, e le gata i Ausetalia ma Samoa, ae maise Samoa uma o loo mau ma nonofo i soo itu o lenei lalolagi.

Soifua ia

Alesana

EFKS Youth Fairfield Heal The World (Faamalolo le Lalolagi)

by: Toomata Pasefika Maiava

EFKS Youth Fairfield "Heal The World" (Faamalolo le Lalolagi)

O le Heal The World poo le Faamaloloina o le Lalolagi o le auga o aute ma le autu lea sa faatumutumu ma taulai i ai le faaevagelia a le Autalavou EFKS a Fairfield lea o loo tausia e le susuga i le Toeaina faatonu o le matagaluega a Niu Sa Uelese (NSW) i Ausetalia, Rev. Elder Peleti Toese Toailoa ma le faletua ia Senetenari Toailoa. I se polokalame faapitoa sa faatinoina i le tau faaiuga o le tausaga 2007 i le vaitau vevesi i le agai atu i le faamanatuina o le Kerisimasi ma faatalitali i le toai taunuu mai o le Tausaga Fou lenei 2008.

O le hall lava a le ekalesia o le Maluapapa o le Talalelei i Fairfield sa faataunuuina ai lea faamoemoe tele a le autalavou, ma sa mafai ona auai atu i ai nisi o autalavou e mafuta faatasi ma fefaasoaai i manatu ma lagona aemaise le itu faaleagaga ina ia tapasaina ai pea le tupulaga lalovaoa a le ekalesia ma Samoa i le olaga faakerisiano ma pipii pea i le Alii le amataga o mea lelei uma. O le susuga lava i le toeaina faatonu ia Peleti sa tatalaina aloaia i se upu tomua ona sosoo lea ma le faitauina o le Tusi Paia e Velita Lele i le gagana Samoa ao le susuga ia Lee Roy Saipaia sa faitauina le gagana faaperetania. O le tatalo na saunia e Misipati Lele i le gagana Samoa ao Keisha Gipson i le faaigilisi, na maea ona faagasolo loa lea o pesepesega ma siva faaleagaga e sulaina ai le alofa silisiliese o le Atua ona o lana tausiga matalasi ia Samoa ma le au kerisiano faatuatua. I nisi o autalavou sa auai i lea po o Villawood pei ona tausia e Rev. Isaako ma Tavai Pate, Granville o loo tausia e Rev. Siaki & Gaufa Brown, autlavou Crossroads o Penrith o loo tausia e Rev. Gafoa Faitua ma le faletua faapea Doonside o loo tausia e Rev. Iosefa & Satui faatasi ai ma le Team a tamaiti Samoa ua faaigoaina o le Lemy Saints lea na matua mataina le latou faatinoina o le faaevagelia i soo se itu faaSamoa ma le faapapalagi.

O se tasi o vaega taua na vaaia e le sui o le Samoa Times i lea po ona o ni tautinoga sa molimau ai nisi vaega o le fanau i le suiga o le olaga soona fai sa i ai i le toe foi ma manatua le alofa tunoa o le Atua soifua, e ala i le auaunaga i le autalavou ma atinae le ekalesia pele a le Atua, na auai i lea faatasiga tele a le autalavou a Fairfield se tasi o fanau a le ekalesia Samoa o loo sikolasipi mai le susuga ia Peletisara Lima.

Sa faaiu i le i le pese o loo faaautu ai lea faatasiga ma le faaaliga tele ua faaigoaina "Heal The World" ma tatalo faaiu ai loa le susuga i le toeaina faatonu Peleti Toailoa ma tatala ai loa le filialii i lea po

Asiasi Taavaomalii Petelo i Ausetalia 2007-2008

by: Toomata Pasefika Maiava

Asiasi Taavaomalii Petelo i Ausetalia 2007-2008

O le maea ai o le faamanatuina o le aso Kerisimasi ia Tesema 25 o le tausaga 2007, na toai taunuu mai ai le alii fai faleaitu lauiloa a Samoa le tofa ia Taavaomalii Petelo i laufanua o Sini i sana malaga taamilo i Ausetalia mo ni ana faafiafiaga e faia i setete tolu o Sini Niu Sa Uelese, Perisipeni Kuiniselani ma Melepone Vitoria.

Taua e Petelo i se faatalatalanoaga ma le sui o talafou a le Samoa Times i luga o le leitio a le Fofoga Moomia i le taeao o le aso Sa le auga tonu ma le pogai o le malaga mai i Ausetalia i le faaiuga o le 2007 ma le amataga o le 2008 i le vevesi o tafaoga o ia aso faailogaina ae na taua e Taavao, lona malaga mai e i ai le faamoemoe ma le autu tonu na ia afea ai le malo tele o Ausetalia.

O lenei faamoemoe o le fia ta'u mai lea i tagata

Samoa i Ausetalia le tala ua pa ma salalau ma logo ai itu e fa i Longbeach i Amerika i le mea o loo nofo ma aumau ai e faapea ua oti, na matua le fiafia le alii faifaleaitu i sana saunoaga na faafofoga i ai Samoa ao faatalatalanoaina e le sui o le Samoa Times ona o nei uaealesi mosooi ua faamanogi leaga ai le faalogo a si toeaina.

Taua e Petelo o iinei lava i Ausetalia i o tatou tagata na salalau atu ai lenei tala leaga ma le anoano le faaoti o si toeaina ae o loo mautapuaaoina pea i le tausiga a leAtua soifua, faaalia e Taavaomalii o le 64 ai lenei o tausaga o lona soifua ae o loo ia lagonaina lava le mafanafana o le faatasi mai o le Atua ma lana tausiga ia te ia.

Ae na pau le mea o loo ia fia mauaina o le tagata Samoa i Ausetalia lea na faia lenei faamatalaga sei maua mai ona susue lea i luga o laugutu mafiafia ae sasa kainifo i le salutuaniu, e ui i le toatamai o Telo i lenei mea ae sa ia toe faamagalo i lenei ula leaga na ia faatupuina le tala i si toeaina. E fa la ni faafiafiaga ua sauni atu nei i ai le faifaleaitu ia Telo e faia e lua Sini, tasi Kuiniselani ma le tasi i Melepone ona toe foi ai lea ma si ona toalua pe a faataunuuina ia faamoemoega i le faafiafiaina o Samoa i Ausetalia.

E le gata ina malaga mai Taavaomalii i lenei faafitauli ae sa ia tatalaina foi le Liki Kirikiti a le faalapotopotoga a le Lau Samoa i le vaiaso na sei mavae atu nei.

OSIGA FEAGAIGA EFKS CONDELL NSW AUSETALIA

by: Toomata Pasefika Maiava

Osia le feagaiga Rev. Fiti & Mala Fiu Semaia ma le aulotu EFKS Condell Park NSW Ausetalia

O le aso Faraile 21 o Setema sa osia ai le feagaiga a le susuga i le alii faifeau ia Fiti Fiu Semaia ma le faletua ia Mara i le avea ma faafeagaiga taulagi e tausia le Ekalesia Faapotopotoga Kerisiano Samoa a Condell Park, ma o le amataga o le sauniga sa taitaia lava e le susuga i le faifeau toeaina o le Pulega a Sini Saute Rev. Taipo Malifa.

E ui o se aso faigaluega le aso tonu na pau i ai le osiga feagaiga a le aulotu ma le latou faifeau ae sa le faatafa le mamalu o le Pulega ma le matagaluega a Niu Sa Uelese i le Toeaina faatonu ia Rev. Peleti Toese Toailoa ma le faletua ia Senetenari faapea le nofoa faafeagaiga ma tagata lolotu uma i le fia auai e molimauina le osiga o le feagaiga tau i le lagi a le aulotu ma le latou faifeau.

Sa mafai foi ona auai mai ai le susuga i le Toeaina faatonu o le matagaluega a Melepone i Vitoria Rev. Amosa Amosa ma faifeau mai Samoa e molimauina le faamoemoe o le susuga ia Fiti ma lona faletua, sa auai ai foi nisi usoa ekalesia e pei o le Uniting Church Samoa i Lidcombe lea o loo tausia e Rev. Sione Eli ma le faletua ia Apoua faapea foi ma le susuga ia Rev. Aloese Filipaina

O le susuga i le alii faifeau ia Fiti o lona tuaa o le tama ia Fiu Semaia mai le afioaga o Sili Savaii, ao lona tina o Fogalele mai le afioaga o Gataivai, o lona faletua o Mara ma ona tuaa o le tama ia Vaipu’a Mo’emo’e Tuiavi’i mai le afioaga o Uafato i Fagaloa ao lona tina o Aumau mai le afioaga o Mutiatele i Aleipata.

Sa ulufale i laua i le Kolisi faafaifeau i Malua i le tausaga e 1999 ma na faauuina i le tausaga e 2002, o le 2003 sa avea ai ma faiaoga i le Kolisi maualuga a Tuasivi seia oo atu i le 2005 ma malaga mai ai loa i Sini Ausetalia ma le faletua ia Mala ma e toalua o la alo.

O le susuga i le Toeaina ia Taipo Malifa sa ia taitaia ma faataunuuina uma lava tulaga e masani ai le ekalesia Samoa i mea nei o le osiga o le feagiga a le faifeau ma le aulotu EFKS Condell Park, o le susuga i le aoao fesoasoani ia Aigamaua Iosefa Maiava o Utualii ma Avao Savaii ma le faletua ia Ofeira Leapai mai le afioaga o Malie sa tausia le ekalesia seia oo ina tasi moemoe le finagalo saili o le aulotu ua tatau ona osia loa le feagaiga ma lo latou faifeau aua le agai i luma o le galuega ma le faamaopoopoina o agaga o tagata mo le Alii ma lona finagalo.

O le tofa ia Tiata Umuti Tiata o le failautusi o le ekalesia sa feagai mo faaaloaloga i le Pulega a Sini ma le Matagaluega a Niu Sa Uelese aemaise susuga i Toeaiina ma faafeagaiga. I le faatau paia sa laga faatau le tofa ia Uso peitai sa ave lafo lava le faaaloalo i le Tiakono Toeaina o le Matagaluega NSW le tofa ia Loli Leilua e faia se upu mo le fula ma le mamala lea sa gapatia ma milomilosia i ai le aulotu a Condell Park. Sa fetalai le tofa ia Tiata e toe tali fuaitau i le auvalaaulia ma faafetaia ai le faamanuiaga a Toeaiina ma faafeagaiga sa ofo alofa atu mo le aulotu ma le faafeagaiga fou, fetalai Tiata e ui lava ina fou le osiga feagaiga peitai o i latou o nisi lava o toa manumanu o le ekalesia i le tautuaina i le asaina o le vao filifili ma le atinaeina o nisi o galuega sa galulue ai, ma o le finagalo lava o le Atua ina outou atu i soo se nuu ma soo se afioaga e fai outou ma soo e tauavea le suafa pele o Keriso ma tautua le ekalesia i soo auala e tusa ai ma lona finagalo.

Sa matua foi le Pulega ma le Matagaluega ma le vaa ua lomi ma le vaa ua goto i faaaloaloga sa faatinoina e le aulotu a Condell Park e faaali ai lo latou valevale alofa ma le tausi feagaiga i le latou faifeau fou

O le Toeaina faatonu o le Matagaluega Niu Sa Uelese Rev. Peleti Toailoa sa saunoa faamanuia ma tatalo mo le manuia o le aulotu ma le latou faifeau i le alo atu mo le galue a le Atua.

I le maea ai o le va feagai a le aulotu Condell Park ma le Pulega Sini Saute ma le Matagaluega NSW sa feiloai ai loa le aiga o le faifeau ia Fiti ma Mara Semaia ma lana aulotu e ala i tu ma aga masani o le feosiaiga o feagaiga, ma o le tofa ia Pula Lolua sa fai ma sui o le aulotu ae fetalai le tofa Fiu mai le itu a aiga na lua a le faifeau e molimoli le latou meaalofa ma tulaga uma e masani ai le ekalesia Samoa i mea tau faaaloaloga. I le maitau a le sui o le Samoa Times e muliga foi le osiga o le feagaiga poo le tautoga i le va o le tamaitai ma le alii faaipoipo i tulaga tetele na oo i ai le feiloaiga a aiga na lua a le faifeau ma lana aulotu i Condell Park i teuga faatamalii ma le faatupu sa faatinoina i lea aso Faraile.

Sa tatalo le susuga i le Toeaina faatonu ia Amosa Amosa mai Melepone ma tatala ai loa le filialii.

Tofia Rev. Aloese Allan Filipaina mo le International Moderator Aotearoa NZ & Ausetalia

by: Toomata PMaiava

Tofia Rev. Aloese Allan Filipaina mo le International Moderator Aotearoa NZ & Ausetalia

O le aso sa 21 o Oketopa sa faaiuina ai le fonotaga tele a le Ekalesia Soofaatasi Ausetalia ma Aotearoa Niu Sila, lea sa amata usuia mai i le aso Toonai 20 Oketopa i le talanoaina ma le agai i luma o le galuega talai mo le au kerisiano faatuatua i taitai o le Ekalesia i Aotearoa i Niu Sila faapea foi ma Ausetalia nei.

Sa auai mai ai i lenei fonotaga le susuga i le alii faifeau ia Dr. Joe Goodal mai le setete o Kuiniselani, o Rev. Asi Luaei Siaoloa Ioelu mai Melepone i le setete o Vitoria, o le susuga ia Rev. Joe Ioelu Ioelu mai Niu Sila, faatasi ai ma le faatonu o Autalavou le tamaitai ia Miriama Laumea, o le susuga i le alii faifeau ia Dr. Harry Melkonian, atoa ai ma le susuga i le alii faifeau ia Aloese Allan Filipaina lea o loo ia tausia ma le faletua le Ekalesia i Balmain.

O le susuga ia Dr. Harry Melkonian le taitaifono faava o malo poo le International Moderator o le lotu Soofaatasi a Niu Sila ma Ausetalia (Congregational Federation of Australia and Aotearoa New Zealand) sa ia taitaia le sauniga i le ta tonu lea o le 9:30am i le aso Sa na sei mavae atu nei. I totonu o lenei sauniga mamalu i le malumalu o le Ekalesia Faapotopotoga a St. Andrews i Balmain, sa valaauina faapitoa ai le alii faifeau Samoa ia Rev. Aloese Allan Filipaina mai le afioaga o Vailuutai e susu atu i luma o le faapotopotoga ma na faailoa ane ai e Dr. Harry e faapea.

Ua iu le fonotaga ma ua tasi moemoe le filifiliga a le Ekalesia i lana usugafono lona fitu o lenei tausaga 2007 e avea le susuga ia Rev. Aloese Filipaina e fai ma ma taitai fono aoao faava o malo (International Moderator) a le Ekalesia Faapotopotoga Soofaatasi Ausetalia ma Aotearoa Niu Sila, ina ua maea le fa tausaga lea sa taitaia mai ai e le alii faifeau ia Dr. Harry Melkonian.

O se tulaga sa faafetaia ai e Samoa ma ona tagata lolotu o loo i ai i lea itu o le tovine le ausia e se alo o Samoa lea tulaga taualoa faava o malo pei ona tulai mai ai le susuga ia Aloese Filipaina, e le gata i lea ae sa matua viia ma faafetaia e le susuga ia Filipaina le Atua o Sapaota ona ua ia faaaogaina lona tagata ma le auauna vaivai e tautua ai ana feau mo aso oi luma.

I nisi o tulaga mataina sa molimau i ai le sui o talafou o pesega faa-evagelia sa faatinoina e le ekalesia Samoa malaga mamao mai Melepone na momoli faatasi atu ai ma le feau o le faaolataga a Iesu Keriso i papalagi ma-e, e le malamalama i le gagana Samoa.

Sa faaiuina i se taumafataga ma tatala ai loa le filialii ma toe tuuvaaa atu ai loa susuga i alii faifeau ia Rev. Joe Ioelu Ioelu i Niu Sila faapena foi ma le susuga i le alii faifeau ia Rev. Asi Luaei Siaoloa Ioelu lea foi ua filifilia e na te tauavea le tulaga o le taitaifono mo Sini Niu Sa Uelese ma Melepone Vitoria faatasi ai ma faifeau o le Ekalesia Faapotoopotoga Soofaatasi Ausetalia ma Aotearoa Niu Sila lea sa malaga mai Kuiniselani ma isi setete o Ausetalia.

Tuumalo Tauiliili Seiuli Faamoana (53yrs)

FAAALIGA I LE MALIU TAUILIILI SEIULI ANERU FAAMOANA

E! FAANOANOA LAVA! E FAASILASILA ATU

LE MALIU O LE MATOU ATALII PELE, LE USO, LE TAMA, O SE UO, O SE AUAUNA FOI A LE ATUA I LE TOFI O LE AOAO FESOASOANI, AEMAISE O IA FO’I O SE AUAUNA SA VAE MA LIMA I AI SAMOA I LANA AUAUNAGA, I LE SIUFOFOGA POO LE LEITIO FAASALALAU O SAMOA, I SINI AUSETALIA MA LE LALOLAGI ATOA I TAEAO O ASO SA TAITASI, I LE LEITIO FAAVA O MALO "LE FOFOGA MOOMIA O SAMOA" FM 98 .5.

AMUIA LE VALAAU LONA MATAI! AO GALUE PEA I LE AUAUNAGA IA SAMOA MA LE LAOLAGI ATOA I VAVEAO O ASO SA TAITASI.

AMUIA E UA OTI, OTI OI LE ALII.

O LEA! E MATOU TE FAASILASILA ALOAIA ATU AI I LE AVA TELE MA LE FAAALOALO,

UA MALIU TAUILIILI SEIULI ANERU FAAMOANA……..,

UA MALIU TAUILIILI SEIULI ANERU FAAMOANA!

I LE MAOTA GASEGASE I ULUMOTOOTUA I APIA SAMOA, I LE ASO LUA 13 O NOVEMA 2007.

UA GASETOTO AI NEI LE MASINA, UA GASOLOSOLO AO, UA TAAPE PAPA, UA PA'U LE MASINA, UA GAUGAU AUT-A

O LE LAGIA LAVA LEA O AUFAGA MA LEPA, FEU’U MA FAGATOGOTOGO

I LE AFIO O LE AIGA SALEVALASI.

AFIO TUPUOLA, AFIFIO TAGO MA TAGO

AFIFIO LATOU FALETOLUGAFUA: FALETAGOA'I, LUPESOLIAI MA SAVUSAT-U.

O LE MOA NA VINI MUA!

O LE LAAU TAUTA MALOSI O LE ULUGA TANIFA E TULATOA I LE MAOTA

ALAALATA'I POPO MA TALIMAO, IA MA UPU IA SALEFAO.

E! UA GASETOTO LE MASINA, GASOLOSOLO AO, TAAPE PAPA, PA'U LE MASINA,

UA GAUGAU AUT-A!

O LE LAGIA FOI LEA! I LE AFIO O FALETOI MA'OPU TAULAGI MA ALALA I MALAE.

LE ALOALII MA LE AO O FALEUPOLU, SAGALE MA SOGI MA LE TAVAI.

E PUIPUI E TAPAAU O LE ITUMALO, FATIALOFA MA AUELUA O TAMA O LE PUNEFU!

O TULANIU O ATUA MA LAU FETALAIGA MALIELEGAOI, MA UPU I LE TOFI FAASOLO FALEATUA MA SALEFAO!

E! UA MALILIU TOA UA MAIMAU AI AUUPEGA O LE TAUA.

UA TUUMALO LE SUSUGA IA SEIULI TAUILIILI ANERU FAAMOANA........

UA TUUMALO LE SUSUGA IA SEIULI TAUILIILI ANERU FAAMOANA……

UA TO LE TIMU, UA TAFEA LE TAUOFE, UA GASOLOSOLO AO, UA TAAPE PAPA!

UA LAGIA NEI FEAGAI MA LE ATA MA POUTOA! I LE SUSU LAU SUSUGA I LE MALIETOA NA FAALOGO I AI SAMOA, MA LOU NOFOA VAEVAELOLOA.

SU-S-U LE AIGA SA MALIETO-A MA LE ALALAFAGA O USOALII.

SU-S-U TO'OA NA SA'O NA LUA I LO OUTOU ALALAFAGA.

MALIU MAI MAGO MA LUASIUFANUA.

E! UA LE NOFOIA LE NOFOA O TAVITA! O SE SA AVEA MA AUAUNA TAUTUA MATAVELA, TAUTUA AFUTOTO, TAUTUA LE FAATUOIA,

I LE MALULU MA LE FESUISUIA'I O LE TAU I TAEAO O ASO SA TAITASI, AE SA LE FAAVAIVAI E AUAUNA MO SAMOA I AUSETALIA, SAMOA LE ATUNUU MA LE LALOLAGI ATOA. E ALA I FAASALALAUGA A LE LEITIO, MA O S-E SA VAAVAALUA MA LIMA TAUMATAU I AI FAASALALAUGA I VAVEAO O ASO SA TAITASI.

FAAMOEMOEGA UA LE TAUNUU, E MOMO AI LE AGAGA, INA UA E ALU ATU I SAMOA MA E SOLA AI LAVA.

AE UI I LEA! E PULE PEA LE ATUA!

O LE TI’A E LE SEUA, O LE MUA E LE FUATIA, O LE TAO E VELO I LE MANINOA, O LE TA E LE AGAIA, O LE MA’A E TOGI FAATO

TAU IA INA IA MANUIA LAU MALAGA - TAUILIILI SEIULI ANERU FAAMOANA

SAINIA LENEI FAALIGA FAANOANOA E AIGA!

Sususga ia Peleti Toese Toailoa: Toeaina Faatonu Matagaluega EFKS a Niu Sa Uelese

Susuga Faauuga Logovae: Sea o le Sinoti a Melepone Vitoria

Afioga Tago Falefia Auelua

Afioga Tagaloa Fotu Filipo Tago

Tofa ia Tulatoa Tavita Auelua

Tofa Leafa Nuuausala Fetoai Auelua

Tofa ia Numia Lefaoseu Auelua

Tofa ia Malaeafoa Lale Auelua

Tofa ia Faletolugafua Faalupega Auelua

Tofa Fogavini Safua Tavale.

Aemaise le tina faanoanoa ia Soo Tauiliili Seiuli Aneru Faamoana ma le fanau loto faavauvau.

SAMOA SCHOOLS RUGBY UNION AUSTRALIA TOUR 2007

SAMOA SCHOOLS RUGBY UNION AUSTRALIA TOURNAMENT 2007

PLAYERS SCHOOL POSITION VILLAGE

Siologa LEOTA CSC Hooker Avao

John ROACHE Don Bosco Prop Vaiusu

Tala Gatoloai Mataaevave Prop Lalomalava

Pao MUAAO LDS Vaiola Prop Sapapalii

Matafele LONGDEN Mataaevave Prop Faala & Iva

Faatoialemanu ELIA Vaipouli Hooker Safune & Aopo

Atinae TAVANA Uesiliana Loosie Samalaeulu

Vailele TAULOA Vaipouli Lock Safotu

Ina FINAUVALE Aana #2 Lock Falelatai

Nuusoa TUIGAMALA Maluafou Lock Faatoia

Davia TANIELU Wesley Loosie Laulii

Laolaoifale SOLOMONA Wesley Loosie Sataoa

Ieremia FAIFAIESE Chanel Loosie Nofoalii

Falemiga SELESELE Uesiliana Loosie Satupaitea

Iosua VALAAU Avele Loosie Vavau

Karl MALIELEGAOI Avele Halfback Faleatiu

Benjamin LEIA LDS Pesega Halfback Satitoa

Ivy LELEISIUAO LFC-Leulumoega First 5/8 Afega

Utuseuga UTUPO LFC-Leulumoega Second 5/8 Afega

Pati TUAVAE Faleata Wing Saleimoa

Penani ALIITAVINI LFC-Leulumoega Centre Lefaga

Tafeaga SILVER LDS Pesega Centre Faleula

Faamoana LEAUPEPE Falealili Fullback Falealili

Elama Fanuafou LINO LDS Vaiola Wing Iva

Lafi EUROPA Tuasivi First 5/8 Fogapoa

Faialaga AFAMASAGA Avele Fullback Fasitootai

Iosefa TAPUSOA Don Bosco Second 5/8 Safotu

OFFICIALS………............………………OFFICIALS.............................OFFICIALS...............…

Siulepa F. ULA Vaipouli Manager Lotopa & Sogi

Amosa TAPUAI Uesiliana Assistant Manager Sagone

Selu TUALA LFC-Leulumoega Coach Lefaga

Leuelu TALISAU Mataaevave Asstistant Coach Lalomalava

Stan TOOMALATAI SRFU Technical Advisor Vaivase

Aiga ESERA Avele Media Officer Avele

Faavesi TAVITA Maluafou Referee Papauta

Fr. Mika Leilua Don Bosco Physiotherapy Vaiusu & Safotulafai

AUSTRALIA CO-ORDINATOR: GISA VILI ALAALATOA, Mob: 0421-054-334

MATCHES - TAALOGA MA NOFOAGA E FAI AI:

1ST GAME - WEDNESDAY 19th September

SAMOA SCHOOLS Vs NSW Under 18 yrs

TIME: 3PM, VENUE: GRANVILLE OVAL, MERRYLANDS NSW

2ND GAME - SATURDAY 22nd September

SAMOA SCHOOLS Vs AUSTRALIA SCHOOLS 'A'

TIME: 5:30PM, VENUE: PARRAMATTA STADIUM (EELS CLUB) NSW