FOFOGA MO'OMIA O SAMOA - News / Talafou

Asosi Lagimalofie a Samoa i Sini Ausetalia 2010

tusia: Toomata Polutele Maiava

Faatuina le asosi Lagimalofie a Samoa i Sini Ausetalia 2010.

O le aso Toonai 2 o Ianuari 2010 na oso a'e ai se faamoemoe fou o le lumanai manuia o alo ma fanau a Samoa i tupu ma tamalii, failauga, faletua ma tausi faapea le tupulaga talavou i tama ma teine o loo laeiina le tatau poo le malu a Samoa. Ina ia faatuina se asosi a le Lagimalofie a Samoa lava latou ia i Ausetalia aua le faamaopoopoina o le tu ma le aga i fanua a fanau lalovaoa a le atunuu o loo fia silafia le olaga faataule'ale'a a le sogaimiti ma le teine taupou i le fale o matai faapea foi le va fealoa'i i aiga, ekalesia ma soo se nofoaga faitele e iloa ai le Samoa aoaoina.

Ina ua fesiligia e le vaega o talafou le afioga ia Su'a Suluape Petelo o le faatama o le asosi mai le afioaga o Faleseela Lefaga ma o ia foi o se tufuga ta tatau sa fitaituga ma le galuega i Ausetalia i le tele o tausaga ua mavae seia oomai i le taimi nei e uiga i le faamoemoe na ia taua ai e faapea ai.

O le foi mai Samoa i nisi o faamoemoe sa faataunuuina ai i le faaiuga o le tausaga 2009 o lenei lava matafaioi o le asosi a le Lagimalofie na a'e ai sona lagona ina ia tatau foi ona mafai ona faia lenei auaunaga i Ausetalia ma o lea na ia taloina ai se fono i nisi o alo sa ia galueaina le taina o a latou malofie, ma na taliaina e le toatele o alo Samoa faatasi ai ma nisi sa taina a latou tatau i isi foi tufuga ta tatau o le atunuu.

Sa taliaina le fanoga ma o lea na amata ai loa i nisi lava o alo Samoa faatasi ai ma se alii papalagi Ausetalia ua uma ona ta lana pe'a e amata loa le asosi, sa saunoa foi Suluape e le'o faapito augafa le faamoemoe na o e sa tata ia te ia ae o loo tatala lava le avanoa i soo se tasi sa taina i nisi tufuga ta tatau.

Sa fesiligia foi e talafou le tofa ia Tuautu Tago Samaauga mai le afioaga Laulii ma Fasitoo-Tai o le taitaifono sa filifilia i lea aso Toonai 2 o Ianuari 2010 le auga autu o le asosi ae na ia taua, o le aga i fanua lava ina ia aoaoina i tupulaga lalovaoa o le atunuu ma ua faamoemoe o le aso 30 o Ianuari i lona aso Toonai o le'a amatalia ai le i se ava o le feiloaiga e faatinoina ai le tu ma le aganuu ona faagasolo lea i nisi o tautua a le taule'ale'a Samoa i le sogaimiti ma le teine taupou le malu i lana ia foi matafaioi i le fale o matai aemaise nisi o talatuu ma tala o le vavau o le'a mafai ona faasoa ai ma tufa atu mo le mamalu o le asosi.

O lenei vaega ina ia tumau ai pea i le loto ma le mafaufau o le tama ma le teine Samoa le taua o lona faasinomaga ma lona tupuaga o le Samoa moni, e ui lava e le o i ai se atoatoa o tupu ma tamalii faapea foi failauga i le aganuu ae faamoemoe lava i le tofa fetufaa'i ma le faautaga fefaasoa'i e manuia ai le asosi ma le faatauaina o le tu ma le aganuu a Samoa, o le fetalaiga mulimuli lea a le tofa ia Tuautu i le sui o talafou.

O nisi o le asosi sa mafai ona auai atu i lea aso Toonai o Afiafi Alai Futialo o Levi Saleimoa, John Ioane Laupepa o Faatoia ma Mulifanua, Max Schuster ma John Schuster o Faleapuna, Pio Aki Tauiliili o Safotulafai, Vasa Lauvao o Fagaloa, Samaauga Samaauga o Laulii, ma Michael Suluape o Faleseela Lefaga ma Malie faatasi ai ma le alii papali Ausetalia o James Ellison o sogaimiti ia, ae o malu o Fou Lauvao o Savaia Lefaga, Meri Tausaga o Laulii, Julian Samaauga Vailuutai ma Laulii ma le tamaitai Cook Island o Tamara Schuster.

Peitai e ui ina faafesootai atu le toatele o alo Samoa e fia auai i lenei asosi ae ona o avanoa ua le mafai ona paaau atu ai, ma le faamoemoe i le aso Toonai 30 o Ianuari 2010 o le a faatasia ai mo le amataga fou o lenei asosi i totonu o Ausetalia. I lenei lava avanoa ua mafai ona faalauiloa atu ai i nisi o alo Samoa i Ausetalia lava latou ia numera mo lenei asosi i le lumanai. Su'a Suluape ph: 02) 86785285, mob: 0451011917, Tuautu Samaaauga ph: 02) 46277846, mob: 0412077376.

SALEAPAGA O LE NUU TOE TAU AMATA

SALEAPAGA O LE NUU TOE TAU AMATA Tusia: eventpolynesia.com

I aafiaga o le tsunami, ua suia ai nei Saleapaga i Aleipata o se nuu tu matafaga i le avea o se nuu e tu i le vao. O le afioaga lenei e ui ina o loo lumafale pea i le sami, peitai ua siitia nei le nuu i le vaega na avea ma tu’a maota ma tu’a laoa o lo o iai fa’atoaga ma lafumanu. E ui o se vaaiga fa’amomoi loto le tulaga o le toe tau amata o aiga uma o le nuu, peitai e maeu le soifua finau o Saleapaga i le toe atinaeina o lona nuu fou ua iai nei. Ua le gata i maota o le nuu o lo o fa’asolo galuega, ae ua iai nei galuega mo fale tapuai fa’apea le toe amataina o le aoga amata i le maota o le Fa’afeagaiga EFKS i le nuu fou. O se tasi o vaega o mea’alofa sa tufatufaina e le TS09 i le amataga o Tesema sa aofia ai leitio e 300 na foaia e le Aufaimusika ma le Aufa’afiafia Samoa i Aukilani. O le tofa ia Lapa Vaoeli Leatioo ma le tofa Savea Al Harrington Lavea sa fai ma sui o lea tapenaga i le tufatufaina o leitio mo afioaga na aafia e aofia ai le 50 leitio sa tuuina atu mo Saleapaga. Fa’aalia e Lapa, “O leitio nei e alu i le ma’a o le a fesoasoani tele mo le maua o fa’asalalauga ma tala mo nai aiga ua nonofo i uta i le vao.”

O le a’atupeina o nei leitio sa maua i ni sailiga seleni sa faia i le Otara Shopping Center ma le Mangere Flea Market lea sa fa’amaopopo e le tofa Filipou Pinati Williams, Lapa Vaoeli Leatioo, Savea Al Harrington Lavea, Alo Veta Tiai, Galumalemana Tenari Tautua, Mose Loulanting, Tuilavasii Tom Aiono, Toa McCarthy. O isi na lagolago e aofia ai Gaylene Akeli, Cindy of Samoa, Aggie Su’a, Pagamalie Iopu, Aniseto Falemoe, Asuao Felise Mikaele, Muagututia Lose Tominiko, fa’apea le au siva naifi a Leni Mamea ma ona alo ma le ausiva a tamaitai o alo o Va’afusuaga ma Elsie Ropati. O afioaga na fa’amanuiaina i leitio e aofia ai Manono-Tai i pito nuu o Salua, Apai, Lepuiai ma Faleu, fa’apea Siumu, Saleilua, Poutasi ma Salesatele i Falealii, o Lepa, Saleapaga, Vailoa, Ulutogia, Satitoa, Mutiatele, Saleaumua fa’apea ma Matatufu i Lotofaga. O se isi o fesoasoani na tufatufaina e le TS09 fa’atasi ma leitio ma meaalofa mo fanauiti, o pailate e lima o fagupau tai fa kalone mo le teuina o suavai taumafa. O lenei fesoasoani tele na tuuina mai e Datura Tekiu o se tamaitai o lona tina e mai le afioaga o Saleapaga. Saunoa Datura ina ua fa’aoo lana fesoasoani i le TS09, “Fa’asoa mo aiga uma o lo o puapuagatia, a iai ni fagu e totoe, momoli atu ou alofa mo Saleapaga.”

O se foai na iloga ona talia ma le agaga fa’afetai e afioaga e pei ona tuuina atu ai le pailate e tasi mo Salua, Apai, Lepuiai ma Faleu i Manono. Fa’asoa le pailate e tasi mo Siumu, Saleilua, Poutasi ma Salesatele i Falealii. Fa’asoa le pailate e tasi mo Lepa, Vailoa, Ulutogia, Satitoa, Mutiatele, Saleaumua fa’apea ma Matatufu i Lotofaga. Fa’asoa le pailate e tasi mo nisi o aoga na aafia, ae tuuina atu le pailate e tasi mo Saleapaga e momoli ai alofaaga o Datura. E manatua ai le saunoaga a le Peresetene o Amerika ia John Kennedy, “Aua le fesili po o le a se mea e fai e Amerika mo oe, ae fesili ane po o le a sau mea o lo o fai mo Amerika.”

Fa’afetai i le mamalu o le Aufaimusika ma le Aufa’afiafia i Niu Sila na foaia leitio. Fa’afetai Datura Tekiu mo fagupau mo vaitaumafa. Fa’afetai i le TS09 ma soo se tasi na fa’atino le alofa mo le puapuaga o Samoa.

“O AI NA MANATU E AFEA FALEALILI E LE MISS SAMOA MAI NIU SILA.”

“O AI NA MANATU E AFEA FALEALILI E LE MISS SAMOA MAI NIU SILA.” Tusia: eventpolynesia.com

O le auai o le Miss Samoa NZ, le tausala ia Christina Fa’afili e soa ma Papaliitele Peter Fatialofa aua le tufatufaina o mea’alofa na tuu fa’atasia e le TS09 mai Niu Sila mo fanau na aafia i le tsunami, o se fa’aeaea sili lea i finagalo o nisi o tamalii Falealili. Saunoa Saivaega Meleisea, susuga i le Pule Aoga o Palalaua College e fa’aopopo i fetalaiga o le fesagaiga a le Komiti o Aoga ma le malaga a le TS09, “O ai na manatu e afea Falealili e le Miss Samoa mai Niu Sila.” O le afaina o le Falealili Secondary School i Poutasi ua fa’apea ai ona aooga fa’atasi alo ma fanau a Falealili o lo o i vasega maualuluga i le Palalaua College o lo o i Siumu. E fa’apea foi le tulaga i fanau laiti sa aooga i le Poutasi Primary School, ua aooga fa’atasi nei i le aoga tulaga lua i Saleilua. Ua le gata la i le sagisagi o fanau aoga a Falealili e aofia ai ma le aoga amata i Salesatele, ae o le fa’agaetia o afioaga na afea i le avanoa ua mafai ai ona feiloai atu i le alo lauiloa o Samoa i le ta’aloga o le lakapi ia Papaliitele Peter Fatialofa, ae maise o le lalelei ia Christina Fa’afili.

O se polokalame e le ititi lenei fa’amoemoe o le TS09 e pei ona tapenaina ai meaalofa e silia i le 3,000 mo le fa’asopolia o fanau na aafia e pei ona amata i Manono-Tai i le aso 1 Tesema, sosoo ai ma Falealili i le aso 2 Tesema, Aleipata i le aso 3 Tesema, Falemai TTM i Motootua ma le nofoaga o le Samoa Victims Support i le aso 4 Tesema, ona fa’aiu ai lea i le asia o Malaela (nuu i uta) i le aso 5 Tesema ma nai aiga i Vavau ma Lotofaga na aafia. O se vaaiga ese i afioaga le solo o ta’avale na malaga ai le TS09 mai Niu Sila ona e taimua le ta’avale a le Ofisa o Fuimu ma le ta’avale a le Ofisa o Pulenuu e aloaia ai le oo atu i aoga ma nuu na afea. Fa’aalia e le susga ia Jenkins Tesese o le TS09, “E le uma le agaga fa’afetai i fa’alapotopotoga na fesoasoani mai e pei o le susuga ia Doug Dennett o le Agility Logistics na foaia le container 40 futu mo le aveina o mea’alofa, fa’apea le Pacific Business Trust na fa’aaogaina lo latou nofoaga i Otahuhu e fa’amaopopo ai le uta mo Samoa.”

O nisi o fa’alapotopotoga na tuuina mai foai tupe mo le fa’atauina o meaalofa e aofia ai le susuga ia David Fearon, Councillor Alf Filipaina ma le pulega a le Mangere Town Centre, le susuga i le fa’afeagaiga ia Pastor Tavale Mataia ma le ekalesia Word of Life Church, le tofa Matagisila John Hellesoe ma le ofisa o le NZ Immigration Service i Manukau, le susuga ia Murray and Gaono Serafina Lay i Northland. O se tasi o fesoasoani tele e le gata o le seleni ae o mea’alofa ua maea ona afifi’ina na tuu fa’atasia e le tofa Le’aufa’amulia Asenati Lole-Taylor ma leoleo falepuipui e aofia ai Spring Hills, falepuipui i Aukilani ma Northland; fa’apea ma meaalofa na foai mai e le ofisa o le TelstraClear i Takapuna.

O le amata mea ai o le TS09 i le tufatufaina o meaalofa o le Kirisimasi ua fa’apea ai foi ona solo atu faigamea’alofa a isi fa’alapotopotoga e aofia ai le polokalame a TV3 Cambell Live e avea ma vaifofo e fa’afoisia mai ai uiga fiafia o fanauiti, ma manatu ai lenei Kirisimasi o se taimi fiafia e ui ina e fa’agalo gata aafiaga o le tsunami 2009.

LIMA PINE TAUALOA O FUSUAGA A SAMOA 2009.

LIMA PINE TAUALOA O FUSUAGA A SAMOA 2009. Tusia: eventpolynesia.com

O le fusuaga fa’aiu o le Samoa Pro Am Fights o lenei tausaga na faia i le Faleata Gym 1 i le vaiaso ua tuanai na fa’apea ai foi ona tauaaoina atu Pine Taualoa o fusuaga a Samoa 2009. O le fa’atoa fa’alua ai lenei ona tuuina atu o Pine Taualoa o Fusuaga i tama fusu, faiaoga ma fai fusuaga ua iloga lo latou sao i fusuaga a Samoa. O uluai Pine Taualoa e sefulu na tuuina atu i le tausaga ua tuanai sa aofia ai tamalii ua fai i lagi le folauga ae manatua pea e pei o Galumalemana Afeleti Betham, Lesa Eric Fatupaito, Oscar Meredith, Fa’asootauloa Sam Saili, Polataivao Fosi Schmidt, Savaiinaea Malo Slade, Sala Ulugia Suivai; fa’apea Peter Paul ma Ulugia Elijah Stanley ua maliliu foi fa’apea Maposua Rudolf Keil o lo o soifua mai.

O le tausaga nei ua filifilia iai le afioga Su’a Poe Schuster, Joe Collins ma Seiuli Pasikale ua malilu fa’apea Bill William Arp ma Vaiotu Tivoni o lo o soifua mai. O le afioga Su’a Poe Schuster na amata fusu i le taimi o Brother Bernadine o le Marist School sa o latou aumaia le ta’aloga o faipelega i Samoa. Mai le 1971 e oo i le 1979 na avea ai o iai ma laufali. Na avea le afioga Su’a ma faiaoga o le au a Samoa i ta’aloga SPG lea sa iai Monty Betham, Gene Peters ma le masaga Nanai Brothers. O le susuga ia Bill William Arp e umi se taimi o tautua i fusuaga e aofia ai le fa’amaopopoina o kalapu fusu a nuu ma le faafoeina o fusuaga fa’atasi ai ma Elijah Stanley, Maposua Rudolph Keil, Fagalilo Roach ma Pate Mattis i taimi o le Savalalo Grand. O le susuga Arp sa ia fa’avaeina le kalapu fusu a le Southpole, lea sa koleni ai Sione Siaki, Navy Liu, Iailo Liu, John Siapo, Rocky Taitin, Rambucca (Fiji), Mahe Pepa (Tonga), Sione Pulu (Tonga) ma isi.

O le susuga Joe Collins lea sa lauiloa i lona igoa fusu o Joe Pe’a o se tasi lenei o faiaoga iloga a Samoa na amata ona fusu i le aoga Marist Brothers i Mulivai i le faiaoga Siamani o Brother Bernadine. Tele le sao o Joe i le atinaeina o kalapu fusu i Malie, Faleula, Tuanai, Afega, Falelatai ma Saanapu i Upolu. A o galue ai i le Coxons Co Ltd sa ia fesoasoani ai mo le fa’amaopopoina o kalapu fusu i Saleaula, Mauga, Samalaeulu, Faala Palauli, Satupaitea, Vaipua in Savaii. Masalo o le faiaoga pito iloga lenei a Samoa i le tele o tama fusu na manuia o latou taumafai i ta’aloga fa’avaomalo e pei o Uelese, Pelema, Reupena, fa’apea lana fanau ia Faleaana and Alapati ma isi. Toatele e manatua pea lenei toa o fusuaga i ana matatia e fai ai koleniga a tama fusu. O le tofa ia Vaiotu Tivoli sa avea ma siamupini o Samoa i le aupaga o le middleweight i le tele o tausaga. O Vaiotu o se tagata puupuu e pei o le ta’alo a Mike Tyson ma e mataina taimi na faipele ai ma tama fusu uumi e pei o Tony Latulipe ma Pat Foyer. Na vaai le fa’atumulia o alo ma aiga o le susuga ia Seiuli Pasikale e talimaina le Pine Tauoloa a lo latou tua’a i lana tautua i fusuaga a Samoa ona fa’atoa nai aso talu ona maliu lenei tama fusu iloga o Samoa.

O le komiti o lo o gafa ma le filifilia o Pine Tauoloa o Fusuaga a Samoa i tausaga taitasi e aofia ai le Peresetene o le Samoa Amateur Boxing Association (SABA) Togatalima Fouina Milford, Failautusi Aoao o le South Pacific Boxing Incorporated (SPBI) Ale Vena Ale ma le sui o le pulega a le Event Polynesia Boxing, le tofa Tuilagi Maiava Saipele Esera.

$107,000 MO GALUEGA TOE ATIAE O LE TSUNAMI

$107,000 MO GALUEGA TOE ATIAE O LE TSUNAMI. Tusia: eventpolynesia.com

O le Sui Palemia, afioga Fiame Naomi Mata’afa, na saunoa e fa’afetaia le foai tupe e $107,000 sa tuuina atu e le TSUNAMI SAMOA 09 FUNDS APPEAL (TS09) i se sauniga fa’apitoa na faia i le nofoaga fa’apitoa o galuega fesoasoani o le tsunami (Disaster Management Office) i Tuanaimato. Saunoa Fiame, “O le mea lea e ese ai Samoa ona o le soifua fetausi a’i. Fa’afetai i lau tofa Olo Elise Puni ma le TS09 mo lenei fesoasoani e fa’aopopo atu i nisi o vaega ua maea ona outou fa’atinoina mo Samoa i ona mafatiaga mai le tsunami.” O le fesoasoani tau tupe e $107,000 na vaevaeina i le $55,000 mo le Malo e fesoasoani mo le toe fausia o maota ma laoa i afioaga sa faaleagaina, fa’apea isi fa’alapotopotoga mo galuega toe atiae.

$10,000 na taliaina e Latu Sauluitoga Kupa mo le Habitat NZ e fesoasoani mo le faatinoina o galuega kamuta mo le fausia o maota ma laoa e fesoasoani i le polokalame a le Malo. $10,000 na taliaina e Masinamua Maselusi Ah Poe o le MedCen Hospital mo malaga e tolu faalesoifua maloloina mo se fomai ma se tausi-soifua, faapea foi ia se tapenaga o vai-laau ma fuala’au mo le motu o Manono-Tai. $10,000 na taliaina e Margaret Malua mo le Women in Business e fesoasoani mo le faaleleia o atinae fa’aletamaoaiga o afioaga sa a’afia i le tsunami. $5,000 mo le Faalapotopotoga To’omaga mo e Puapuagatia Samoa, fa’apitoa mo i latou na a’afia i le tsunami. $5,000 na taliaina e le Minisita o le Soifua Maloloina, afioga Gatoloaifaana Amataga Alesana Gidlow mo le amataina o se vaega tupe i le National University of Samoa e fesoasoani ai pili ma manaoga tau le aoga a fanau mai i afioaga ma aiga sa a’afia i le tsunami. $7,000 sa fa’asafua mo Komiti o Aoga Maualuluga e iai Falealili Secondary School (Poutasi), Palalaua College (Siumu) & Aleipata Secondary School (Saleaumua); aoga tulaga lua a Poutasi, Saleapaga, Satitoa ma Salua i Manono-Tai, fa’apea le aoga fa’ataitai i Salesatele.

O le tele o lenei seleni sa fa’apea ona tuu fa’atasia lava e le ofisa soifua maloloina o le AuckPac PHO ma ana ofisa o fomai i Aukulani tutotonu (ADHB) fa’apea lona ofisa o le Artel Charitable Trust. Isi ofisa o fomai sa fesoasoani malosi e aofia ai le Southern Healthcare i lona ofisa o fomai o le Mt. Wellington Accident & Family Healthcare, fa’apea le auaunaga a le Penina Health. Saunoa le Pule Sili o Aoga, Galumalemana Nuufou Petaia, “E momoli lava le fa’afetai i le TS09 i lana fa’asoa ona ua le gata i fesoasoni mo galuega tau soifua malolona, galuega laveai ma galuega atiae, ae o le fa’atauaina o fanau aoga.”

Fetalai le tofa Olo Elise Puni, Taitaifono o le TS09, “E tatou te faafetaia faatasi le Atua, e ui sa pagatia Samoa ona o le galulolo, ae manatu o le pa`u a le popouli e le o se pa`u a se mo`osui. O le mafuli a le puou e palasi ae toe tatupu. O le agalelei foi o le Atua o loo saogalemu ai le toatele o Samoa, e ui ina ua amia se toaititi.” Taualuga galuega fesoasoani a le TS09 i lana malaga fa’atamilo e tufatufaina mea’alofa mo fanauiti i Manono-Tai, ni vaega o Falealili ma le tele o Aleipata, fa’apea aiga na aafia i Vavau ma Lotofaga e amata ai fa’amanuiaga o le Kirisimasi.

Tsunami Samoa 09 (TS09) Funds Appeal $105,000

by eventpolynesian:

Tsunami Samoa 09 (TS09) Funds Appeal invites the local media to attend the handing over of total financial assistance of $105,000 towards rebuilding and local initiatives to support those affected by the tsunami in Samoa.

· Date & Time: Monday 30^th Novemner 2009 (8:30am – 9:00am)

· Venue: Disaster Management Office (DMO) center at Faleata Fire Station

· Morning Tea: 8:00am

Acting Prime Minister, Hon. Fiame Naomi Mata’afa on behalf of the PM and Samoa to receive $55,000 towards rebuilding of homes affected by the tusnami. Also on site is a container of 2,000 Christmas presents to be delivered to all children affected by the tsunami affected areas by TS09 Group of volunteers led by Miss Samoa NZ, later joined by father Santa Claus (Papaliitele Peter Fatialofa) next week:

· Monday 30^th November: TTM Hospital & Tsunami Victims Support Children

· Tuesday: 1^st December: Manono-Tai

· Wednesday: 2^nd December: Falealii District

· Thursday 3^rd December: Aleipata District

FUSU MAILATA MA SOI I LE SIAMUPINI O SAMOA MA LE PASEFIKA

FUSU MAILATA MA SOI I LE SIAMUPINI O SAMOA MA LE PASEFIKA

Tusia: eventpolynesia.com: Ua fa’amautu mai e le fa’amalumaluga o fusuaga fa’apolofesa (Boxing Commissioner) a Samoa ma le Pasefika, le tofa Ale Vena Ale, le faia o le fusuaga fa’apitoa i Apia ia Tesema mo le fusi o le paga Cruiserweight i le va o Seiaute Mailata o lo o siamupini ma Vaitele Soi o le a lui’ina le fusi o Samoa fa’atasi ma le fusi o le Pasefika. O le susuga ia Seiaute Mailata mai le afioaga o Lelepa i Savaii ma Afega i Upolu o lo o ia umia i le taimi nei le siamupini o Samoa fa’apea foi ma le siamupini o le Pasefika i le aupaga Heavyweight fa’apea ma le aupaga Cruiserweight.

I le fusi o le aupaga Heavyweight, ua atoa le fa tausaga o umi e Seiaute le siamupini o Samoa ina ua manumalo i le la fusuaga ma le susuga ia Emelio Leti, se tasi o fetu pupula o fusuaga fa’apolofesa a Samoa. O le fusi o le South Pacific sa taufao e le susuga ia Seiaute ma le siamupini o Toga o Alipate Liava’a lea na toe seia e Seiaute i le la fetauiga lona lua i Otara, Aukilani ia Novema o le tausaga ua tuanai. I le fusi o le aupaga Cruiserweight, o lo o umi pea e Seiaute le siamupini o Samoa fa’atasi ai ma le siamupini o le Pasefika lea sa sue siamupini ai ma le siamupini o Toga le alii o Hemalota Kailea i le la fusuaga i Apia ia Ianuari o le tausaga nei. O le fusi o le aupaga Cruiserweight o le South Pacific sa i le alii Samoa o Bob Gasio ina ua manumalo i le siamupini o Toga i la fusuaga i Apia ia Fepuari 2008, ma toe manumalo ai i le siamupini o Fiti le alii o Sakeasi Dakua i le fusuaga i Otara ia Me o le tausaga ua tuanai. Peitai ina ua le iai se fusuaga a Bob Gasio e puipuia ai le fusi i le taimi aiaia, o lea na avanoa ai loa le fusi ma fetaui ai loa Seiaute ma Hemalota i Samoa.

E le gata la o le umia e Seiaute o fusi nei e fa, ae maoae foi lana finau o se alii fusu o lo o alala pea i Samoa ma finau mai ai i fusuaga i Niu Sila ma Ausetalia. E fa’alua ona lui e Seiaute ia fusi fa’aitulagi a le World Boxing Organisation (WBO) i le tausaga lenei. O le fusuaga ma le alii Toga o Dominic Ve’a o loo siamupuni i Ausetalia na fetaui ai mo le fusi o le WBO Oriental i le aupaga o le Cruiserweight lea sa uluai umia e le alii Samoa o Lawrence Tauasa ae le i ave’esea ina ua faiaina i fusuaga o le CONTENDER SERIES. O le lua vaiaso talu ai na malaga mai ai Seiaute e sue siamupini ma le alii Amerika o Chauncy Welliver i le fusuaga sa faia i Aukilani mo le fusi o le WBO Interim Asia Pacific i le aupaga o le Heavyweight. E ui la ina e le i manuia taumafaiga uma nei a le alii o Seiaute, peitai e atagia ai le maualuga o lona soifua finau i le mafai ona ia ausia le tulaga o fusuaga fa’apolofesa fa’aitulagi a le Lalolagi (WBO). E pei ona silafia i le taimi nei o lo o ua umia ai e David Tua le siamupini fa’aitulagi o le WBO Oriental ma le WBO Asia Pacific ina ua manumalo ia Shane Cameron.

O le Aso Lua, 1 Tesema i le Faleata Gym # 1 o le a taualuga ai fusuaga a le Samoa Pro Am Fights o lo o fa’atautaia e le Event Polynesia Boxing i le fusuaga fa’apitoa lenei e sefulu ta’amilosaga i le va o Seiaute Mailata o lo o siamupini ma Vaitele Soi mai le afioaga o Vailele ma Taga o le a ia lui’ina fusi e lua, le siamupini o Samoa ma le siamupini o le Pasefika.

Oztag in the Logan area in Brisbane Queensland

Oztag in the Logan area in Brisbane Queensland are looking at holding a one day Oztag tournament where all proceeds raised on the day will be donated to the island of Samoa where a devastating tsunami hit in September of this year. The venue will be Meakin Park in Slacks Creek, Brisbane.

The date will be Saturday 19^th December from 8am til 5pm.

If you could assist us in promoting the day, we would be truly grateful and it will be much appreciated by the people of Samoa. Also I had a look at your website and you guys have done well for the Tsunami Appeal as well.

Yours in sport

Coordinator: Clarke Nathan-Ngamu

Email: logan@oztag.com

Mobile: 0410282067

LANU’S TSUNAMI STORY: “I WILL NOT LEAVE, NOR TURN BACK FROM YOU.”

LANU’S TSUNAMI STORY: “I WILL NOT LEAVE, NOR TURN BACK FROM YOU.”

Source: eventpolynesia.com

Afuafu is the senior lady and matriarch of Chief Tuilaepa Fua’ava’s family clan at Manono Island. She has never been married in her life and thus her Chief Tuilaepa and clan has the responsibility of caring for her, especially that Afuafu is now crippled in her senior years of life.

Lanu is married into Chief Tuilaepa Fua’ava’s family and has become quite attached to Afuafu. She calls her, ‘matriach and mother’ and Afuafu calls Lanu, her ‘daughter’. Furthermore, Lanu has become one of Afuafu’s primary caregivers.

As the tsunami hit Manono Island, Lanu was already on higher ground with other family members when she realised that Afuafu was still at the maota (chief’s house) at the beachfront.

Lanu did not think twice of the consequences and the risks she faces instead ran towards the rising sea to save her ‘matriarch and mother’. Lanu got to Afuafu and single-handedly lifted her onto the wheelchair and started their run for life towards higher ground.

The waves were around her knees now, but Lanu would not give up, nor turn her back on Afuafu leaving her to the mercy of the sea. She was determined to save her ‘matriarch and ‘mother’, as well as saving herself for the love of her husband and to live to see her young children grow up.

The story of Afuafu Tuilaepa (matriarch and ‘mother’) and Lanu Tuilaepa (‘daughter in law’) reminds me of another story from the ancient world about a mother and daughter in law and their commitment to each other. Their names are Naomi and Ruth.

‘I will not leave you, nor turn back from you ....’ What commitment!

On my return to Auckland, New Zealand I rang Manono Island to see how Afuafu, Lanu and the Tuilaepa clan are doing. Lanu reminded me that Afuafu needs a wheelchair. Her old wheelchair was damaged during their big race with the tsunami waves.

I’m confirmed with other TS09 volunteers to travel to Samoa on the first week of December to help Manu Samoa legend Papaliitele Peter ‘Fats’ Fatialofa, the Samoa Santa, to deliver presents for the tsunami affected children which will include Manono island on Tuesday 1^st December. I promised Lanu that we will bring a wheelchair for her ‘mother’ and ‘matriarch’, Afuafu.

This is the second wheelchair that Tsunami Samoa 09 Funds Appeal have purchased, donated and freighted to Manono Island for the disabled and elderly residents on the island, since the tsunami.

We together with Afuafu and Lanu (Naomi and Ruth of Manono Island) wish to say thank you very much to all our donors, friends, families, contributors, partners and readers of TS09 for your ongoing support and donations which have made these assistance and help possible.

To view TS09 reports and photos, click link: http://eventpolynesia.com/tsunami09.htm

CHRISTMAS APPEAL UPDATE:

We wish to thank all those who donated toys, clothes, shoes, school stationery, and money towards the Christmas in Samoa appeal, presents for children in the affected villages by the tsunami. The 40ft container provided and to be shipped for free to Samoa by Auckland based freight company Agility Logistics is currently being loaded with children’s presents.

Our aim is to deliver 2,500 personalised presents for children under 10 years. We also hope to deliver sports equipments to cater for another 2,500 older children.

Perhaps there is another Good Samaritan out there who may wish to donate towards the Christmas in Samoa collection. Here is how you can be part of this special appeal – for the children. You can make a donation to the Christmas in Samoa account.

ACCOUNT NAME: Tsunami Samoa 09 Funds

ACCOUNT NUMBER: 01-1837-0026899-02

BANK AND BRANCH: ANZ Sylvia Park Branch

SWIFT CODE/NUMBER: ANZBNZ22

For toys, school stationery gift donations and collection, please contact Niusila Opa on (027) 3447685. For interested sponsors, please call Jenkins Tesese on (027) 7138332. For donors and volunteers wishing to join TS09 in Samoa to deliver the presents, please contact Sooalo Setu Mua (021) 104-1274.

AUSTRALIA: Confusion in Brisbane over Tsunami Appeal Radiothon 2009 funds

AUSTRALIA: Confusion in Brisbane over Tsunami Appeal Radiothon 2009 funds
Source: Riamoana Pasifika Press Release

On the 1st of October in Brisbane at Radio 4EB Station, Savea Levale Lio, Joyita Stanley-Slade, Tauiliili Pepe Patu and a few others brainstormed and focused on an idea, four days later all Brisbane Community Leaders and Members of the Community met in an overflowing 4EB conference room at Kangaroo Point, Brisbane. The idea "was to run a Radiothon jointly with all Samoan Community Associations and groups with Brisbane radio stations, but "we needed a special committee which included one member from each Association and Radio Station to form this Committee," explained Savea Lio, Convener for Radio 4EB.

"On this day there were around 80 people, the new Queensland (Qld) Tsunami Appeal 2009 committee was elected and formed up of 12 members from different associations, businesses," said Elizabeth Hunt, member of the newly elected committee. The role of this new Qld Committee was "each project or idea that was formed by any member of the Community or Associations was taken by there representative to the Qld Tsunami Committee for discussions, feedback was reported by the elected member to their individual associations and brought back to the Qld Tsunami Committee for further discussions before any final decisions were made," said Faimalo Pale, President of 'Voice of Samoa Association' Brisbane. According to Mrs Sara Brunt, Secretary for the special committee, "this was not discussed at the meeting". It was discovered by this reporter that the secretary for the committee did not attend this particular meeting.

"Radio 4EB was pushed out of this Qld Committee and in the end we had no representation which was not very good because without Brisbane Radio stations there would be no Radiothon," stated Savea Lio. He added that the Queensland Tsunami Committee 2009 in the end was not under Radio 4EB, they became an individual Committee separated from the radio stations. In answer to this, Secretary for the Committee Sara Brunt explained that "Radio 4EB had an opportunity like all Associations and Radios stations present to put forth a representative but they did not on the day, Radio 4EB pushed the committee out and we became separated." Although there seems to be confusion or unhappiness in some community's response to the current decisions on whether this aid should go to the Samoan Government or other Aid bodies in Samoa, according to Mrs Sara Brunt " there is no division in the Samoan Community here in Brisbane, everybody is unanimous in this decision and there are just a few people who are making trouble."

A meeting that was held on the 24th of October was announced by the Secretary on 4EB Radio station on Wednesday 21st of October. "Because this meeting was only announced that one time, many people didn't know about it," said Joyita Slade. "We, the Qld Tsunami Samoa Appeal 2009 came to this meeting with a Plan which outlined a possible decision that 500 kits be bought for affected areas. These kits include everyday items such as knives; bowls; towels; tea towels; pots and this plan was unanimously agreed upon," said the Secretary. She added that around 80 percent of the Samoan Community in Brisbane agreed with the committee's idea to use the $68,000 dollars to purchase everyday items and the committee to take it personally to the most affected victims in Samoa.

"To the best of my knowledge there was no consensus, the meeting was told what was going to happen," said Seinafo Peter Virtue, General Manager for Radio Pasefika. "There are proper ways to do things and make decisions" said Faimalo Pale. He added, "There were only around 30 people in attendance at this meeting, most of the key decision makers were not there because they didn't know about it. I had just finished a meeting with 179 members of my Association 'Voice of Samoa' and we had decided that the money should go to the Government of Samoa as they know where the help is needed most, but when I got to the meeting a decision had already been made." said Faimalo Pale. This observation was agreed upon by Savea Lio who said, "This committee that we elected to help the community just came to the meeting on the day with their own final decision, they did not ask the Community."

According to the Secretary, " The Government of Samoa is busy working on the rebuilding and infrastructure in Samoa and None Government Organisations (NGO) and Red Cross have been doing a lot of work already, we thought it was a great decision to take these gifts as a 'Community to Community' project. "We are going to Samoa on our own expense and in addition to these 500 kits, we are taking 5 Containers loaded with all sorts of items like clothing; utensils; mattresses; pots; to sort out and give to the same areas. These containers are full because of the enormous generosity of the local community including Samoans and non Samoans here in Brisbane," she added.

According to another member of the Qld Tsunami Committee, Elizabeth Hunt " each kit will cost around AUS$150 dollars and they will be of very good and useful items that will cater to peoples everyday needs." She added that "everything was happening so fast and like anything else we learn over time but at the end of the day, every Leader and Community member was given the opportunity to voice their opinions at the meetings and the committee did do their own research via contacts in Samoa to find out what the needs are locally."

According to Mrs Sara Brunt, "the 5 containers will leave Brisbane on the 9th of November, some members of the committee will be going to Samoa to help sort out and distribute these materials to those that need them, the Committee will be documenting the trip which begins in Brisbane and throughout the trip to Samoa." She added that upon return to Brisbane, the committee will call a community meeting and report all expenses going toward the trip, each community member will receive a free documentary style DVD of the trip. At the end of the day whatever is happening here, the most important thing and focus of the Committee is for the families in the worst affected areas in Samoa to get this help."

"We don't want to be different, like everything the Committee has done so far, this trip is open to any member of the community to come with us, we are going to take this help to the Samoan Community back home from our Brisbane Community, explained Elizabeth Hunt.

This reporter called the President (Chair person) Afamasaga Feleti Mu'a of the Queensland Tsunami Appeal Committee 2009 and Treasurer, Ianeta Hadfield for comment but was told to talk with the Liaison officer, Patricia Slade-Sevele. From the beginning of the elected committee there has been no news release or update information for media from the Committee Liaison Officer.

Ia Manuia

Joyita

Joyita Stanley-Slade

20 Durham Crescent

BRAY PARK 4500

Ph: 07 3142 2231

Mob: 0413 359 764

email: joyita@optusnet.com.au

SALEAPAGA TSUNAMI STORY: THE GOOD SAMARITAN WITH ONLY NAILS TO GIVE.

5 November 2009 - Source: eventpolynesia.com

SALEAPAGA TSUNAMI STORY: THE GOOD SAMARITAN WITH ONLY NAILS TO GIVE.

A few days after the tsunami, a flag made of white cloth mark the place where it was once a family home at Saleapaga village which was completely destroyed by the tsunami. The white flag flutters in the sea breeze to reveal a message written on it. It reads ...‘Need Help: Need H₂O Tank / Food; Hammer / Nails; Axe ... etc. Thank U!

Sometime after the flag was raised, a kind Samaritan passing by saw the flag, read the message and responded accordingly. We do not know who the Good Samaritan was? It could have been a visitor, a tourist, a neighbour, a volunteer helper, a fellow tsunami survivor, a government worker, or even an international relief agency?

However, one thing we are sure of. The Good Samaritan read the message which included a request for nails and responded caringly by leaving some nails on a brick near the raised flag. This Good Samaritan gave what he / she or they had, even if it was just a handful of nails (click link to view photos: http://eventpolynesia.com/tsunami09.htm)

We wish to acknowledge the many Good Samaritans who have been involved in providing tsunami relief efforts and the many donors. To our Good Samaritan who donated some nails, fa’afetai tele!

TSUNAMI SAMOA 09 FUNDS (TS09) Appeal will be sharing many stories of heroism and acts of kindness during and after the tsunami in Samoa. The stories are told by the survivors of the tsunami and volunteer helpers and written by Olo Elise Puni during his visits to the affected locations.

Over the next few days, Papaliitele Peter Fatialofa supported by TSUNAMI SAMOA 09 FUNDS (TS09) Appeal is collecting Christmas presents for the children affected by the tsunami in Samoa to be delivered 1^st – 3^rd December. We wish to thank the following sponsors and donors to date:

· Doug Dennett and Agility Logistics for providing 40ft container, cartage, export documentation and freight costs landed into Apia Port free of charge.

· Richard Reed and Pacific Business Trust for the use of their site as the collection centre.

· Steven and New Zealand Energizer for the 400 packs of batteries for torches.

· Warehouse New Zealand (Manukau) for huge discount on battery operated transistor Radios.

· Pulotu Arthur Solomon and Martin Hautus Institute for financial donation.

Perhaps there is another Good Samaritan out there who may wish to donate towards the Christmas in Samoa collection. Here is how you can be part of this special appeal – for the children:

· New Zealand public can donate school stationery and toys including a personal Christmas card.

· For those outside of New Zealand, you can make a donation to the Christmas in Samoa account.

ACCOUNT NAME: Tsunami Samoa 09 Funds, ACCOUNT NUMBER: 01-1837-0026899-02, BANK AND BRANCH: ANZ Sylvia Park Branch, SWIFT CODE/NUMBER: ANZBNZ22

SPECIAL NOTE:

· To the ‘Good Samaritans’ that are dropping off Christmas presents, we would like you or your child to fill out a personalised Christmas card at our collection centre to be included in the Shoebox if you have not done so.

· To the ‘Good Samaritans’ that are donating money especially those overseas, please email your message or from your children to info@eventpolynesia.com. We will print it out and clue it to a personalised Christmas card.

· The personalised Christmas message and card is a wonderful opportunity for children and families overseas to make new friends in Samoa. It will certainly help Santa who needs pack and then write 3,300 cards for children affected by the recent tsunami in Samoa.

· See poster below for collection information and contact details.

To view TS09 reports and photos, click on link: http://eventpolynesia.com/tsunami09.htm

SAUNI MALAGA SANTA CLAUS FATIALOFA MO SAMOA

SAUNI MALAGA SANTA CLAUS FATIALOFA MO SAMOA

Tusia: eventpolynesia.com - 31 Oketopa 2009

O le fa’asolo ina mautu tapenaga a le Malo e tua iai aiga na aafia i galulolo i Samoa, ua vaaia ai le toe foi o le toatele o aumalaga e pei o fomai ma vaega au (army) a Niu Sila ma Ausetalia sa galulue mo le sailia o tagata maliliu i le tsunami. E le mafai ona fa’agaloina le tele o le agalelei ma le alofa tulai i tupe, mea’ai, lavalava, fa’apea meafaufale ma anofale e le gata mai atunuu i fafo e aofia ai atumotu o le Pasefika, ma totonu lava o Samoa.

Peitai, ua toe pau atu nei le tiute o le atinaeina o aiga i maota ma laoa fa’apea le fatuaiga i aiga taitasi ma nai Samaria Agalelei o totoe. Ua suia ai nei le upu, “O le tino ua malosi a o le loto ua vaivai”. O lea tulaga o lo o tulai mai ona o le tele o le aafiaga o mafaufau o tagata taitoatasi e aofia ai nai fanauiti sa vaai tino ma aafia i lenei fa’alavelave matautia. Ua fa’amautu mai nei le sauni malaga o le susuga ia Papaliitele Peter Fatialofa i lona tofiga fou o Santa Claus, poo le tama o le Kirisimasi, e na te taitaia le aumalaga mai Niu Sila mo le tufatufaina atu o mea’alofa mo fanau sa aafia. Saunoa Papaliitele, “O se avanoa lelei lenei tatou te galulue fa’atasi ai ina ia avea le Kirisimasi o le 2009 o se taimi fa’apitoa mo nai fanau, e ave ese mai ai o latou mafaufau mai vaaiga matautia ma aafiaga sa o latou oo iai.”

O le susuga ia Papaliitele o se tasi o tamalii Samoa na malaga i le uluai va’alele mo Samoa i le aso o le galulolo e auai i le falelauasiga o nisi o aiga na maliliu ma auai i galuega fesoasoani. O le Aso Tofi, Aso Faraile, Aso Toanai ma le Aso Sa o le vaiaso nei i le va o le 10 i le taeao ma le 4 i le afiafi o le a fa’amaopopo ai mea’alofa o le Kirisimasi mo Samoa i le nofoaga o le Pacific Business Trust, 733 Great South Road (va o Otahuhu & Papatoetoe). O lenei tapenaga o lo o fa’atautaia e le Tsunami Samoa 09 Funds Appeal ma o le a asia ai fanau i le Maota Gasegase i TTM Motootua fa’apea Manono-Tai i le Aso Lua, 1 Tesema. O le Aso Lulu, 2 Tesema o le a agai atu ai i le atu Falealili ma fa’aiu ai i pesepesega o le Kirisimasi o fuafua e faia i Poutasi. Ona fa’aiu ai lea i le Aso Tofi, 3 Tesema, i le tufatufaina atu o mea’alofa i le atu Aleipata ae fa’aiu i pesepesega o le Kirisimasi o fuafua e faia i Lalomanu. Saunoa Papaliitele, “E talia ma le agaga fa’afetai soo se mea’alofa e fia foaina, ae maise o vaega tau mea’aoga e pei o penivali, api aoga, ato aoga, ma meataalo e pei o polo voli ma polo lakapi mo ta’aloga a fanau.”

“O lo o iai foi le avanoa mo i latou e fia volunteer e malaga i Samoa e fesoasoani ia Santa Claus,” o le fa’aopopo lea a Papaliitele. Mo nisi fa’amatalaga i mea’alofa e fia foai fa’afesootai le telefoni (027) 344-7685; mo volunteer e fia malaga i Samoa fa’afesootai le telefoni (021) 104-1274; mo sponsor a kamupani fa’afesootai le telefoni (027) 713-8332.

THE SMALL ACTS OF KINDNESS BUT BIG IN IMPACT FOR TSUNAMI CHILDREN.

THE SMALL ACTS OF KINDNESS BUT BIG IN IMPACT FOR TSUNAMI CHILDREN.

Source: eventpolynesia.com - 29 October 2009

While we were getting ready to drive to the most affected locations by the tsunami, on the south eastern side of Upolu, a gentleman by the name of Steve Davies approached us and asked if we could please take a bag of donated bed sheets, toddlers shoes, and clothing from their family and friends in New Zealand and give them to the people affected by the tsunami. We thanked him and took the bag with us. As we arrived at our base for Tsunami Samoa 09 Funds appeal at Matatufu, we were also handed additional items including clothes, toys, and soft toys that an anonymous family dropped off at our base to be passed on to the tsunami victims and their families. We then headed into the new settlement of the now inland village of Saleapaga. It was raining and the temperature was dropping an indication of a wet and tough night for the survivors of the tsunami in the bush. The road was very slippery and muddy. As we were driving along, we could see rows of make-shift shelters, tarpaulin shelters, tents, and people working to build a bit more secured shelters for their families. We could see children and their families making do with what little they now have. If there was anxiety in the new bush settlement, it was hard to see. The survivors are calm in their disposition and determined to start again.

We called the children and their families and they came. We handed out the clothes, the toys, soft toys, toddler’s clothes and bed sheets from the bag that Steve gave us, as well as the toys and clothing items from the anonymous family. We also had a supply of little treats including chocolate bars, muesli bars, and lollies to cheer the children up. There were smiles on the children and their parents’ faces as they received whatever were given them. The visit and giving away of the small donated items and little treats caused laughter, activities and commotion among the children. The ‘gifts’ were received with much appreciation and thankful hearts. Before we left, we asked a group of children to raise their hands if they wish to say thank you to all the kind people who donated to them little gift items, toys and clothing. Eagerly, the children raised their hands. As I looked at the photo afterwards, I noticed that even the children who did not receive any clothing or toy or treat because we were short of items to give away had their hands firmly up to say ‘Thank You’ .

· Steve and Joanne Davies who while on holiday in Samoa brought donations of bed sheets, toddlers’ shoes and clothing from their family and friends in New Zealand, thank you.

· To the anonymous family who dropped off toys and clothing, thank you.

· To Tsunami Samoa 09 Group and all its donors and sponsors, thank you,

· To MedCen Hospital our Samoa partner and TS09 volunteer team at Matatufu, thank you.

· To all the international relief agencies working in Samoa, thank you.

· To the people of Samoa who are helping their country and their families, thank you.

· To the Government of Samoa for their leadership, thank you.

· To the New Zealand, Australian and USA Governments and other nations including neighbouring Pacific Islands for all their help in so many ways, thank you.

· To all those who are donating and helping Samoa in their own special way, thank you.

Your acts of kindness have had a profound positive impact in brightening the lives and lightening the burden of those who have lost so much in the tsunami.

Today four weeks after the tsunami hit Samoa, TS09 is launching its Christmas in Samoa – Children’s Presents & School Stationery Collection appeal.

The appeal is an opportunity for the expression of the heart in free giving and true Chritmas spirit – for the children led by rugby legend and popular former Manu Samoa captain Papaliitele Peter Fatialofa. Papaliitele flew to Samoa immediately after the tsunami to attend funeral of family members and to help with the relief work. Papaliitele ‘Fats’ said, “This is our collective commitment to ensure every child affected by the tsunami in Samoa will have a special Christmas this year.” “We are asking donors to consider school stationery as Christmas presents for the tsunami children to be included in the shoe box packs,” said Papaliitele. TS09 volunteers will be delivering the Christmas presents to tsunami children at TTM Hospital in Apia and the affected villages starting with Manono Island on Tuesday 1^st December, Falealii District Wednesday 2^nd December and Aleipata 3^rd December.

We welcome all and anyone to support and partner with the ‘TSUNAMI SAMOA 09 FUNDS’ appeal.

ACCOUNT NAME: Tsunami Samoa 09 Funds

ACCOUNT NUMBER: 01-1837-0026899-02

BANK AND BRANCH: ANZ Sylvia Park Branch

SWIFT CODE/NUMBER: ANZBNZ22

LEIATAUA OF MANONO ISLAND TSUNAMI STORY

LEIATAUA OF MANONO ISLAND TSUNAMI STORY: “WHAT LOVE! WHAT LOYALTY! WHAT HONOUR!”.

Source: eventpolynesia.com - 26 October 2009

The church bells broke the early morning promise of a new day on the Island of Manono as the tsunami warning alerted the villagers to run inland to higher grounds.

It became apparent to the primary care givers for Chief Leiataua Unaite, who is a stroke patient at his own home on the island of Manono, that they will not be able to shift Leiataua out of their house and relocate him to higher ground for safety in time. So Leiataua Unaite’s wife and their daughter Sema decided to forego their own safety and to stay by Leiataua’s side, whatever happens to fight the approaching tsunami waves. Within a few minutes tsunami waves broke through the doors, windows and walls of their house. Both Sema and her mother lifted Leiataua up so that he will not drown. When the waves retreated they fought the waves to keep Leiataua and themselves from being sucked out to sea.

Chief Leiataua Unaite, his devoted wife and loyal daughter all survived the tsunami and the fierce waves. What love! What loyalty! What honour! Even in the face of the killer tsunami waves!

Dr Joe Williams of Auckland and members of TS09 from New Zealand came across Leiataua Unaite when visited Manono Island two weeks after the tsunami. Dr. Williams was able to carry out medical checks for many of the elderly and disable and provide medications.

Chief Leiataua Unaite is in real need to see a doctor and to receive medications. However, his difficulty as a stroke patient like many others with disability on Manono, with transportation via a small boat to Upolu would mean they cannot travel to see a doctor in the main island of Upolu.

Tsunami Samoa 09 Funds appeal and associates are committed to paying for a doctor and nurse from MedCen Hospital to visit Leiataua Unaite on the island of Manono. In addition, Tsunami Samoa 09 Funds appeal will pay for all the medications Leiataua would need at this stage. TS09 is also encouraging Samoa’s Ministry of Health for better medical support for the residents of Manono Island.

We welcome all and anyone to support and partner with the ‘TSUNAMI SAMOA 09 FUNDS’ appeal.

ACCOUNT NAME: Tsunami Samoa 09 Funds

ACCOUNT NUMBER: 01-1837-0026899-000

BANK AND BRANCH: ANZ Sylvia Park Branch

SWIFT CODE/NUMBER: ANZBNZ22

Contact: Mr. Olo Elise Puni (+6427) 2285-004; Email: elise@puni.co.nz.

Samoan families still wait for help

By MARTIN KAY - The Dominion Post - 26 October 2009

MAKESHIFT HOUSING: Scores of people are without adequate shelter, says a Lower Hutt woman just returned from Samoa.

Nearly a month after Samoa was devastated by a tsunami, scores of families are huddled under tarpaulins without enough food or water as accusations mount that aid is not getting through. Samoan Kiwis who have visited areas smashed by the September 30 waves say some aid is being kept by village leaders or sold by distributors rather than passed to those who need it. They are speaking out despite fears that raising their concerns publicly could harm the continuing aid effort.

The tsunami killed 189 people, 149 of them in Samoa. Concerns centre on the way food, water and other aid is handled after it is delivered to Apia's Disaster Management Office, set up by the Samoan Government following the tsunami. A spokesman for Foreign Affairs Minister Murray McCully said he was concerned about the claims, but they did not appear to relate to material assistance sent by the Government, which was distributed by agencies such as the Red Cross. But the allegations do relate to aid shipped privately from New Zealand churches, groups and individuals.

Carolina Filipo, of Lower Hutt, who has just returned from visiting family in the south coast where the tsunami hit hardest, said that nearly four weeks after the disaster, there were scores of people without adequate shelter. "It's been like a month, and there's still some people there that are living in tarpaulins, not proper tents." She had been told of families going for days without water. Porirua Deputy Mayor Litea Ah Hoi, who visited each destroyed village last week, said there were serious problems with aid distribution.

In some villages, the leader was giving food and water to everyone, rather than those most in need. In other cases, they would keep some aid for themselves and there were reports of outright rorts among some distributors. "There are some horror stories in Samoa about truckloads full of goods that are supposed to be taken directly to the villages and the deliverers are actually selling them off into shops, which I just find completely appalling and unacceptable."

She raised her concerns with Samoan Prime Minister Tuilaepa Sailele and urged him to publicly call on village leaders and those distributing aid to ensure it got to the families who needed it. Mr Sailele could not be contacted yesterday, but according to a report in the Samoa Observer last week, he wants to hush up the claims, saying publicising them was irresponsible and would harm the aid effort. Mr McCully's spokesman suggested the aid claims could be raised with the Samoan Government.

"Certainly, any concerns brought to our attention, we'd look into them as best we can, but that's obviously accepting the fact that it appears that these allegations don't directly involve New Zealand Government supplies." The Government has pledged $7 million in aid to Samoa, including $2 million worth of items sent immediately after the tsunami. This included food, water, tents, stretchers and other supplies distributed through aid agencies. The multi-role ship Canterbury took up more supplies, including 540 fale poles, telephone poles, plumbing and electrical supplies and water piping for the rebuilding effort.

Kelly Mitchell, of the New Zealand Red Cross, said every cent raised in New Zealand went to the Red Cross in Samoa. New Zealand had so far sent $200,000 and had another $1.5m ready to go. The money would be used for the long-term effort needed to rebuild villages.

FA’AFETAI PAGOTA SAMOA MA TOGA I LE TOA SAMOA

FA’AFETAI PAGOTA SAMOA MA TOGA I LE TOA SAMOA (Tusia: eventpolynesia.com)

Fa’aalia e le tofa Le’aufa’amulia Asenati Lole-Taylor, Fautua Pasefika i le Matagaluega o Falepuipui, le agaga fa’agaetia o pagota Samoa ma Toga i le toese i Mt. Eden ma Spring Hill Corrections Facility ina ua auai le Toa Samoa i sauniga lotu fa’apito sa faia i le Aso Sa i tua e manatua ai le malaia o galu lolo i Samoa. Fetalai Le’aufa’amulia, “E toatele pagota o lo o aafia o latou aiga i le malaia i Samoa, ma o le ala lea o le talosaga a le pulega o Falepuipui mo se sauniga lotu fa’apitoa i totonu o le toese.”

“Peitai o le tali mai o le Toa Samoa ma auai e le gata o le sauniga lotu i Mt. Eden lea sa taitaia e le Tuvaluan Youth Group ma le Auckland Church of Christ, ae o le taitaia o le sauniga lotu i Spring Hill o se matagi agi malu i lagona o pagota Samoa ma Toga.” E le fou le tulaga o le auai o le Toa Samoa e pei o au uma a le atunuu i sauniga lotu a o lumanai ni ta’aloga fa’avaomalo. Peitai, o se taimi muamua lenei ua lolotu fa’atasi ai se au a Samoa ma pagota i totonu o le toese. O se avanoa sa fa’aalia ai le patipati o pagota ina ua ulufale le toa i faitotoa o le falepuipui.

Fa’aalia e Le’aufa’amulia, “E pei o ni ufi e tutupu lagona o pagota ona o le fa’aaloalo a le Toa Samoa i lo latou lolotu fa’atasi ma pagota. Ua le gata o le sauniga i le taeao i Mt. Eden lea sa auai pagota e lata i le ono sefulu, ae fa’apea foi i le auai atu i le sauniga lotu i le afiafi i Spring Hill sa auai pagota e lata i le fa sefulu.” O sui o le pulega, le tofa Tuilagi Maiava Saipele Esera ma le tofa Leapai Ricky Brown sa taitaia le asiasiga a le Toa Samoa i falepuipui ma fetalai ai fa’amalosi aua le fa’alaeiauina o pagota. O le Toa Samoa ua tuu va’a atu nei mo Ausetalia i lana ta’aloga fa’avaomalo ma le Atu Kuki e sue ai le au e ofi atu i le Ipu a le Pasefika e faia i Papua Niu Kini lea e fa’atalitali mai ai Fiti, Papua Niu Kini ma Toga. Auai foi i sauniga lotu fa’apitoa i totonu o le toese i lea aso le fetalaiga Pa’u Su’atapuloloo Fereti Puni, pulega o fusuaga a le Event Polynesia Boxing, ma ia fa’amanatu ai i alii pagota e le o so latou aiga le falepuipui, ae una na o se nofoaga ua mapu iai ona o aafiaga o le tulafono.

Fetalai foi Pa’u, “O le manumalo o David Tua e le o le faiaina ai o Shane Cameron, ae o lona loto tele e fa’aauau ai lana ta’aloga ma le fa’amoemoe i se aso e toe maua ai sona avanoa e fusu ai mo le fusi ole lalolagi.” Ua nofo tapuai nei le nuu o pagota i totonu o le toe mo masii o le Toa Samoa, ae maise le agaga fa’afetai ona o lea avanoa le au maua sa o latou lolotu fa’atasi ai ma le au lakapi liki a le atunuu.

‘TSUNAMI SAMOA 09 FUNDS’ PROVIDES AIRFARES FOR FIVE VOLUNTEER NURSES

PRESS RELEASE - 7 October 2009

REPORT # 5: ‘TSUNAMI SAMOA 09 FUNDS’ PROVIDES AIRFARES FOR FIVE VOLUNTEER NURSES - Source: eventpolynesia.com

Samoa Health Mission (SHM), a group of health volunteers comprising mainly of Samoan nurses from New Zealand and Australia started arriving in Samoa two days after the tsunami hit Samoa. Of the eleven (11) nurses that have arrived, only two were able to travel across on the New Zealand Air Force Hercules flight taking supply and personnel across to Samoa. Three (3) were funded by TSUNAMI SAMOA 09 FUNDS and the rest paid their own airfares. TSUNAMI SAMOA 09 FUNDS has committed to pay for another two (2) volunteer nurses travelling at the end of the week.

Of the initial eleven (11) Samoa Health Mission volunteers, four (4) were designated to the main hospital in Apia. One (1) started straight away in theatre, two (2) in Outpatients, one (1) in Paediatrics, and one (1) in the Tsunami specialist ward. The others have been split to provide the much need relieving cover for the Lalomanu district hospital and the Fusi district hospital now covering for the Poutasi district hospital which was destroyed by the Tsunami.

Afea laufanua o Sini e Moseniolo Alapati Lui Mataeliga

Tusia: Toomata Polutele Maiava - Radio FM Samoa Sydney

O le maea ai o faamoemoe tetele o le Ekalesia Katoliko lea sa talimalo ai Samoa i le masina o Iulai i le Divine Mercy poo Alofaaga Mamana a le Tina Paia, ma le faatasiga a Tupulaga Talavou i Samoa ma atunuu i fafo lea faatoa mavae atu, o se auala lea na afea ai e le faauluuluga o le Ekalesia Katoliko mai Samoa le Afioga Akiepikopo Alapati Lui Mataeliga laufanua o Sini i Niu Sa Uelese mo sana malologa ao lei toe tuuvaa atu mo le malo o Roma.
Saunoa le afioga i le Moseniolo, faia ia lea auala ua ia maua e momoli ai le faafetai i afioga a alii Pelepitelo ma Patele faapea Tamaitai Taupousa aemaise le paia maualuga o le Ekalesia Katoliko i Ausetalia atoa, le agaga faafetai ma le faamalo i lo latou taupati atu mo ia faamoemoega tetele sa faia i Samoa.
Ta’ua e Alapati le loto faafetai i tupulaga talavou o le ekalesia i atunuu i fafo ona o le tau tata pea i le moa o le ala i lona faasinomaga ma le tamaliiaga o le tagata soifua e tapuai ai i lona Atua, ao i ai i lenei lalolagi le tumau.
I le saunoaga faalaeiau a Mataeliga na ia faamamafaina ai le avea lea ma auala e le mavae ai pea le faatuputupulaia o le ola ma le faatuatua o tagata lolotu i le talitonuga i le faaolataga a Iesu Keriso e ala i lona maliu ma toetu manumalo mai le tuugamau mo le togiola mo tagata uma.
Fai mai a ia, o saunoaga tuusao a lo tatou Faaola na ia faatusa ai le tagata loto mama e pei o se tamaitiiti e le alualua lona mafaufau, ma o lea foi na ia fetalai ai ina tuumaia tamaiti e omai ia te au, aua le vavao ia tei latou aua e pei i latou nei o-e oi le malo o le lagi.
I le faatumulia ai o le aso Sa na mavae atu nei 20 o Setema i le malumalu o St Theresa Miller Liverpool sa osia ai se Misisa Samoa mo le Puleaga a Sini ma Samoa uma.
Ta’ua e le afioga a Patele Paulino Tui Kolio i le vaega o talafou e faapea, o se loto faafetai ona ua maua se avanoa e faataunuuina ai lea sauniga mamalu ma feiloai atu ai i le afioga i le Akiepikopo Alapati Lui Mataeliga, faatasi ai ma le afioga ia Patele Etuale Etuale e pei ona malaga mai ai i Samoa mo le faamoemoe i le nofoaga autu o le Ekalesia Katoliko i le Vatigana i Roma.

Tsunami 2009 Death Toll

Suafa o i latou ua maliliu i le Tsunami i Samoa aso Lua 29 Setema 2009

The latest update on the number of tsunami victims shows 135 deaths and
310 injured as confirmed by the Ministry of Police.
Of those who died, 117 have been identified as Samoan nationals and are
listed below in the order that they were discovered. Identification of
other casualties continues with forensic team assistance as the latest
discovered corpses have decomposed. Search continues for eight (8)
people believed to be missing.

1.Metita Sui (Koreti) Schwalger
2. Jerry Schwalger
3. Peter Leitu
4. Pili Poo
5. Mupenei Tofilau
6. Nonumaifale Tofilau
7. Siliva Eteuati
8. Falevalu Segifili
9. Amataga Tiotio
10. Vaisigano Lauvai
11. Siaea Areta
12. Tauavaga Tupuola
13. Sima Sepelini Okeni
14. Pula Sepelini
15. Maka Esera
16. Manino Faaaliga
17. Nuusilaga Aganuu
18. Masela Lafaua
19. Abish Schwalger
20. Quezon Lesa
21. Lafaua Rosa
22. Ranui Simanu
23. Merina Lesa
24. Lafotua Aiesi
25. Lua Tavale
26. Sara Amosa
27. Mauapi Amosa
28. Gwenlyn Taufua
29. Sue Taufua
30. Malo Uili
31. Sieni Ropeti
32. Aleki Laumoe
33. William Tau
34. Lafitaga Suafa'i
35. Siimamau Suani
36. Paepae Faia Toafa
37. Vinesa Toa
38. Sapi Pelesia
39. Mauapi Mafoe Seuala
40. Matala Taufua
41. Tusipepa Hanipale
42. Pefata Sa'u
43. Aneti Luafitu
44. Togafalea Alesaga
45. Puni Afoa
46. Kapeneta Viiga
47. Alema Tofu
48. Mafatua Sua
49. David Sootaga
50. Etimani Junior Taufua
51. Sefulu Taamu
52. Sivaisua Livigisitone
53. Lote Tuese
54. Faanunu Talapa
55. Losivale Faapoi
56. Lutia Faapoi
57. Tapuloa Taimane
58. Miriam Faletoi Fatu
59. Fili Tialeaiga
60. Siimoa Taufua Lauina
61. Leueta Lesa (Foti)
62. Tauaipolu Purcell
63. Otto Leuluaialii
64. Sili Taufua
65. Logo Letone Uili
66. Faapopo Toeuli
67. Seea Peilua
68. Saeni Purcell
69. Simone Anae
70. Taua Sagale
71. Ulalia Siatualauvao
72. Feagai Fatuesi
73. Asesa Toomalatai
74. Aloalo Sao
75. Tautua Silupe
76. Aliceannie Star Meredith
77. Sui Malia Esera
78. Salamina Talosaga
79. Filisi Tavita
80. Moana Fiu (Faasavalu)
81. Malo Mikaele
82. Pritchard Siu
83. Amoa (Ardnore) Meredith
84. Gardina Meredith
85. Hatonaina Lauvai
86. Shanna Faith Lanu
87. Moanalei Sarah Long
88. Palenapa Moeaia
89. Alavina Aiotaota
90. Jayson Siu
91. Nifo Siu
92. Tui Joe Annandale
93. Tuese Peilua
94. Teancum Charles Schwalger
95. Joseph Purcell
96. Ageagea Anetone
97. Ana Iulai
98. Anesone Tafia
99. Asipau Faofua
100. Gali Tafia
101. Ioali Anesone
102. Jay Jay Ulugia
103. Junior Livigisitone
104. Lauti Sio
105. Lolagi Magia
106. Maliumai Anetone
107. Maria Tinei
108. Marilyn Ulugia
109. Milo Soo
110. Milo Too Paipa
111. Pelesasa Etimani
112. Precious Malaga
113. Rachel Leuelu
114. Ronaldo Aleni
115. Selau Farani
116. Taufua Leifi
117. Teleise Aiesi

Faaliga Mafutaga Tina EFKS Pulega Sini Saute NSW Ausetalia 2009

Tusia: Toomata Polutele Maiava

Maoa'e Faaliga Mafutaga Tina EFKS Pulega Sini Saute NSW Ausetalia 2009

O le susuga i le faifeau Toeaina ia Taipo Malifa o le Pulega a Sini Saute i le setete o Niu Sau Uelese a le Ekalesia Faapotopotoga Kerisiano Samoa i Ausetalia, sa ia tatalaina le amataga o le Mafutaga a Tina i se sauniga lotu puupuu i le aso Toonai 8 o Aokuso 2009. Na maea ona tulai lea o le faletua ia Ataataoletaeao Mareko le failautusi o le mafutaga e faafeiloai ma tatalaina aloaia le faamoemoe o tina i lea po i le YMCA hall i Greenarce. Ta ua e le failautusi o le mafutaga i le vaega o talafou le agaga moni ma le autu aemaise le auga o aute o lenei tuufaatasiga o Tina uma o le Pulega, ina ia tumau ma mausali ai pea le ola galulue ma felagolagomai i le galuega a le Atua i totonu o falesa taitasi.

O le polokalame faagasolo i le tulaga o faafiafiaga na tatalaina aloaia e Tina o le mafuta EFKS mai Bankstown i le faletua ia Faasuka Paulo ina ua ave i ai le faatomuaga o siva faaleAgaga ma siva faaSamoa lea na taitai mai e le tina ia Taumaave Seiuli Ainuu, sa sosoo mai ai ma le faletua ia Heather Keilani ma le mafutaga mai Liverpool i le taitaiga a le tina ia Daisy Tevao, o le faletua ia Tolopo Lemalu i le pese o le pipili ma le mafutaga mai Moorebank i lo latou taitai ia Seepa Tuifao, o le faletua ia Mala Semaia ma le mafutaga a Condell Park sa faaulufale mai e le tina ia Sa Pepe, ao Canterbury i le faletua ia Faaesea Leleimalefaga ma le mafutaga na taitai mai e le tina ia Leata Tovale.

O le faatafiti o itu e lua i le faaleAgaga ma siva faaSamoa sa feagai ma le mafutaga mai Camden i le faletua ia Ataataoletaeao Mareko ae taitai mai e le tina ia Tio Tupu Natapu, ae o le taualuga na matua fuli ai le tina ia Sopa Letoa Toafa mai Lalomanu Aleipata e toe faaiila lana taleni o le pese lea na amataina ai le latou faafiafiaga a le tamaitai lauiloa i ata tifaga o Sister Act i le gagana Samoa.

Sa molimauina e talafou le maoa'e o le tulaga ua oo i ai le tomai o tina i mea tau faafiafiaga i le itu i le tino ma le itu faaleAgaga e le gata i pesega a Michael Jackson e manatua ai lenei alii pese lauiloa i le lalolagi, ao sikaili fou i siva faaleaganuu. Ta ua e le afioga ia Laulu Galala i le sui o le Samoa Times e faapea o se tausaga sili atu lea talu ona faia ma faataunuuina lea ituaiga mafutaga a tina e tuufaatasia ai Tina uma o le Pulega mo le lumani manuia o Ekalesia.

Aua e talitonu a ia o le faamoemoe ola lea o soo se mea o Tina Samoa ma e le o lilo lava lo latou gagana faifaipea ma tala tuutaliga; "E au le Inailau a Tina"

O le siui o le faamoemoe sa saunoa ai Sitaua Malifa o le taitai o le Mafutaga a Tina o le Pulega e toe faafetaia ai mafutaga a tina uma mo le latou lagolagosua, ae o Faaesea Leleimalefaga o le teutupe sa tulai mo le tolaulauina o le seleni sa maua i le po, lea e lata atu i le $7,000 tala.

Sa fetalai le tausi o Teta Leafa Auelua e faafetaia ai Samoa potopoto i ona tulaga faalupeina faapea le susuga i le Toeaina ma le vasega o faifeau ma isi usoa ekalesia i lo latou maau ma le milomilosia ua maualuga ai lo latou faamoemoe.

Na saunoa faafetai le afioga i le tiakono ia Sala Amosa Vaifale mai Liverpool ma Samalaeulu Savaii e fai ma sui o Samoa e faamalo ma faafetaia le mafutaga a tina o le Pulega.

O le faifeau malolo mai Samoa le susuga ia Simalu Kovati o le faafeagaiga taulagi o le ekalesia EFKS i Taga Savaii sa fai ma sui o lona faletua ia Nefu e momoli le agaga faamalo ma tatalo faamanuia ai loa ma tatala ai le filialii i le manuia o le po fiafia a le Mafutaga a Tina EFKS i le Pulega Sini Saute.

Tofia Lemalu Samau Tate Simi ma Komesina Maualuga o Samoa i Ausetalia

Tusia: Toomata Polutele Maiava

Tofia le afioga ia Lemalu Samau Tate Simi e avea ma Komesina Maualuga o Samoa i Ausetalia

O le sosoo o le Fau ma le Fau i le muagagana e masani ai Samoa i ni taitai lelei o le atunuu e tulai mai e faafoeina se pulega mo le lumanai manuia o tatou tagata, o se muagagana lea e atue ai le faga i laua ma sulaina ai le alofa matalasi o le Atua ia Samoa ma ona tagatanuu i le tomai ma le silafia e taitai ai lona malo i le lumanai.

Oni upu faalaeiau lea a Samoa atoa i Ausetalia ina ua faatalatalanoaina e le leitio o le Fofoga Moomia le afioga ia Lemalu Samau Tate Simi i luga o le FM 98.5 ma le www.fofogamoomiasamoalive.com i le taeao o le aso Sa e tusa ai ma lona valaauina ma filifilia e avea ma Komesina Maualuga o Samoa e galue mai le laumua o Canberra i Ausetalia.

Ta ua e Lemalu o se agaga faafetai ma le viiga e faafoi i le Atua ona o se tofiga sa mamao ma sona iloa le malaga mai i lenei Konitineta tele e tautua ai tagata Samoa, e le gata ina faafetai i le Atua na tomua i ai lana saunoaga ao le agaga faafetai foi i le malo o Samoa i le alii palemia ma lana pulega o loo faafoeina lo tatou malo tutoatasi mo lea avanoa faaauro ua tofia ai o ia. O le tofia aloaia o le afioga ia Lemalu e sui tulaga lea ia Dr. Leiataua Kirifoti Eteuati lea na avea ma Komesina o tausaga ua alu ina ua maea foi le vaitaimi o le afioga ia Feesago Fepuleai, ma ua see atu nei Leiatau mo lona tofiga fou i Iapani.

Ina ua seei mai la le afioga ia Lemalu Samau Tate Simi i lenei tofiga aloaia sa muamua lava uia auala uma e tusa ai ma galuega faava o malo e lua Samoa ma Ausetalia, e faailo ai lupe o le Foaga ina ua tau lau o le faamoemoe i se sauniga mamalu ma talia aloaia ai e le malo o Ausetalia le sui o Samoa, ma sa faia lea sauniga taualoa ma le mamalu i le laumua o le malo tele i Canberra. O le toe amatalia la o galuega fai a le Komesina o Samoa i Ausetalia o le muai faafeiloai atu lea i lona ofisa tutotonu i le laumua lea o loo galue ai le afioga ia Faatoatoa Luciano Fonoti ma nisi o le atunuu

E pei ona silafia e le atunuu le soifua tautua o lenei tamalii ia Samoa ma ua iloga foi lona tomai ma galuega e fai e ala i le tele o matata sa galuea ai, e pei ona taua i se feiloaiga ma le sui o le Samoa Times, O le afioga ia Lemalu i ni tala tusitusia o lona soifuaga e faapea:

Sa fanau mai o ia i Fagalii ma aoga ai i aoga tulagalua seia ulufale atu i le Kolisi o Samoa (1967-71), maea lea ma ulufale atu i Wellington Polytechnic, NZ (1972-75), sosoo ai ma le NZ Central Institute of Technology (1976-77).

I le faaiuina o lona tulaga aoaoina sa tofia ai e galue mo le Ministry of Works, Head Office, Wellington, NZ, (1972-74), sosoo ai ma le Housing Corporation, Head Office, Wellington, NZ (1974-1977), i lona olaga galue i lea vaitaimi sa faigaluega ma aoga i le taimi lea i se sikolasipi a le Malo, I le matagaluega a le Department of Works, Samoa (1978), matagaluega a le 4. Department of Labour, Samoa (1978-2003) ma le Ministry of Commerce Industry and Labour, Samoa (2003-2009).

Sa galue ma tofia e galue mo le 1. Architectural Draughtsman (1972-77), 2. Senior Arch. Draughtsman (1978), 3. Inspector of Apprentices (1978-79), 4. Labour Inspector (1979-80), 5. Senior Labour Inspector (1980-1982), & Assistant Commissioner of Labour (1982-84), 6. Commissioner of Labour (1984-2003), 7. Chief Executive Officer, Ministry of Commerce Industry and Labour (2003-09).

I nisi o tulaga sa lauiloa ai foi lenei tamalii na avea ma Peresetene, Koluse Mumu a Samoa (1995-2009), na avea foi ma Samoa Rugby Union Executive (1986-2007), na tofia foi i le au a lakapi a le atunuu o le Manu Samoa Manager (1989-96 & 08) ma isi mau tulaga tofi maualuluga sa faaoga ai le agavaa ma le silafia o lenei tamalii.

O le siitia mai la o le afioga ia Lemalu Samau Simi ma lona faletua ia Peseta Noumea Simi, faatasi ai ma o la alo e 2 tama, 2 foi teine ma o le afioga ia Lemalu e mai le afioaga o Matautu Lefaga, ma o loo suafa foi ia Samau mai lona nuu o Fagalii i le Vaimauga.

Tauvaga Kuka mo le Tineia o Faamai Pipisi o lenei Seneturi Diabetes Type 2b

tusia: Toomata Polutele PMaiava

Tauvaga Kuka mo le Tineia o Faamai Pipisi o lenei Seneturi Diabetes Type 2b

O le taumafa i meaai paleni o se polokalame ua faatauaina i lenei vaitau o le soifuaga i totonu o Ausetalia aemaise lava tagata atumotu o le Pasefika lea e aofia ai ma Samoa, ona ua maua mai se lipoti ma faamaumauga a le soifua maloloina o le setete lenei a Niu Sa Uelese, o nisi ia o tagatanuu ua faatupulaia le tino lapopoa ma aafia gofie i ma'i e pei o le toto maualuga, maua i le ma'i fatu (heart disease), nisi o kanesa poo le cancel, ova tele lou mamafa (over weight), puta tele (obesity), manava mamau (constipation), faamaulalo le toto (blood pressure) ma le ma'i o le ga'o e maua i le toto poo le (cholestrol) aemaise lava le suka i le numera lua (type 2 diabetes).

O le tausaga e 2006 na lipotia mai ai i Samoa e le soifua maloloina le oo atu i le luasefululua pasene (22%) o le faitau aofai o le atunuu sa maua i le mai suka o le ituaiga o le numera lua (Type 2 Diabetes), peitai i totonu o Ausetalia nei ua faamauina i se lipoti latamai mai suesuega ma ni pepa o faamatalaga i tagatanuu o le Pasefika lea e aofia ai ma Samoa i le li'o lea, ua oo atu ai i le ono sefulu iva pasene (69%) le maualuga o le fuainumera o i latou ua aafia i le ma'i suka o le ituaiga lona lua (Type 2 Diabetes).

I se fautuaga malosi ua tuuina mai e le soifua maloloina a Niu Sa Uelese ma le faalapotopotoga o atunuu eseese, ua fautauaina ai le mamalu o Samoa ina ia taumafa e le tagata matua i le aso, ia le i lalo ifo o le lua asuga o fualaauaina e pei o le apu, moli, fai ma isi, ma le lima asuga o fulaau faatoaga e pei o le kapisi, tamato, kukama ma isi mo le kukaina mo taumafataga i le aso.

Faaalia e le tamaitai o Jess le faauluuluga o lea polokalame a le soifua maloloina i le vaega o talafou a le Samoa Times i Ausetalia e faapea e ui ina faigata le fuaina o meaai taumafa mo tagata matutua, peitai o le'a faaitiitia ai le aafia o tatou tagata mai nei faamai pipisi ua lofia ai lo tatou siosiomaga.

O nisi o faalauiloa o loo faagasolo nei e fatatau mo lenei tauvaga ua faamoemoe ai o le aso 30 o Me e faagataina ai pepa talosaga o se kuka a tagata Samoa e amata mai i le 18 tausaga le matua, ina ia faaoo atu uma i le ofisa, ona sauni lea mo le kukaina ma avatu e tofo e i latou o loo i ai lea tomai faapitoa o meaai paleni mo le soifua maloloina.

O aiaiga o le fua o le kuka pe a tuuina atu mo le tauvaga, 1.O ni meaai faapitoa mo ni tagata se toafa, 2. Kuka faaleatunuu, 3. Ia i ai ni fualaauina mata ma ni fualaau fai ai meaai, 4. Ia faigofie ona gaosia.

O se Samoa o le'a manumalo ai o le'a tuuina atu i sea tagata le $100 ma le pepa faatau e tusa lona tau ma le $500, ma o le a lomia foi le fua o lana kuka i le tusi kuka a le faalapotopotoga a atunuu eseese o le soifua maloloina faatasi ai ma le upega tafailagi poo le website a lea matagaluega.

E le gata ina sailia se kuka lelei mai tagata Samoa, ae o loo sailia foi ni tagata se toalima latou te faamasinoina, e latou te tofoina ma filifilia ai le kuka e maoa'e i le taumafa, ma o le'a maua atu foi pepa mo faatauga e $50 tala mo i latou o le'a avea ma faamasino i lea tauvaga.

O le tatalaina o lea avanoa ua filifilia ai i latou i le 50 muamua e faatoai atu a latou talosaga e tufa fua i ai nisi o tusi ua mae'a ona saunia mai isi tauvaga ua mavae atu, o le susuga i le alii fomai Samoa ia Dr. Seagaitumua Paniani Patu le nofoaga ua mafai ona piki mai ai pepa faatumu mo lenei faamoemoe i ona lala e lua i Mt. Druitt ma Belmore.

Faaalia e le alii fomai Samoa lenei i le faatalatalanoaga ma le sui o talafou e taua tele le faalauiloa lenei a le matagaluega ona o le tele lea o nai o tatou tagata o loo gasolo atu i ia ituaiga mai, ma o le a maua foi se fesoasoani atili mo le faamatalaina i le gagana Samoa mo i latou e le manino ma silafia tonu le aano o lenei tauvaga.

Sa mafai faailoa mai e le mamalu o Samoa lo latou lagolagoina o le tuavga pei ona faailoa mai e se tasi o aiga faatasi ai ma le alii pese lauiloa o Misiluki Sua ma le afioga ia Fenunuti Laau lea polokalame aemaise le mamalu o Samoa o loo afifio ma papaaao i Ausetalia.

Semina mo le Filifilia o se tamai e avea ma Miss Samoa Australia 2009

tusia: Toomata Polutele PMaiava

Semina mo le Filifilia o se tamai e avea ma Miss Samoa Australia 2009

Ua faaluiloa mai nei le faia o se semina (workshop) po’o se fa’atalatalanoaga mo le fa’amalamalamaina o mata’upu uma e fia silafia e le pa’ia ma le mamalu o Samoa, aemaise alo tama’ita’i Samoa, o lo’o afifio ma alaala i le setete o NSW Ausetalia poo le aai o Sini e uiga i le sa’ilia o se Lālelei o Samoa i Ausetalia nei po’o le Miss Samoa Australia mo le agai atu i tauvaga o le Miss Samoa lea e faia i Samoa i le vaitau o le Teuila 2009 lenei tausaga. O lea fa’amoemoe o le ‘ā faia i le aso To’ona’i 30 Me 2009 i le itula e 11 i le taeao i le potu fono o le Colonial Motel, 20 Queen Street, Campbelltown, faailoa mai e le sui soo upu o lea faalapotopotoga o Eseta Frost le mafai ona auai mai ai ma malaga fa’apitoa mai le aai o Perisipeni i Kuiniselani le fa’atonu ma le Komiti Fa’afoe o le Miss Samoa Australia latou te fa’atautaia lenei fa’atalatalanoaga (workshop), poo le semina aua le silafia e matua ma alo teine talavou o le a ofi atu i totonu o lenei tauvaga tele a Ausetalia lava latou ia i faalapotopotoga a Samoa. Na gata mai le auina atu o nisi o tamaitai lalelei a Samoa mai le aai o Sini i le tausaga e 2005 lea faatinoina e le Aao of Hope ma molimoli ai le latou meaalofa i le falemai o tamaiti i Samoa.

Faauuina Anna Maria Magele - Bachelor of Business i Ausetalia

tusia: Toomata Polutele PMaiava

Faauuina Anna Maria Magele - Bachelor of Business i Ausetalia

O le sailimalo o tama fanau a Samoa i atunuu i fafo, o se tulaga lea ua maitauina ai le alulau i luma o le tele o taumafaiga ma le finafinau i faailoga maualuluga o tama ma teine Samoa lava latou ia, aua le lumanai manuia o aiga, nuu, malo aemaise ekalesia.

I totonu o Ausetalia e le misi se tausaga ma le faauuina o se alo Samoa i totonu o iunivesete maualuluga i soo se setete e fitu o le malo tele, ma e faafetaia ai e le atunuu atoa ia alo ma fanau i lo latou sailimalo ma finau mo se ai o Samoa i lenei vaega o le kelope.

Aua e ui lava ina motu ma le taula ae le mafai ai lava ona avea le ilia'i o le loto Samoa ma finau mo sona lumanai manuia i aso o i luma pei ona unaia ai e matua faatasi ai ma le tapuaiga a aiga ma nuu faapea ekalesia.

O le aso Tofi 23 o Aperila sa faauuina ai le tamaitai o Anna Maria Magele i le iunivesete o Sini sisifo i le nuu o Parramatta (University of Western Sydney - Parramatta).

Sa aui mai ai nisi o ona aiga mai Niu Sila le susuga ia Legaoi Opeta Elika ma le faletua ia Asalemo Elika faapea le fanau ia Jodie Asafo, Cynthia, Asalemo jr ma Braiden, i le fia molimauina o lea aso mo tamaiti faauu, i se lipoti a le vaega o talafou e nao Anna Maria Magele le Samoa sa mauaina lea faailoga o le B.B ae tele i tamaiti Saina na tauaaoina atu i ai a latou tusi pasi mai soo se mataupu sa latou sueina.

O le tamaitai o Anna Maria o ona matua o le afioga ia Magele Muliagalafai Sageli Magele Faivai mai le alalafaga o Iva, ma le tina ia Maria Magele Faivai mai le alalafaga o Faleu Manono, ma na faaalia e matua o le tamaitai o Anna i le vaega o talafou le faafetaia o le alofa tunoa o le Atua ona ua faaiuina ma le manuia le taumafaiga o le afafine, sa le mapu ai le tatalo i le ao ma le po mo se taunuuga lelei mo lona taumafai lea ua aumai le tali e ala i lona faailoga o le Bachelor of Business (Accounting)

Toa 6 ua Filifilia i le U.20s a le Manu Samoa

tusia: Toomata Polutele PMaiava

Toa 6 ua Filifilia i le U.20s a le Manu Samoa

O le atina'eina o le lakapi iuni mo alo ma tama fanau a le atunuu i Ausetalia, o se auala lea ua toe lagaia ai se finagalo o le mamalu o Samoa o loo alaala ma papaao i lenei vaega o le kelope, mo le faatauaina o se sao taua mo le au a le atunuu le Manu Samoa; ao agai atu mo ana sauniuniga i le ipu o le lalolagi i le 2011 lea e faia i Niu Sila.

O lea faiga ma se auala e unaia malosi ai alii taaalo Samoa ina ia tepa taulai pea lo latou tomai i le taaaloga, e fai ma auala e auauna ai mo le atunuu moni na soifua ma ola mai ai o latou tuaa ma matua, o le unaia malosi o lea faiga; sa mafai ai ona faamaopoopo se au a alii Samoa lava latou ia i totonu o Ausetalia i lalo ifo o le luasefulu tausaga poo le Under 20 ma masii atu ai i ni taaaloga faava o malo lea sa faia i Apia ia Fepuari i le amataga o le tausaga nei lava 2009 i le Apia Park.

I se lipoti na tuuina mai e le tofa ia Nuafesili Tavita Sio le sui o le Manu Samoa i Niu Sa Uelese nei i se fesootaiga ma le ofisa tutotonu o le au a le atunuu i Apia, na faailoa mai ai i se pepa o faamatalaga le filifilia o nisi o alii taaalo i le lakapi iuni se toa ono e i lalo ifo o le luasefulu tausaga le matutua (U20's) e afua mai i le taamilosaga na masii atu ai ia Fepuari le agavaa mo le faamoemoe o le au a le Manu Samoa i le lumanai.

O i latou ia o Marcus Ah Lam i Sydney mai le kalapu a Eastwood, John Totini mai Canberra, Ioane Sefo mai Melbourne, Winston Wilson mai Newcastle, Lemisio Faimoa o Melbourne ma Richard Williams o Sydney mai le kalapu lakapi a Parramatta.

Saunoa le tofa a Nuafesili Sio i le vaega o talafou, e ui ina e lei filifilia nisi o alo o le atunuu sa malaga atu ae le mafai ai lava ona tuua ai le finau malosi o nisi o tama taaalo talavou a Samoa i Ausetalia nei mo le lumanai o le taaaloga i se isi taimi o i luma.

Faaalia mai le suiga fou ua i ai nei le pulega a le Manu Samoa lea ua mafai ona ofi atu ai sui taitasi mai atunuu i fafo: National Selector Panel-: Fuimaono Titimaea Tafua, Fepulea’i Selefuti Patu, Paepaetele Stan Toomalatai, Tuala Matthew Vaea, Aiolupotea Taufusi Salesa, Soifua John Schuster, Papaliitele Peter Fatialofa o Niu Sila ma Nuafesili Tavita Sio mai Ausetalia.

Tatalaina le CD pese a Fetauimalemau Masinalupe

tusia: Toomata Polutele PMaiava

Tatalaina le CD pese a Fetauimalemau Masinalupe

Ua avea le Hall tele a le Maluapapa o le Talalelei a le Ekalesia Faapotopotoga Kerisiano Samoa i Fairfield, pei ona tausia e le Toeaina Faatonu o le Matagaluega a Niu Sa Uelese, Susuga ia Peleti Toese ma le faletua ia Senetenari Toailoa, ma sulufaiga o le atunuu i le sailiili matagi e ala i seleni ma tupe aua faamoemoe tauatia'e a Ekalesia; o faalapotopotoga tumaoti, ma nuu ma afioaga mai Samoa e mapu i ai i le faigata o le soifuaga ma le faaletonu o le tamaoaiga o loo i ai nei le lalolagi.

I le aso Toonai la na sei mavae atu sa molimauina ai e talafou le faatumulia o lea hall tele i le tatalaina o le CD pese a le teneitiiti talavou iva tausaga le matua, o Fetauimalemau Feagaimalii Keneti Aumoana Masinalupe lea na taitaia e le afioga le alii Sea o Alefoti Seloti Alainuuese o le ekalesia Metotisi i le Faa-Sinoti a Niu Sa Uelese; i le faafetai molia i le Atua soifua mo le malosi faafouina i le fanau e sailimalo ai i soo se mea lelei e atia'e ai aiga, nuu, ekalesia faapea malo .

Ina ua maea ona momoli lapalapa o malo i le alofa o le matai sili i le lagi, ona sagai ane lea o ai o le Tai i le lima mafola ma le aao foai o le atunuu i saasaaga faa-Samoa e pei ona vavae ai le foe i faaaliga ma pesega a lenei teneitiiti talavou ia Fetauimalemau, faatasi ai ma le lagolagosua a tamaitai pepese o Aagalelei ma Agalofa Soti o alo o le tausi Matagaluega ia Rev. Soti ma le faletua ia Uputaua Soti.

E le gata ina molimauina e le atunuu ma Samoa potopoto pesega suifefiloi a lenei teneitiiti, ae sa vaaia foi le lagolagosua a nisi o alo pepese talavou a Samoa, lea sa mafai ona auai atu ma faamatagofie ai le ula poo le faasolo su'i fefiloi i le aso ananafi. O i latou ia o le Tavu'i Sisters, alo o le tausi matagaluega ia Anesone ma Ofeira Tavui Leota; o le Lauina Sisters, alo o Seiuli Moni ma le faletua, Dora Poloai ma si ona uso, alo o le susuga ia Rev. Fiapoto Poloai ma le faletua o le ekalesia LMS Toefuataina, o le alii pese o Uili Tanuvasa, le Resmed Gospel Singers, o alo o le susuga ia Pastor Pama ma le faletua ia Lealofi Fuimaono, faatasi ai ma le Autalavou mai le EFKS a Bankstown, lea o loo tausia e le susuga ia Iele ma le faletua ia Faasuka Paulo, i so latou sao i le pese mo le aso Sa o Tina lea na sei mavae atu

O le sui o le Fofoga Moomia o Samoa sa fai ma fofoga o Iea aso tele i le tatalaina o le CD a Fetauimalemau Masinalupe, ma ina ua o taugaga ifo le fetu o le afiafi sa faamaeaina ai loa le faamoemoe ma tulai ai le susuga ia Salanoa e tolaulauina le alofa tulai o Samoa lea e lata atu i le $20,000 tala Ausetalia.

O le tofa ia Pula Lolua sa fai ma sui o aiga na lua o Fetauimalemau e faafetaia le aufaigaluega paia ma Samoa potopoto, aemaise faaaloaloga maualuluga i le ie o le malo faapea ona teuga eseese.

Ina ua saili se gafa o le fale ma na tasi ai le faatau paia a Samoa ia Tupuola Viliamu Eli le failautusi o le ekalesia i Fairfield, e tali fuaitau i le fula ma le mamala aemaise o faaaloaloga faatamalii sa faatinoina i le hall a le Maluapapa. O le susuga i le tausi matagaluega ia Laau Aumua sa tatalo faamanuia ma tatala ai loa le filialii i lea aso Toonai.

O Fetauimalemau e iva tausaga le matua ma o ona matua o Feagaimalii Fiu Keneti Aumoana Masinalupe o Matautu Lefaga, Sasina ma Utualii, ao lona tina o Ruta mai le afioaga o Asau, ma o le susuga lava ia Keneti le tuaa o Fetauimalemau sa ia tusia pese e sefulu ma fatuina ia o loo i totonu o lea CD, 1-Olaga soona fai, 2-E lafilafi fua Atamu, 3-Vii o Fetauimalemau Mataafa, 4-Vii leitio Fofoga Moomia o Samoa, 5-Tina silisili ona lelei, 6-Vii o Salesa Sega, 7-Oi fea le Talalelei Samoa, 8-Vii Asau, 9-Tina a'oa'o mai ita ma le #10-Vii o Lefaga.

Saunoa le faauluuluga o le fale puepese Samoa o le Resmed Recording Studio i Ausetalia susuga ia Pastor Fuimaono Pama Veletaloola ma le faletua ia Lealofi i le vaega o talafou e faapea, e faafetaia ai le faatasi mai o le Atua ona o le galuega sa feagai ma le pueina ma tuufaatasia taumafaiga a lenei teneitiiti talavou, aua e talitonu a ia; a amata ma tapue laiti olaga o le fanau e nai o latou matua i soo se taleni o le a le taumate le manuia mo aso oi luma i soo se itu. Faamoemoe o l evaiaso fou o le a tufatufaina atu ai i faleoloa i Niu Sila ma Samoa faapea soo se itu o le kelope o loo aumau ma nopiai ai o tatou tagata.

Faaiuina manuia Taaaloga Ekalesia Metotisi i le Sinoti a Niu Sa Uelese

tusia: Toomata Polutele Maiava Leota

Faaiuina manuia Taaaloga Ekalesia Metotisi i le Sinoti a Niu Sa Uelese

O le oomai i le faaiuga o le masina lona lima o le savaliga i lenei tausaga 2009 na maitauina ai e talafou se tasi lea o tulaga e vaaia ai le solosolo manuia pea o faamoemoega ma lavasiga a faalapotopotoga tumaoti; faapea ekalesia a Samoa i totonu o lenei malo tele o Ausetalia.

I le vaitau o le Eseta na sei mavae atu nei, i le faamanatuina o le maliu, Faasatauroina, Tanumia ma Toe soifua manumalo mai i le tuugamau o Iesu Keriso, sa molimauina ai e talafou le faaiuga o taaaloga ma tauvaga fa'aleagaga a Autalavou a le Ekalesia Metotisi i le Sinoti a Niu Sa Uelese.

I se lipoti na tuuina mai e le Ta'ita'i o Aoaoga Kerisiano le susuga ia Faasalafa Solaese mai le afioaga o Faatoia, na ia taua ai le aofaiga o autalavou a le Sinoti e sefulu ma le tolu, ma sa vaevaeina i ni vaega se lua ina ia faafaigofie ai le taamilosaga, ma o nisi o autalavou sa tuufaatasi e pei o Livapulu ma Poniriki, Niukaso ma Feafili, Makualifili ma Penesetone, Kenipera ma Kurifi, Sini ma Tonesiana, ae na o Pelekitone ma Paramata sa taitoatasi ma tauva i lea mafutaga; o lea faiga na manatu le tatai o aoaoga kerisiano ma le laulaua fono, e faigofie ma maua ai le nofo fealofani o tupulaga teine ma tama talavou a le Sinoti i le taimi o mafutaga.

O le amataga o lenei tausaga sa faagasolo ai le polokalame e amata mai taaloga volipolo a tamaitai ma alii, lakapi pa'i fefiloi, ma le Kirikiti a alii ma tamaitai mai i le aso malolo o le Australian Day i le Aso Toonai 24 & Aso Gafua 26 Ianuari 2009 i le Smithfield Soccer Field i Smithfield, ma le malae a le Endeavour Sports Reserve ma malolo mai ai seia aulia aso malolo o le Eseta.

I le Aso Toonai 11 sa toe faagasolo ai le polokalame, ae o le aso Sa 12 o le toe tu sa faia ai le tauvaga pese ma faaevagelia i le Hall a le Ekalesia Aso Fitu Samoa Tutoatasi i Minto. Na amataina lava i se sauniga i le 9.30am i le taeao e le Afioga i le alii Sea, Rev Halefoti Seloti Alainuuese, ma o vaega lava o le sauniga mamalu sa faatinoina ai e le Autalavou a Kenipera le tala faapitoa mo le Eseta; seia oo lava ina maē′a le sauniga ma faagasolo ai loa le tauvaga. Sa amataina i le tauvaga o le faa-Evagelia.

O le Autu o le Mafutaga: Ia fai le Paseka ma Molimau o le Faaolataga. Sa faamasinoina e le susuga i le Misionare Rev Tanifa Mauava, ma le malo fa’aloalogia mai i le Sinoti a Niu Sila i Matū le tofa ia Tupa′i Peni: Ina ua mae'a le tauvaga ma lauina loa togi i le itu faale-agaga. Tulaga muamua, na tutusa ai Penesetone/Makuarifili ma Livapulu/Poniriki, tulaga lona lua e tutusa Paramata ma Sini/Tonesiana ao le lona tolu o Kurifi. O le tauvaga Pese sa fa’amasinoina e le susuga ia Jason Tupu ma o ia foi sa tusiaina le Pese. Tulaga muamua, Penerifi/Maugatuli, tu lua Penesetone/Makuarifili ma le tu tolu o Paramata.

O le aso Gafua 13 o Aperila, o le toe aso lea i Moamoa i taaloga ma lauina ai loa togi ma o iuga nei:

Au-lakapi pa'i: Siamupini ai le Autalavou Pelekitone A, na ō lā su′eina ma le Autalavou a Paramata le siamupini, ma ua sima ai foi ma le ipu o lea tauvaga, ae toe saunia mai e le autlavou lava mai Pelekitone se ipu i le tausaga fou.

Au-Volipolo a Alii: Sa sueina ai e le au a Livapulu/Poniriki A ma le autalavou a Makuarifili le siamupini, ma na sola ai Livapulu/Poniriki A ma le ipu o le volipolo a alii ma ua sima ai foi ma le ipu i lenei tausaga 2009, ae toe sauni mai se isi ipu i le tausaga fou.

Au-Volipolo Tamaitai: Sa sueina le siamupini i le va o le autalavou a Penesetone ma tamaitai mai le Autalavou a Pelekitone, manumalo ma siamupini ai le autalavou a Penesetone i le 2009.

Liki Kirikiti-Alii: E sefulu au o le taamilosaga, ma e ta′aalo uma au, e tai iva taaloga a le au, ma o le au e maea ane o maualuga ona togi, o le siamupini lava lena. Sa sueina e le Autalavou a Paramata ma le autalavou a Livapulu/Poniriki A se au e maualuga. Sa pate muamua Livapulu/Poniriki A, e 54 ai, tuliina e Paramata e 53 loa ai, ae maea loa ana pe. Ma ua toe Siamupini foi le Au a alii a Livapulu /Poniriki A i le taamilosaga a alii i lenei tausaga 2009. O le faaiuga a le Komiti, 1^st -Livapulu/Poniriki A, tulaga lua (2^nd) ia Pelekitone A, ae tulagta tolu (3^rd) ai Paramata. O ipu e pei o le:

Olo Silia: Alex Tapua′i -11 olo i le taaloga e tasi (Sini /Tonesiana)

Sapo Silia: Pule-6 ana sapo i le taaloga e tasi (Penesetone / Makuarifili)

Ai Silia: Sitoga-38 ai i le taaloga e tasi. (Pelekitone)

Tagata Taalo o le Taamilosaga: Keneti Toleafoa (Livapulu/Poniriki A)

Liki Kirikiti-Tamaitai: E 9 au a tamaitai, ae sa faia e pei o le taamilosaga a alii, e taaalo uma au, e 8 taaloga a le au e tasi. Sa tutusa uma le malolosi o au, sa tulai mai ai o le au a Paramata ma le au a Pelekitone sa tutusa le maualuluga o o la tulaga, sa taalo loa e sue ai se Siamupini o lenei tausaga, ma sa toe manumalo le au a Tamaitai o Penesetone i lenei tausaga 2009, sa faia foi le faaiuga a le Komiti e tualaga lua Penesetone/Makuarifili, ae tulaga tolu ai loa Paramata. ma sa tuuina atu foi ni ipu mo le au taaalo.

Olo Silia: Senia Tavui Leota- 12 olo i le taaloga e tasi (Sini/Tonesiana)

Sapo Silia: Kayla -4 sapo i le taaloga e tasi (Sini/Tonesiana)

Ai Silia: Laepa Fepuleai-38 ai i le taaloga e tasi (Pelekitone)

Tagata Taalo o le Taamilosaga: Susana Ale (Pelekitone)

O le ipu o le maoopopo mai lava i le amataga seia oo lava i le faaiuga, sa toe manumalo ai le autalavou a Paramata.

O le Afioga i le alii Sea o le Sinoti a Niu Sa Uelese o le Ekalesia Metotisi sa ia tatalo faamanuia ma tatala ai loa le fili alii i le manuia to mai lagi le Mafutaga a Autalavou.

Sa saunoa faafetaia e nisi o tama ma tina matutua o Samoa i le vaega o talafou, lenei faamoemoe ua faaiuina manuia, mai lava i le amataga o lenei tausaga seia oomai atu ia Aperila o le 2009, e le pei le mafutaga lenei o nisi o faatasiga a Autalavou a isi usoa a Kerisiano lea sa molimauina e Samoa potopoto i le aai lenei o Sini le faaiuputa o taaaloga e mafua mai i le taamilosaga kirikiti faa-Samoa i le faaiuga o le tausaga 2008.

Osia le Feagaiga Rev. Iele & Faasuka Paulo ma le EFKS Bankstown Ausetalia 17Apr2009

tusia: Toomata Polutele PMaiava

Osia le Feagaiga Rev. Iele & Faasuka Paulo ma le EFKS Bankstown NSW Ausetalia

O le aso Faraile 17 o Aperila 2009 sa osia ai le feagaiga a le Ekalesia Faapotopotoga Kerisiano Samoa a Bankstown i le setete a Niu Sa Uelese, Ausetalia ma le susuga i le aoao faauuina mai Malua ia Iele ma le faletua ia Faasuka Paulo. Sa taitaia lenei sauniga mamalu e le susuga i le Toeaina o le Pulega Sini Saute, Rev. Taipo Malifa. O le susuga ia Rev. Namuasua Mareko sa lauga mo le Ekalesia ae faaiu i le lauga matagofie ma le faamalosi au mo le faifeau ma lona faletua, sa saunia e le susuga ia Rev. Malua Keilani o le faafeagaiga o le EFKS a Liverpool mai le afioaga o Iva ma Faatoia.

O le failautusi o le ekalesia ia Itele Tupai Fanene mai le afioaga o Lalomalava sa tulai mo le tala o le galuega ma tolaulauina ai matafale ma aiga galulue lea e sefulu ma le ono ua amatalia ai le galuega tausinuu a le faifeau ma lona faletua, o le teutupe o le susuga ia Opi Toomalatai ma o viiga o le Atua sa saunia lava e le aufaipese siufofoga malie mai Bankstown i le ta okeni o Semeatu Maiava 13 tausaga, Byron Laufili 20 tausaga ma le faiaoga ia Iputau Malo A'aitui mai le afioaga o Saanapu.

Sa faaiuina lea sauniga taualoa i le Sakarameta o le faamanatuga na taitaia lava e le susuga i le Toeaina ia Taipo Malifa, na maea le sauniga ona faagasolo loa lea o le polokalame e ala i le taumafataga ma faaaloaloga masani i mea nei o osiga feagaiga a le EFKS. O le tofa ia Lemaota Aigamaua Maiava mai Utualii ma Tafua poo le susuga i le aoao fesoasoani o le ekalesia sa fai ma fofoga o le aso i le malo toga ma faafetaia susuga i Toeaina mo le sauniga paia sa feagai ai, e le gata i lea ae sa ia momolia foi le ie o le malo e osi ai le feagaiga a le EFKS Bankstown ma lo latou faafeagaiga. Sa tali fuaitau le tofa ia Fiu Faaofo mai le afioaga o Sili Savaii e atue ai le faga i laua i ie o le malo sa tatalaina ona o faaaloaloga maualuluga mo le aufaigaluega ma Samoa potopoto.

Sa faaiu i toe saunoaga o le aso pei ona saunoa i ai le Toeaina faatonu o le Matagaluega a Niu Sa Uelese, Peleti Toese Toailoa e faapea; "O Bankstown o se vavae sa mumu itiiti toetoe-a a mate, ao lele ua toe susulu malosi mai lona mumu e ala i le feagaiga ua osia i luma o le Atua ma Samoa atoa, lea na faatino ai le ie o le Malo e faamausali ai le tumau o le ekalesia ma lo latou faifeau le susuga ia Iele Paulo mai le afioaga o Lalomalava Savaii, ma le faletua ia Faasuka mai le afioaga o Lepa i le atu Aleipata.O le susuga ia Iele Paulo o ona matua o Paulo ma Tevaga Sili'u le tina mai Lalomalava, ao Faasuka o se alo faasino ia Auelua ma le tina ia Taputu o Lepa

I lea lava saunoaga a le susuga i le Toeaina Faatonu ia Peleti Toailoa na ia tala ai le gafa o Bankstown mai le 1983 na faatuina ai le lotu lona lua o le EFKS i Canterbury ae tausia e le susuga ia Keti Magalo o Toamua ma le faletua ia Moevanu o Moataa sa amataina lea galuega ma faaigoa ai ia Canterbury. O le uluai lotu o le EFKS o Balmain ma sa tausia e le susuga ia Tepa ma May Faletoese ma oi laua foi o Fetu pupula o le galuega i lona tau amataina ma toto le fatu o le EFKS i Ausetalia.

O le susuga i le alii Aoao Fesoasoani ia Aigamaua Iosefa Maiava sa taulamua i le amataina o le lotu ma nisi tagata i na tausaga faatoa amata ona autovaa mai Samoa i Sini Ausetalia i le 1980.

Sa toe siitia le lotu ma maua le nofoaga i Marrickville e fai ai sauniga ma sa solo lelei le galuega seia oo ina taliaina le Matagaluega a Ausetalia i le Fono Tele i Malua i le 1985. Peitai o le taimi o le solo lelei ma le taimi o le faigata, ina ua ulua'i malaga Keti Magalo ma le faletua ia Moevanu ma nisi o faifeau i le Fono Tele i lena tausaga, sa tuai ai ona toe taliu mai le usugafono a le susuga ia Magalo ma lona faletua ona o nisi o mafuaaga le maalofia faale-aiga.

Ma o le auala lea ua taofi eseese ai Tutuila ma Ape i totonu o le ekalesia ma vaeluaina ai loa, o e finagalo pea ia Keti ma Moevanu o i ai, ao e e finagalo mo se isi faifeau fou nonofo ai pea i le Ekalesia i Marrickville ma o lea sa valaaulia ai loa Rev. Fosi ma Latai Palaamo e avea ma matua faaleagaga o le lotu i Marrickville.

Sa toe tau amata le galuega ma toe fai le lotu i le fale o Keti Magalo i Ashbury e susuga i A'oa'o Fesoasoaani e toalua o Aigamaua & Ofeira Maiava, Taumai & Ula Letufuga faatasi ai ma nai toeaiina o Fagalima & Atapo, o Sene, o Peti, Papaletoa Isaia & Pelenise, Ioelu & Osiana i na vaitaimi o le toa gaogao o le galuega faatasi ai ma isi ma o latou auaiga e faatalitali ai le toe foi mai o le usugafono a le susuga i le Toeaina ia Keti Magalo ma lona faletua.

Ua toe foi mai Keti Magalo ma Moevanu ina ua tuanai nai masina ma toe sii ai loa le lotu i Bexley, uma Bexley Arncliffe-Coronation Hall, ma sui ai loa ma le igoa ia Sydney pei ona i ai nei seia oo ina faaeaina Keti Magalo e avea ma Toeaina o le Matagaluega a Niu Sa Uelese atoa, sa toe siitia atu i Kingsgrove i le falesa i Moorefields rd ma iu lava soifua galulue o ia Toa o le Talalelei ma faasolo ai lava ina salalau atu le ekalesia EFKS i isi setete"

Rev. Iele & Faasuka Paulo / Rev. Palemia Tauiliili & Tovale: EFKS Samalaeulu Savaii

O le lotu i Marrickville sa aami ai le faifeau fou ma malaga mai ai loa Rev. Fosi Palaamo ma le faletua ia Latai ina ua maea le la galuega i Vailoa Faleata sa galulue ai ma avea ma faafeagaiga seia oo ina toe sii atu le lotu i Carlton, mai Carlton siitia atu i Bankstown i lalo lava o le taitaiga a le susuga ia Rev. Fosi Palaamo ma o iina lava na faaeaina ai i le tofi Toeaina seia oo ina maea lana auaunaga i le tausaga 2007.

O Oketopa na toe atia'e ai le galuega ma tofia ai e le susuga i le Toeaina fou o le Pulega ia Taipo Malifa le susuga ia Iele ma Faasuka Paulo ina ua fauuina mai le Kolisi Faafaifeau i Malua e galulue faamisionare mo le tausiaina o le lotu seia oo ina osia le feagaiga i le aso Faraile 17 o Aperila 2009.

I tala faamaumau ma tusitusiga a le vaega o talafou e faapea o i latou lava sa tuufatasia mo le toe faamumuina o le vavae sa mu itiiti, e sefulu ono matafale ma aiga galulue lea e aofia ai i totonu ma poutu toa o le galuega na amataina maia le Gafa o Bankstown i le 1983 e oomai i le 2009, pe'a fua i le tala faasolopito na fofogaina e le susuga i le Toeaina ia Toailoa

Na maea le faamoemoe na malaga mai ai aiga na lua ma toe taliu atu ai i Samoa le susuga ia Rev. Palemia ma le faletua ia Tovale Tauiliili, o le faafeagiga taulagi o le Ekalesia Faapotopotoga Kerisiano Samoa i le afioaga o Samalaeulu i Savaii, faatasi ai ma le susuga i le Toeaina ia Lui Tupa'i mai le ekalesia LMS Toefuataina i Blockhouse Bay i Niu Sila.

Faatasi ai ma nisi o aiga e pei o le tofa ia Lefaoseu Malaeafoa Auelua mai Uelegitone, le tofa ia Tupai Ete ma Tevaga Sili'u mai Niu Sila ma Malu Talisau Tevaga mai Samoa.

Taua e i latou ia i le vaega o talafou, o le tatalo ma le tapuaiga a aiga nalua ina ia tupu ma ola le fatu ua toto i Bankstown e lupe faalele ma taulaga tagata o aiga ia, aua le faatupu laia pea o agaga mo le Atua ma lona malo.

I le masina o Iuni ua toe fesiita'i ai nisi o tofiga a le ekalesia ma see atu ai le tiakono ia Toomata Polutele o Avao ma Utualii e fai ma failautusi, o Opi Toomalati o Matautu i Apia o le teutupe, o Auve'a Taoai ua see atu i le komiti o le Atinae, ao Uluao Tuaoimalii Maiava o Utualii ma Safa'i Savaii i le komiti o le Alofa. O le susuga i le Aoao Fesoasoani ia Lemaota Aigamaua Iosefa o Utualii ma Tafua ua see atu i le komiti o Taulaga.

I le aufaipese ua tofia Auvea Taulolo Notoa Taoai o Sapapalii e fai ma taitai pese, failautusi Taofia Toomalatai o Vailoa Faleata ae teutupe Ofeira Maiava o Malie. Taitai o le au asafo i le ta okeni ua tofia le tofa ia Iputau Malo A'aitui mai Saanapu ma le ta okeni talavou le tamaitai 13 tausaga o Semeatu Easter Maiava o Utualii ma Faatoia.

O nisi o tala fiafia i le fonotaga a le komiti o le au toeaiina ua maea atu na faailoa mai ai e le toeaina faatonu ia Peleti Toailoa i le vaega o talafou le pasiaina o le mataupu a le ekalesia a Bankstown na tuuina atu mo le faauuina o lo latou faafeagaiga e avea ma faifeau faauuina o le tausaga 2010 i le Fonotele i Malua pe a aulia atu i ai se ola ma se malosi. Ma o nisi ia o galuega ma atina'e fai a le ekalesia o loo faagasolo nei mo le faamumu teleina pea o le vavae sa mu itiiti ina ia avea o se lamepa mutele ma suluia ai itu uma o le lalolagi aemaise ia tele ni agaga mo le Atua ma lona malo e faavavau, faavavau lava Amene.

Fenunuti Numiamalii, Laloava Pelo ma nisi o sui o le ekalesia ma le faifeau e faamavae atu mo le usugafono i Malua 2009

webmaster tpmaiava, email: mail@fofogamoomiasamoalive.com

Osi feagaiga EFKS Riverstone ma Rev. Nuuausala & Mutaaga Cowley

Osi feagaiga EFKS Riverstone ma Rev. Nuuausala & Mutaaga Cowley

O le aso Toonai 26 o Aperila na osia ai le feagaiga a le alii faifeau ia Rev. Nuuausala Harry Fualaau Cowley ma lona faletua ia Mutaaga faapea le Ekalesia Faapotopotoga Kerisiano Samoa i Riverstone i le itu i Sini Sisifo o le Matagaluega a Niu Sa Uelese (NSW). O le susuga lava ia Simeona Taefu o le faifeau Toeaina o le Pulega a Sini Sisifo sa ia taitaia lea sauniga taualoa ma sa matua faatumulia i le mamalu o Samoa potopoto ma le ekalesia aoao i ona tulaga maualuluga lo latou le molimauina o lea faamoemoe faapea aiga o le faifeau ma lona faletua malaga mai Samoa ma Niu Sila.

O le susuga ia Rev. Nuuausala o se lupe faalele o le afioaga o Vaigaga ma na mafai ona auai mai ai si ona tina ia Toi Malagaalii Avei Cowley mai Niu Sila faatasi ai ma Sua Faasao ma Faataualofa Tuilaepa mai Aotearoa lava ma le toatele o le latou aiga. O le faletua o le faifeau o Mutaaga Cowley e mai le afioaga o Lotofaga Aleipata ma na mafai foi ona auai ai nisi o lona aiga e molimauina le faamoemoe pei o Siliga Manaia ma Mauga.

E tele ni timaiga ma apoapoaiga faale-Atua sa utupupuina ai le faifeau ma lona faletua i le alo atu i le galuega talai sa saunoa ma malele i ai le aufaigaluega a le Atua aemaise le faalaei au a le Toeaina Faatonu o le Pulega a Niu Sa Uelese le susug ia Peleti Toese Toailoa, i le faaiuga o lea aso taupoina sa fetalai ai le tofa ia Alipia Alipia e fai ma fofoga taumolimoli o le faifeau ma lona faletua faapea le ekalesia i Riverstone ona o le galuega folafola sa faaoloaina ai le latou galuega fou ao alo atu mo le faaauauina pea o le soifua tapuai ma le ola tauivi i le Atua ma lona finagalo.

E ova atu ma le sefulu matafafale o le aulotu ae tusa ma le lata atu i le 60 tagata lolotu o le ekalesia ma na faaalia e le susuga ia Rev. Nuuausala i le sui o talafou lona agaga faafetai i le Atua ona o le faaaogaina pea o la soifua e faalauteleina ai pea ma talai lona finagalo, o le susuga i le alii faifeau ma lona faletua o ni uluai tiakono i le ekalesia EFKS i lona tau amataina o le lotu i totonu o le aai o Sini i le nuu o Balmain i lalo o le taitaiga a le susuga ia Rev. Tepa Faletoese ua tuumalo ma le faletua ia May lea ua faalautele atu ma tupu talaulau ma lauusisui ai le ekalesia i Ausetalia atoa.

O le failautusi o le ekalesia o Ape Palmer, teutupe o Viliamu Palaamo, i nisi o tofiga i le aufaipese o le taitai o Leefu Pula ma le faiaoga poo le faipese o Alipia Alipia

O le tofa ia Matua o le tiakono mai le ekalesia EFKS a Mt. Druitt sa tasi i ai le faafitiga a agalega mo le faatau paia e molimoli se faafetai ma le faamalo i le ekalesia i Riverstone on o faaaloaloga maualuluga ma le faatamalii lea sa faatinoina mo le aufaigaluega paia a le Atua ma Samoa potopoto i le fula ma le mamala faapea le toga paia na tatala ona o le tagai i le auauna a le Atua ua avea ma o latou matua faaleagaga.

Sa faaiuina i se tatalo faamanuia na saunia e le toeaina ia Simeona Taefu ma tatala ai loa le filialii.

tusia: Toomata Polutele Maiava Leota

Tofiaina le afioga Peseta John William Nickel e galue mo leKamupani vaalele Air New Guinea

Tusia: Toomata Polutele Maiava / 05Apr2009

Tofiaina le afioga Peseta John William Nickel e galue mo leKamupani vaalele Air New Guinea

Ua faalauiloa mai nei e le kamupani vaalele a le Air New Guinea mai le malo o Papua Niu Kini i le vaega o talafou a le Samoa Times i Sini Ausetalia le tofiaina aloaia o le afioga ia Peseta John William Nickel, e avea ma pule sili mo le fefaatauaiga a le kamupani ma ana tupe maua e afua mai i le aso 14 o Aperila o le tausaga lenei 2009.

O le tofiaina o le afioga ia Peseta i lenei avanoa o se fiafiaga sili tele lea i le kamupani vaalele a Papua Niu Kini, ona e tel-e se meaalofa ma se faamanuiaga o loo i lenei tamalii Samoa aemaise ai o lona tomai faapitoa ma metotia faanei onapo; e saili ai tupe maua a le kamupani vaalele ao feagai ma faigata o le faaletonu o le tamaoaiga i le lalolagi atoa lea ua tele ina aafia ai le lumanai o Kamuni.

O John Nickel pei ona lau silafia ai e Samoa i lona suafa faigaluega, ua ova ma le tolusefulu tausaga o galue i ia galuega faavaalele savili ma ua lava taoso foi mo le tuuina atu o lona silafia atoa e tautua ai lenei kamupani vaalele ma le malo o Papua Niu Kini. E tofia le afioga ia Peseta i le Air Niu Kini o galue i le kamupani vaalele a le Air Pacific e avea ma faauluuluga o le maketiina o le kamupani i Ausetalia nei.

I nisi o ana tautua i tausaga ua alu sa galue ai i lenei lava tomai faapitoa i le sailiga o tupe maua a le kamupani vaalele a le Polynesian Airlines le avefu'a a Samoa, galue i lona ofisa tutotonu i Apia, siitia atu ma galue i le Unite Setete o Amerika, o Niu Sila faapea foi ma le malo o Tonga. O le susuga ia Nickel o se tasi o sui resitara i Niu Sila i faauluuluga o Pulega maualuluga a Kamupani faatasi ai ma le faalapotopotoga o Turisi i Aotearoa mo tagata tafafao ma asiasi atu i le atunuu. (Associate Member of the New Zealand Institute of Management and the New Zealand Institute of Travel & Tourism)

E le gata ina iloga lana tautua i galuega o le olaga nei, ae sa valaauina foi John Willian Nickel e faataunuuina ona tofiga faalelotu, e avea ma Peresetene o le Ekalesia Katoliko i le nuu o Macquarie Fields i Sini Saute.

I le afuafuaina mai o le faigapaaga a le Virgin Blue a Ausetalia ma le malo o Samoa, o le afioga lava ia Peseta i lea vaitau sa galue punoua'i ai i le amataga o le Polynesian Blue poo le Polenisia Lanumoana i lona ofisa tutotonu i le nuu o Hurstville, seia oo atu ai ina atoa tino o le tama ma tapuni aloaia ai loa lea lala i le aai o Sini.

O moomooga ma faamanuiaga a Samoa atoa i le afioga ia Peseta Ioane Viliamu Nikolao (John W. Nickel) mo lenei tofiga fou i Papua Niu Kini, ia saga faatumu pea e le Atua le tofa saili aemaise le tomai alualu i luma mo le tautuaina o lea kamupani vaalele

Faamanatu e Ausetalia le 178 Tausaga o le Talalelei i Samoa

by: Toomata PMaiava

O le aso Sa na sei mavae atu nei sa faamanatuina ai e le Ekalesia Faapotopotoga Kerisiano Samoa le 178 tausaga talu ona taunuu le Talalelei i laufanua o Samoa i Mataniu Feagai ma le Ata i le afioaga o Sapapalii, ina ua talia e Malietoa Vainuupo misionare ma le talaiga i le faaolataga ia Iesu Keriso; ma faapena ona faasopolia ai le atunuu ma suluia ai i le malamalama e toilalo ai tu ma aga faanuupo. Peitai e ui ina motu ma le taula le toatele o tagatanuu o Samoa i le aumau i atunuu ese pei o Niu Sila, Ausetalia, Amerika ma isi vaega o le lalolagi, ae sa le mafai ai lava ona faagaloina le agaga faafetai e sulaina ai le agalelei o le Atua ma lana puipuiga malu i si o tatou atunuu.

O le susuga ia Rev. Fiti Fiu Semaia o le faafeagaiga taulagi a le Ekalesia EFKS i Condell Park pei ona la tausia ma le faletua ia Mara, sa ia taitaiina se sauniga lotu taualoa i luga o le tautua a le leitio Fofoga Moomia i le taeao segisegi o le aso Sa na sei mavae atu nei, e atu-e ai le alofa matalasi o le Tapaau sili i le lagi ona ua aulia ma le manuia e Samoa lenei aso taua i ona tala faasolopito i le taunuu atu o le lotu i ona laufanua.

E le gata o se aso Sa taua i le Ekalesia Samoa na faautu i ai le sauniga lotu, ae sa saunoa foi le faafeagaiga i le sao o Tama i lo latou aso Sa lea sa faatauaina e Ausetalia ma isi atunuu o le lalolagi (Fathers Day) le faafetaia o le itupa o Tama i le latou galuega mae'ae'a o le t

ausia ma fa'afaileleina o le lumanai manuia o aiga, nuu, malo aemaise Ekalesia.

I lea lava aso Sa ina ua maea le fa'asalalauga tu'usao a le leitio Fofoga Moomia na logo ai itu e 4 o Ausetalia ma le lalolagi atoa i luga o le internet, sa alo ai loa le Ekalesia Faapotopotoga Kerisiano Samoa i ona matagaluega e tolu i Ausetalia mo lotu aofai o le Talalelei e aoina ai le taulaga mo nuu ese, faatasi ai ma taulaga pese poo viiga i le Atua.

I le setete lenei o Niu Sa Uelese e tolu ona Pulega ma o loo tausia lava ma vaaia e le Toeaina faatonu o le Matagaluega ia Peleti Toese Toailoa ma le faletua ia Senetenari mai le Pulega a Sini Matu, o le Pulega a Sini Saute o loo tausia e le susuga i le Toeaina ia Taipo Malifa ma le faletua ia Sitaua, ao le Pulega a Sini Sisifo o loo tausia e le susuga i le Toeaina ia Simeona Taefu ma le faletua ia Alofa.

E tusa ai ma Ie faamaumauga a le vaega o talafou talu ona taunuu mai le lotu Ekalesia Faapotopotoga Kerisiano Samoa i laufanua o Ausetalia i le aai lenei o Sini i le tausaga e 1980, ua faamauina le oo atu i le luasefulu falesa poo aulotu, e ese mai ai i isi setete o le malo tele.

Saunoa se tasi o tama matua le tofa ia Tiata Umuti Tiata o se ua leva ona seei i le tofi o le Tiakono Toeaina o le Matagaluega NSW faapea foi Alaimoana Afoa-Campbelltown o le Aoao Fesoasoani, Rev. Malua Keilani-Liverpool ma Faalafi Fonomalii tiakono a Campbelltown i le sui o talafou e molimau ai le vaaia pea ma le olaola o le galuega talai i Ausetalia, pei o la le tusi ia outou o atu ma fai outou ma soo i nuu ese i le Talaiina o le Talalelei ia Keriso ma lana faaolataga.

Rev. Leiite Setefano NZ & Rev. Otele Perelini Samoa auai i toe sauniga o Norman Palaamo

by Toomata P. Maiava

Rev. Leiite Setefano NZ & Rev. Otele Perelini Samoa auai i toe sauniga o Norman Palaamo

Ua toe taliu atu nei i Niu Sila le susuga i le toeaina o le ekalesia PIPC ia Setefano Leiite Setefano ma le faletua ia Lealofi mai Glen Innes ina ua maea le maliu o le alii o Norman Palaamo lea sa malaga mai ai i le aai o Sini. I se feiloaiga a le sui o le Samoa Times ma le susuga i le toeaina na ia faaalioa mai ai le agaga fiafia tele i le auaunaga ma le tautua a le nusipepa iloga lenei ua mafai ai ona faasopolia setete uma o Ausetalia le oo atu i ai ma ua mafai ai foi ona silafia mai ai e Samoa i Aotearoa mea o loo tutupu i lenei itulagi.

E le gata ina toe taliu atu le susuga i le toeaina ia Setefano ma le faletua ia Lealofi ae na faapena foi ona toe foi atu ai ma le pule o le kolisi faafaifeau i Malua a le Ekalesia Faapotopotoga Kerisiano Samoa lea sa malaga mai i le aai o Sini ina ia auai i toe taimi o le alii o Norman Otele Palaamo, faaalia e Setefano lona malaga mamao mai Niu Sila ma le faletua ona o le fia faamafanafana i le la uo mamae i le Talalelei le susuga ia Palaamo ma lona faletua ma e le mafai ai lava ona faagaloina Afi'a i si ona vao i vaitaimi o le galuega Talai i Niu Sila.

O le alii ua maliu ia Norman o se alo faasino i le susuga ia Rev. Fosi Palaamo ma le faletua ia Latai ua maliu, ma e aamia e le Atua lea atalii o loo tausia faatasi e Fosi ma lona faletua ia Bessie, faapea le tamaitai o Salamaina, Rowena seia o'o ina aamia e le Atua i le aso 11 o Fepuari 2008, e 27 ona tausaga, ma na fanau Norman ia Fepuari 25 o le 1981.

Sa mafai foi ona auai mai ai le susuga i le aoao ia Alesana Palaamo mai le atu Europa ma le faletua ia Lemau faapea foi le alii o Junior Fosi Palaamo lea foi sa avea ma sui o le Manu Samoa i tausaga ua alu mai Aealani (Ireland). Sa faatasi mai ai foi le afioga ia Fonoti Afamasaga Perelini mai Samoa ma toatele o i latou o loo alaala ma papa aao i setete eseese o Ausetalia nei.

E le gata i uso ma aiaga o Norman na malaga mai le atu Europa ae sa auai ai foi ma le tele o ona aiga mai Niu Sila ma Samoa ona o le fia auai i ona toe taimi. E pei ona silafia e lo tatou atunuu o le alo lenei o le toeaina ia Fosi ma le tina ia Bessie o se atalii e ma'i mai lona olaga atoa i lona fanau mai ma e tele ina iloa e Samoa i Ausetalia nei ona e auai lava ia i le tele o sauniga tetele ma le taualoa a lo tatou atunuu, sa taua e Palaamo i le sui o talafou le faafetaia o le alofa o le Atua ona o ia tausaga e tele na foai i le atalii ua umi ai le latou mafutaga.

Sa maua foi le avanoa e faatasi atu ai le peresetene o le Fono Aoao a Tagata Samoa i Sini le tofa ia Taumualasi ma le faletua ia Ane, faapea foi ona auai le susuga i le Toeaina Faatonu o le Matagaluega NSW Rev.Peleti Toese Toailoa ma le faletua ia Senetenari, faapea foi le Toeaina o le pulega Sini Saute Rev. Taipo ma le faletua ia Sitaua, ae le gata i lea o Rev. Itione Faavae-Eli ma le faletua ia Pefia mai le Ekalesia PIC Tutoatasi i Minto, o Rev. Kolia ma le faletua ia Sootuli Kolia ma le susuga ia Litala & Levei Tuimaualuga. Na auai foi le tina matua ia May Faletoese o se tasi o uluai tina o le galuega talai a le EFKS i lona amataga i Ausetalia i le 1980s.

Sa faaiuina le sauniga ma le peau faamavae a le alii o Norman Otele Palaamo i le hall o le kalapu lakapi iuni a Randwick ma tatala ai loa le filialii.

$25,000 Tupe Ausetalia na Maua e le Mafutaga Katoliko Salelologa Sini NSW

by: Toomata Pasefika Maiava

$25,000 Tupe Ausetalia na Maua e le Mafutaga Katoliko Salelologa Sini NSW

E tusa ma le AUD$25,000 afe tala Ausetalia se tino i tupe na maua i le lulu tele a le afioaga o Salelologa lea sa seiina i le aso Toonai na sei mavae atu nei 15 o Mati i le aai o St. Marys i le setete o Niu Sa Uelese, faaalia e le peresetene ma o le taitaifono foi lea o le mafutaga i le aai o Sini le afioga ia Luamanuvae Sili Silao e faapea, o le faamoemoe o lenei sailiga seleni o se fesoasoani lea a alo ma Tama fanau a le nuu ma le afioaga o loo afifio ma papa aao i lenei vaega o le kelope i so latou sao e tuuina atu mo le malumalu a le Ekalesia Katoliko lea o le'a amatalia lona toe fausia ma faaleleia i le masina fou.

O le lulu lenei a le mafutaga a le Ekalesia Katoliko i le afioaga o Salelologa sa tele ina fai miti i ai le mamalu o Samoa ina ona oomaia le aso e sei ai ona e $5,000 tala Ausetalia le cash e tuuina atu i se manumalo ma faamanuiaina i le sei o le pepa muamua, faatasi ai ma le tulua e $4,000 seia oo atu lava i le faailoga lona luasefulu ma e manatu nisi e matua lava ai lava le faasoa pe oo ina manuia lana pepa le sei.

Na fesiligia foi e le vaega o talafou le afioga a Luamanuvae Sili Silao pe o aofia uma ai alo ma tama fanau o le Katoliko i totonu o le afioaga o Salelologa i lenei faamoemoe ona e matua lava saunia lona faataunuuina, peitai na tali Luamanuvae e le o aofia uma ai alo ma tama fanau a le nuu o loo i totonu o le aai o Sini ua na o ni nai aiga ua o latou lagolagoina ma faataunuu le faamoemoe mo le ekalesia, ae o loo silafia uma lava ma ua mea foi ona logoina mo lo latou so'osoo tauau mai i se taumafaiga vaivai pei ona alo atu i ai mafutaga.

Sa taua foi e Luamanuvae le faamoemoe i le seleni ua maua a le mafutaga Katoliko a Salelologa o le'a tuuina atu loa i se kamupani i Niu Sila e oka s'ao atu ai mea o loo manaomia mo le faamoemoe o le malumalu a le eakalesia Katoliko i totonu o le nuu ma le afioaga o Salelologa.

O le afioga ia Patele Mikaele Luamanuvae o se tasi o lupe faalele ma le taulaga tagata a le afioaga sa faatama i ai le mafutaga, ao le afioga ia Luamanuvae Sili Silao o le taitaifono, sui taitaifono o Leatigaga Maposua Pa Auapaau, failautusi o Sera Lilomaiava Tauapai, ao le teutupe o Tuaoloa Matamua Lafaele.

Fesiitai laau o le faatoaga i le tautua Radio Fofoga Moomia Samoa Sydney Australia

by: Toomata Pasefika Maiava

Faatulaga le Tautua a le Radio Fofoga Moomia Samoa Sydney FM 98.5

O le amataga o le tausaga nei ia Ianuari 2008 sa toe fetuunai ai le pulega ma le faagasologa o le leitio lauiloa i le aai o Sini i le setete o Niu Sa Uelese lea e faasalalau i taeao o aso Sa taitasi, e ala usua'i ai le faafofogaaga a Samoa o loo alaala ma papaaao i lea itu o Ausetalia ao alo i le gaseseina o taumafataga mo faiga toonai pe a maea sauniga lotu. O lenei polokalame o loo muamua tatalaina lava i le vii o le fu'a o le saolotoga o le malo o Samoa pe a ta le 6am ona sosoo ai lea ma faigalotu a le au faigaluega pele a le Atua i soo se fatafaitaulaga i le na o le 10 minute le umi, ma e faalagolago ma faatamoe lenei faasalalauga tai pei lava o le tautua a le 2AP lea ua SBC Radio 1 i Mulinuu i taeao o aso taitasi ia latou sauniga lotu. A maea ona faasolo lea o ana polokalame ma faaaliga seia ta le 7am ona kolosi loa lea o le laina i le leitio faava o malo le SBC mo faasalalauga tuusao i Samoa, Amerika Samoa ma atumotu uma o le Pasefika o loo mafai ona faalogologo ane i lea leitio i ana polokalame.

O le tautua a le leitio SBC ua faaagaga lea mo talafou faatasi ai ma alofaaga molipo mai aiga i Ausetalia mo matua, ma e pele o loo faamuli mai lo tatou tofi ma e faapena foi aiga i Samoa le molimoli mai o a latou alofaaga i aiga o loo aumau i le malo tele.

O le toe fetuunai o le pulega a le siufofoga o Samoa le Fofoga Moomia FM 98.5 i lenei tausaga talu ai le tuua e le malo le afioga ia Tauiliili Seiuli Aneru Faamoana le galuega faasalalau lea sa vaavaalua ai ma le sui o le Samoa Times i Ausetalia. O le afioga ia Tauiliili Seiuli Aneru Faamoana mai le afioaga o Aufaga na faamanavaina e le Atua i feau ma galuega ao malaga asiasi atu i Samoa ia Novema 13 o le 2007, ma e ui ina maliu o ia ae o loo tumau lava i loto ma agaga o tagata Samoa le tautua matavela o lenei tamalii o le atunuu i luga o ana polokalame i vaveao o aso Sa taitasi.

O le le nofoia o le nofoa a Tavita i le afioga i le matua ua seeatu nei i ai le afioga ia Pesefea Faaitenuu Semikueva Lynch e sui tulaga ma avea ma alii faasalalau a le Fooga Moomia o Samoa e vaavaalua ai ma le faatonu o le polokalame ia Toomata ma o ia foi o le founder o le leitio Samoa lea i le aai o Sini.

O le afioga ia Pesefea e mai le afioaga o Faiaai, Sataua ma Falealili lona tama le tofa ia Mano Fa'aatuatu ao lona tina o Melini mai le afioaga o Siumu ma Falelatai. O le afioga foi ia Pesefea o se tasi o loo auauna i le taina o viiga o le Atua i soo se Ekalesia ma e oomai i le taimi nei o loo galue i le ekalesia EFKS Riverstone.

Faafetaia e le atunuu le filifiliga sa fai e le pulega a le leitio Fofoga Moomia ona o le talafeagai o le sui ua tulai mai e tauave le tautua ia Samoa i taeao o aso Sa taitasi ma le fesootaiga tuusao ma le SBC Radio 1 i Mulinuu.

O faifeau faufautua i le polokalame o sauniga lotu o loo ua i ai le susuga i le Toeaina Faatonu o le Matagaluega NSW Rev. Elder Peleti Toese Toailoa (EFKS Fairfield) mai le afioaga o Laulii, Rev. Fosi Palamo o le Ekalesia Perepereane Matraville mai le afioaga o Toamua, Rev. Fiti Fiu Semaia faafeagaiga o le EFKS Condell Park mai le afioaga o Sili Savaii. O le va fealoai ma le atunuu o le susuga i le alii aoao fesoasoani poo le tofa ia Aigamaua Iosefa Maiava mai le afioaga o Utualii, o le Afio o le Ma’opu o Matiu. Afio le Aloalii o Luafalemana, maliu mai oe le Si’ufanua ma le Faletolu ma Gautaala.

O le faaululuga o polokalame o loo tumau pea i le afioga ia Toomata P. Maiava mai le afioaga o Avao Savaii ma Utualii, o le afifio a lea o Sa Peseta ma lo outou Ma’opu, Maliu mai le Nofo a Usoalii i lo outou Faleiva, alaalata’i oe le Matautu.

O le taina o pese (label) ma tuuina i le komipiuta o loo feagai ma Pelesa Maiava, Andrew Faamoana (son of late Tauiliili Seiuli Aneru Faamoana), Vine Laupepa ma le tamaitai o Semeatu Maiava o loo feagai ma le faaleoina o faasalalauga faapisinisi.

E le gata la ina faasalalauina i luga o le FM 98.5 MHz ae o loo maua foi i luga o le upega tafailagi i le website: www.fofogamoomiasamoalive.com tu'usa'o ai mo le mamalu o le atunuu o loo afifio ma papa aao i atunuu mamao.

Tusi mai ia Alesana Palaamo - 25 February 2008

Faaalia e nisi o tama fanau a Samoa i atunuu mamao lo latou agaga fiafia e sapasapaia le tautua a le Fofoga Moomia mai Sini Ausetalia ma le SBC Radio 1 i Samoa i luga o le Upega Tafailagi lea e tuusao atu ai faasalalauga i luga o le URL i le Windows Media Player.

Tusi mai ia Alesana Palaamo - 25 February 2008

Malo lava le soifua Toomata, faafetai fo'i mo faamanuiaga e pei ona tuuina mai ile ea.

E manino manaia le lua polokalame mai le ea, e pei ona ou faalogologo atu ile URL ile Windows Media Player, mai le internet. E leai se faaletonu i le faasalalau mai inei i le Netherlands, e leai fo'i se delay i le tuusao mai lea i luga o le ea (broadcast) o loo sau ai.

O le taimi o loo faasalalau mai ai le lua polokalame, e tusa lea ma le Aso Toonai ile 8pm i le po a iinei, a o le 6am ile Aso Sa a outou i Sini, ao 8am ile taeao o le Aso Toonai i Samoa.

Mo le lua silafia, e toatele lava tama fanau o Samoa o loo iinei i Europa, o Sweden, o Belgium, o Siamani, o Falani, i Egelani ile UK, i Ireland ma iinei fo'i ile Netherlands.

E to'afa tama Samoa o lo'o faigaluega ile malo iinei i le Netherlands, ile laumua o galuega e faatatau ile va o malo iinei e igoa - the Hague - ma ua matou fesoota'i fo'i.

O alii leoleo mai Upolu, o loo fai a latou assignment i Europa, e base mai iinei ile Netherlands, ae masani ona faimalaga atu i Bosnia, Russia ma nuu faapena.

O le lona lua nei o latou tausaga iinei ile Netherlands, o nisi ua fa'atasi mai o latou aiga ma fanau, ma ua mautu fo'i o latou aiga iinei, ua aoaoga foi tamaiti i aoga a le au Dutch.

E faigaluega uma ile lala o le United Nations (UN) ma ua manaia lava o matou talatalanoaga fo'i i email faapea le telefoni.

Ae ou te le o mautinoa poo faalogologo mai fo'i i le lua polokalame. O tama taaalo o loo tele ile UK ma Ireland, toatele lava le au uso ua mautu o o latou aiga iinei - E pei o Ali Lauitiiti, David Solomona, Alesana / Aneterea / Fereti Tuilagi, Maurice Faasavalu, Lome Faatau, George Harder, Tanner Vili, ma le anoanoa'i o tama Samoa iinei ile UK.

A e faafetai tele mo le fesootai mai. O la'u mobile iinei ole +31 619 155 899, ae mafai fo'i ona ou valaau atu mai se tasi o polokalame o loo ou faaaogaina ile internet, e free ma manino fo'i la'u valaau atu, pe a e finagalo iai.

Ia manuia tele galuega foi o lenei vaiaso, ae maise fo'i le lua tautua mo tagata Samoa, e le gata i Ausetalia ma Samoa, ae maise Samoa uma o loo mau ma nonofo i soo itu o lenei lalolagi.

Soifua ia

Alesana

Asiasi Taavaomalii Petelo i Ausetalia 2007-2008

by: Toomata Pasefika Maiava

Asiasi Taavaomalii Petelo i Ausetalia 2007-2008

O le maea ai o le faamanatuina o le aso Kerisimasi ia Tesema 25 o le tausaga 2007, na toai taunuu mai ai le alii fai faleaitu lauiloa a Samoa le tofa ia Taavaomalii Petelo i laufanua o Sini i sana malaga taamilo i Ausetalia mo ni ana faafiafiaga e faia i setete tolu o Sini Niu Sa Uelese, Perisipeni Kuiniselani ma Melepone Vitoria.

Taua e Petelo i se faatalatalanoaga ma le sui o talafou a le Samoa Times i luga o le leitio a le Fofoga Moomia i le taeao o le aso Sa le auga tonu ma le pogai o le malaga mai i Ausetalia i le faaiuga o le 2007 ma le amataga o le 2008 i le vevesi o tafaoga o ia aso faailogaina ae na taua e Taavao, lona malaga mai e i ai le faamoemoe ma le autu tonu na ia afea ai le malo tele o Ausetalia.

O lenei faamoemoe o le fia ta'u mai lea i tagata

Samoa i Ausetalia le tala ua pa ma salalau ma logo ai itu e fa i Longbeach i Amerika i le mea o loo nofo ma aumau ai e faapea ua oti, na matua le fiafia le alii faifaleaitu i sana saunoaga na faafofoga i ai Samoa ao faatalatalanoaina e le sui o le Samoa Times ona o nei uaealesi mosooi ua faamanogi leaga ai le faalogo a si toeaina.

Taua e Petelo o iinei lava i Ausetalia i o tatou tagata na salalau atu ai lenei tala leaga ma le anoano le faaoti o si toeaina ae o loo mautapuaaoina pea i le tausiga a leAtua soifua, faaalia e Taavaomalii o le 64 ai lenei o tausaga o lona soifua ae o loo ia lagonaina lava le mafanafana o le faatasi mai o le Atua ma lana tausiga ia te ia.

Ae na pau le mea o loo ia fia mauaina o le tagata Samoa i Ausetalia lea na faia lenei faamatalaga sei maua mai ona susue lea i luga o laugutu mafiafia ae sasa kainifo i le salutuaniu, e ui i le toatamai o Telo i lenei mea ae sa ia toe faamagalo i lenei ula leaga na ia faatupuina le tala i si toeaina. E fa la ni faafiafiaga ua sauni atu nei i ai le faifaleaitu ia Telo e faia e lua Sini, tasi Kuiniselani ma le tasi i Melepone ona toe foi ai lea ma si ona toalua pe a faataunuuina ia faamoemoega i le faafiafiaina o Samoa i Ausetalia.

E le gata ina malaga mai Taavaomalii i lenei faafitauli ae sa ia tatalaina foi le Liki Kirikiti a le faalapotopotoga a le Lau Samoa i le vaiaso na sei mavae atu nei.

EFKS Youth Fairfield Heal The World (Faamalolo le Lalolagi)

by: Toomata Pasefika Maiava

EFKS Youth Fairfield "Heal The World" (Faamalolo le Lalolagi)

O le Heal The World poo le Faamaloloina o le Lalolagi o le auga o aute ma le autu lea sa faatumutumu ma taulai i ai le faaevagelia a le Autalavou EFKS a Fairfield lea o loo tausia e le susuga i le Toeaina faatonu o le matagaluega a Niu Sa Uelese (NSW) i Ausetalia, Rev. Elder Peleti Toese Toailoa ma le faletua ia Senetenari Toailoa. I se polokalame faapitoa sa faatinoina i le tau faaiuga o le tausaga 2007 i le vaitau vevesi i le agai atu i le faamanatuina o le Kerisimasi ma faatalitali i le toai taunuu mai o le Tausaga Fou lenei 2008.

O le hall lava a le ekalesia o le Maluapapa o le Talalelei i Fairfield sa faataunuuina ai lea faamoemoe tele a le autalavou, ma sa mafai ona auai atu i ai nisi o autalavou e mafuta faatasi ma fefaasoaai i manatu ma lagona aemaise le itu faaleagaga ina ia tapasaina ai pea le tupulaga lalovaoa a le ekalesia ma Samoa i le olaga faakerisiano ma pipii pea i le Alii le amataga o mea lelei uma. O le susuga lava i le toeaina faatonu ia Peleti sa tatalaina aloaia i se upu tomua ona sosoo lea ma le faitauina o le Tusi Paia e Velita Lele i le gagana Samoa ao le susuga ia Lee Roy Saipaia sa faitauina le gagana faaperetania. O le tatalo na saunia e Misipati Lele i le gagana Samoa ao Keisha Gipson i le faaigilisi, na maea ona faagasolo loa lea o pesepesega ma siva faaleagaga e sulaina ai le alofa silisiliese o le Atua ona o lana tausiga matalasi ia Samoa ma le au kerisiano faatuatua. I nisi o autalavou sa auai i lea po o Villawood pei ona tausia e Rev. Isaako ma Tavai Pate, Granville o loo tausia e Rev. Siaki & Gaufa Brown, autlavou Crossroads o Penrith o loo tausia e Rev. Gafoa Faitua ma le faletua faapea Doonside o loo tausia e Rev. Iosefa & Satui faatasi ai ma le Team a tamaiti Samoa ua faaigoaina o le Lemy Saints lea na matua mataina le latou faatinoina o le faaevagelia i soo se itu faaSamoa ma le faapapalagi.

O se tasi o vaega taua na vaaia e le sui o le Samoa Times i lea po ona o ni tautinoga sa molimau ai nisi vaega o le fanau i le suiga o le olaga soona fai sa i ai i le toe foi ma manatua le alofa tunoa o le Atua soifua, e ala i le auaunaga i le autalavou ma atinae le ekalesia pele a le Atua, na auai i lea faatasiga tele a le autalavou a Fairfield se tasi o fanau a le ekalesia Samoa o loo sikolasipi mai le susuga ia Peletisara Lima.

Sa faaiu i le i le pese o loo faaautu ai lea faatasiga ma le faaaliga tele ua faaigoaina "Heal The World" ma tatalo faaiu ai loa le susuga i le toeaina faatonu Peleti Toailoa ma tatala ai loa le filialii i lea po

Tuumalo Tauiliili Seiuli Faamoana (53yrs)

FAAALIGA I LE MALIU TAUILIILI SEIULI ANERU FAAMOANA

E! FAANOANOA LAVA! E FAASILASILA ATU

LE MALIU O LE MATOU ATALII PELE, LE USO, LE TAMA, O SE UO, O SE AUAUNA FOI A LE ATUA I LE TOFI O LE AOAO FESOASOANI, AEMAISE O IA FO’I O SE AUAUNA SA VAE MA LIMA I AI SAMOA I LANA AUAUNAGA, I LE SIUFOFOGA POO LE LEITIO FAASALALAU O SAMOA, I SINI AUSETALIA MA LE LALOLAGI ATOA I TAEAO O ASO SA TAITASI, I LE LEITIO FAAVA O MALO "LE FOFOGA MOOMIA O SAMOA" FM 98 .5.

AMUIA LE VALAAU LONA MATAI! AO GALUE PEA I LE AUAUNAGA IA SAMOA MA LE LAOLAGI ATOA I VAVEAO O ASO SA TAITASI.

AMUIA E UA OTI, OTI OI LE ALII.

O LEA! E MATOU TE FAASILASILA ALOAIA ATU AI I LE AVA TELE MA LE FAAALOALO,

UA TUUMALO TAUILIILI SEIULI ANERU FAAMOANA……..,

UA TUUMALO TAUILIILI SEIULI ANERU FAAMOANA!

I LE MAOTA GASEGASE I ULUMOTOOTUA I APIA SAMOA, I LE ASO LUA 13 O NOVEMA 2007.

UA GASETOTO AI NEI LE MASINA, UA GASOLOSOLO AO, UA TAAPE PAPA, UA PA'U LE MASINA, UA GAUGAU AUT-A

O LE LAGIA LAVA LEA O AUFAGA MA LEPA, FEU’U MA TAUTOGOTOGO

I LE AFIO O LE AIGA SALEVALASI.

AFIO TUPUOLA, AFIFIO TAGO MA TAGO

AFIFIO LATOU FALETOLUGAFUA: FALETAGOA'I, LUPESOLIAI MA SAVUSAT-U.

O LE MOA NA VINI MUA!

O LE LAAU TAUTA MALOSI O LE ULUGA TANIFA E TULATOA I LE MAOTA

ALAALATA'I POPO MA TALIMAO, IA MA UPU IA SALEFAO.

E! UA GASETOTO LE MASINA, GASOLOSOLO AO, TAAPE PAPA, PA'U LE MASINA,

UA GAUGAU AUT-A!

O LE LAGIA FOI LEA! I LE AFIO O FALETOI MA'OPU TAULAGI MA ALALA I MALAE.

LE ALOALII MA LE AO O FALEUPOLU, SAGALE MA SOGI MA LE TAVAI.

E PUIPUI E TAPAAU O LE ITUMALO, FATIALOFA MA AUELUA O TAMA O LE PUNEFU!

O TULANIU O ATUA MA LAU FETALAIGA MALIELEGAOI, MA UPU I LE TOFI FAASOLO FALEATUA MA SALEFAO!

E! UA MALILIU TOA UA MAIMAU AI AUUPEGA O LE TAUA.

UA USUFONO LE SUSUGA IA SEIULI TAUILIILI ANERU FAAMOANA........

UA USUFONO LE SUSUGA IA SEIULI TAUILIILI ANERU FAAMOANA……

UA TO LE TIMU, UA TAFEA LE TAUOFE, UA GASOLOSOLO AO, UA TAAPE PAPA!

UA LAGIA NEI FEAGAI MA LE ATA MA POUTOA! I LE SUSU LAU SUSUGA I LE MALIETOA NA FAALOGO I AI SAMOA, MA LOU NOFOA VAEVAELOLOA.

SUSU LE AIGA SA MALIETO-A MA LE ALALAFAGA O USOALII.

SUSU TO'OA NA SA'O NA LUA I LO OUTOU ALALAFAGA.

MALIU MAI MAGO MA LUASIUFANUA.

E! UA LE NOFOIA LE NOFOA O TAVITA! O SE SA AVEA MA AUAUNA TAUTUA MATAVELA, TAUTUA AFUTOTO, TAUTUA LE FAATUOIA,

I LE MALULU MA LE FESUISUIA'I O LE TAU I TAEAO O ASO SA TAITASI, AE SA LE FAAVAIVAI E AUAUNA MO SAMOA I AUSETALIA, SAMOA LE ATUNUU MA LE LALOLAGI ATOA. E ALA I FAASALALAUGA A LE LEITIO, MA O S-E SA VAAVAALUA MA LIMA TAUMATAU I AI FAASALALAUGA I VAVEAO O ASO SA TAITASI.

FAAMOEMOEGA UA LE TAUNUU, E MOMO AI LE AGAGA, INA UA E ALU ATU I SAMOA MA E SOLA AI LAVA.

AE UI I LEA! E PULE PEA LE ATUA!

O LE TI’A E LE SEUA, O LE MUA E LE FUATIA, O LE TAO E VELO I LE MANINOA, O LE TA E LE AGAIA, O LE MA’A E TOGI FAATO

TAU IA INA IA MANUIA LAU MALAGA - TAUILIILI SEIULI ANERU FAAMOANA

SAINIA LENEI FAALIGA FAANOANOA E AIGA!

Sususga ia Peleti Toese Toailoa: Toeaina Faatonu Matagaluega EFKS a Niu Sa Uelese

Susuga Faauuga Logovae: Sea o le Sinoti a Melepone Vitoria

Afioga Tago Falefia Auelua

Afioga Tagaloa Fotu Filipo Tago

Tofa ia Tulatoa Tavita Auelua

Tofa Leafa Nuuausala Fetoai Auelua

Tofa ia Numia Lefaoseu Auelua

Tofa ia Malaeafoa Lale Auelua

Tofa ia Faletolugafua Faalupega Auelua

Tofa Fogavini Safua Tavale.

Aemaise le tina faanoanoa ia Soo Tauiliili Seiuli Aneru Faamoana ma le fanau loto faavauvau.

Tofia Rev. Aloese Allan Filipaina mo le International Moderator Aotearoa NZ & Ausetalia

by: Toomata PMaiava

Tofia Rev. Aloese Allan Filipaina mo le International Moderator Aotearoa NZ & Ausetalia

O le aso sa 21 o Oketopa sa faaiuina ai le fonotaga tele a le Ekalesia Soofaatasi Ausetalia ma Aotearoa Niu Sila, lea sa amata usuia mai i le aso Toonai 20 Oketopa i le talanoaina ma le agai i luma o le galuega talai mo le au kerisiano faatuatua i taitai o le Ekalesia i Aotearoa i Niu Sila faapea foi ma Ausetalia nei.

Sa auai mai ai i lenei fonotaga le susuga i le alii faifeau ia Dr. Joe Goodal mai le setete o Kuiniselani, o Rev. Asi Luaei Siaoloa Ioelu mai Melepone i le setete o Vitoria, o le susuga ia Rev. Joe Ioelu Ioelu mai Niu Sila, faatasi ai ma le faatonu o Autalavou le tamaitai ia Miriama Laumea, o le susuga i le alii faifeau ia Dr. Harry Melkonian, atoa ai ma le susuga i le alii faifeau ia Aloese Allan Filipaina lea o loo ia tausia ma le faletua le Ekalesia i Balmain.

O le susuga ia Dr. Harry Melkonian le taitaifono faava o malo poo le International Moderator o le lotu Soofaatasi a Niu Sila ma Ausetalia (Congregational Federation of Australia and Aotearoa New Zealand) sa ia taitaia le sauniga i le ta tonu lea o le 9:30am i le aso Sa na sei mavae atu nei. I totonu o lenei sauniga mamalu i le malumalu o le Ekalesia Faapotopotoga a St. Andrews i Balmain, sa valaauina faapitoa ai le alii faifeau Samoa ia Rev. Aloese Allan Filipaina mai le afioaga o Vailuutai e susu atu i luma o le faapotopotoga ma na faailoa ane ai e Dr. Harry e faapea.

Ua iu le fonotaga ma ua tasi moemoe le filifiliga a le Ekalesia i lana usugafono lona fitu o lenei tausaga 2007 e avea le susuga ia Rev. Aloese Filipaina e fai ma ma taitai fono aoao faava o malo (International Moderator) a le Ekalesia Faapotopotoga Soofaatasi Ausetalia ma Aotearoa Niu Sila, ina ua maea le fa tausaga lea sa taitaia mai ai e le alii faifeau ia Dr. Harry Melkonian.

O se tulaga sa faafetaia ai e Samoa ma ona tagata lolotu o loo i ai i lea itu o le tovine le ausia e se alo o Samoa lea tulaga taualoa faava o malo pei ona tulai mai ai le susuga ia Aloese Filipaina, e le gata i lea ae sa matua viia ma faafetaia e le susuga ia Filipaina le Atua o Sapaota ona ua ia faaaogaina lona tagata ma le auauna vaivai e tautua ai ana feau mo aso oi luma.

I nisi o tulaga mataina sa molimau i ai le sui o talafou o pesega faa-evagelia sa faatinoina e le ekalesia Samoa malaga mamao mai Melepone na momoli faatasi atu ai ma le feau o le faaolataga a Iesu Keriso i papalagi ma-e, e le malamalama i le gagana Samoa.

Sa faaiuina i se taumafataga ma tatala ai loa le filialii ma toe tuuvaaa atu ai loa susuga i alii faifeau ia Rev. Joe Ioelu Ioelu i Niu Sila faapena foi ma le susuga i le alii faifeau ia Rev. Asi Luaei Siaoloa Ioelu lea foi ua filifilia e na te tauavea le tulaga o le taitaifono mo Sini Niu Sa Uelese ma Melepone Vitoria faatasi ai ma faifeau o le Ekalesia Faapotoopotoga Soofaatasi Ausetalia ma Aotearoa Niu Sila lea sa malaga mai Kuiniselani ma isi setete o Ausetalia.

OSIGA FEAGAIGA EFKS CONDELL NSW AUSETALIA

by: Toomata Pasefika Maiava

Osia le feagaiga Rev. Fiti & Mala Fiu Semaia ma le aulotu EFKS Condell Park NSW Ausetalia

O le aso Faraile 21 o Setema sa osia ai le feagaiga a le susuga i le alii faifeau ia Fiti Fiu Semaia ma le faletua ia Mara i le avea ma faafeagaiga taulagi e tausia le Ekalesia Faapotopotoga Kerisiano Samoa a Condell Park, ma o le amataga o le sauniga sa taitaia lava e le susuga i le faifeau toeaina o le Pulega a Sini Saute Rev. Taipo Malifa.

E ui o se aso faigaluega le aso tonu na pau i ai le osiga feagaiga a le aulotu ma le latou faifeau ae sa le faatafa le mamalu o le Pulega ma le matagaluega a Niu Sa Uelese i le Toeaina faatonu ia Rev. Peleti Toese Toailoa ma le faletua ia Senetenari faapea le nofoa faafeagaiga ma tagata lolotu uma i le fia auai e molimauina le osiga o le feagaiga tau i le lagi a le aulotu ma le latou faifeau.

Sa mafai foi ona auai mai ai le susuga i le Toeaina faatonu o le matagaluega a Melepone i Vitoria Rev. Amosa Amosa ma faifeau mai Samoa e molimauina le faamoemoe o le susuga ia Fiti ma lona faletua, sa auai ai foi nisi usoa ekalesia e pei o le Uniting Church Samoa i Lidcombe lea o loo tausia e Rev. Sione Eli ma le faletua ia Apoua faapea foi ma le susuga ia Rev. Aloese Filipaina

O le susuga i le alii faifeau ia Fiti o lona tuaa o le tama ia Fiu Semaia mai le afioaga o Sili Savaii, ao lona tina o Fogalele mai le afioaga o Gataivai, o lona faletua o Mara ma ona tuaa o le tama ia Vaipu’a Mo’emo’e Tuiavi’i mai le afioaga o Uafato i Fagaloa ao lona tina o Aumau mai le afioaga o Mutiatele i Aleipata.

Sa ulufale i laua i le Kolisi faafaifeau i Malua i le tausaga e 1999 ma na faauuina i le tausaga e 2002, o le 2003 sa avea ai ma faiaoga i le Kolisi maualuga a Tuasivi seia oo atu i le 2005 ma malaga mai ai loa i Sini Ausetalia ma le faletua ia Mala ma e toalua o la alo.

O le susuga i le Toeaina ia Taipo Malifa sa ia taitaia ma faataunuuina uma lava tulaga e masani ai le ekalesia Samoa i mea nei o le osiga o le feagiga a le faifeau ma le aulotu EFKS Condell Park, o le susuga i le aoao fesoasoani ia Aigamaua Iosefa Maiava o Utualii ma Avao Savaii ma le faletua ia Ofeira Leapai mai le afioaga o Malie sa tausia le ekalesia seia oo ina tasi moemoe le finagalo saili o le aulotu ua tatau ona osia loa le feagaiga ma lo latou faifeau aua le agai i luma o le galuega ma le faamaopoopoina o agaga o tagata mo le Alii ma lona finagalo.

O le tofa ia Tiata Umuti Tiata o le failautusi o le ekalesia sa feagai mo faaaloaloga i le Pulega a Sini ma le Matagaluega a Niu Sa Uelese aemaise susuga i Toeaiina ma faafeagaiga. I le faatau paia sa laga faatau le tofa ia Uso peitai sa ave lafo lava le faaaloalo i le Tiakono Toeaina o le Matagaluega NSW le tofa ia Loli Leilua e faia se upu mo le fula ma le mamala lea sa gapatia ma milomilosia i ai le aulotu a Condell Park. Sa fetalai le tofa ia Tiata e toe tali fuaitau i le auvalaaulia ma faafetaia ai le faamanuiaga a Toeaiina ma faafeagaiga sa ofo alofa atu mo le aulotu ma le faafeagaiga fou, fetalai Tiata e ui lava ina fou le osiga feagaiga peitai o i latou o nisi lava o toa manumanu o le ekalesia i le tautuaina i le asaina o le vao filifili ma le atinaeina o nisi o galuega sa galulue ai, ma o le finagalo lava o le Atua ina outou atu i soo se nuu ma soo se afioaga e fai outou ma soo e tauavea le suafa pele o Keriso ma tautua le ekalesia i soo auala e tusa ai ma lona finagalo.

Sa matua foi le Pulega ma le Matagaluega ma le vaa ua lomi ma le vaa ua goto i faaaloaloga sa faatinoina e le aulotu a Condell Park e faaali ai lo latou valevale alofa ma le tausi feagaiga i le latou faifeau fou

O le Toeaina faatonu o le Matagaluega Niu Sa Uelese Rev. Peleti Toailoa sa saunoa faamanuia ma tatalo mo le manuia o le aulotu ma le latou faifeau i le alo atu mo le galue a le Atua.

I le maea ai o le va feagai a le aulotu Condell Park ma le Pulega Sini Saute ma le Matagaluega NSW sa feiloai ai loa le aiga o le faifeau ia Fiti ma Mara Semaia ma lana aulotu e ala i tu ma aga masani o le feosiaiga o feagaiga, ma o le tofa ia Pula Lolua sa fai ma sui o le aulotu ae fetalai le tofa Fiu mai le itu a aiga na lua a le faifeau e molimoli le latou meaalofa ma tulaga uma e masani ai le ekalesia Samoa i mea tau faaaloaloga. I le maitau a le sui o le Samoa Times e muliga foi le osiga o le feagaiga poo le tautoga i le va o le tamaitai ma le alii faaipoipo i tulaga tetele na oo i ai le feiloaiga a aiga na lua a le faifeau ma lana aulotu i Condell Park i teuga faatamalii ma le faatupu sa faatinoina i lea aso Faraile.

Sa tatalo le susuga i le Toeaina faatonu ia Amosa Amosa mai Melepone ma tatala ai loa le filialii.

27 Tausaga Ekalesia EFKS i Ausetalia ae o se taimi muamua ua leai se Faamati Matagaluega NSW

by TPMaiava OzNews

E lei mamao atu ona faamavae ma faatofa Samoa atoa ma le nofo a Ekalesia i se tasi o Toa manumanu o le Ekalesia Faapotopotoga Kerisiano Samoa ma o se taitai foi o le LMS Toefuataina i Ausetalia, le Tama Malolo Manumalo ua tofa mai Tia, susuga ia Tepa Kenape Tuu'u Faletoese.

Peitai e le mafai ona galo ana saunoaga i le tau amataina o le lotu EFKS i Ausetalia i le 1980, na ia saunoa ai i se vaega lenei o lana solo:

"Sa taumate i le ato, poo le a ea lona finagalo.

Pe faataunuu pe toe faatali i se aso.

O si vavae mumu itiiti, ua le mate pe faafiti.

O le to'alua pe toatolu e i ai lava le Alii.

O le toe tomanatu o le EFKS i nei saunoaga, ona o le vaitau tonu lenei o le masina o Mati i tausaga taitasi e faatauaina e le Ekalesia Aoao i Samoa ma atunuu i fafo mo le toe faaleleia ma faamatagofieina lea o fale o le galuega a faifeau ua taua o le Faamati.

Peitai e ui ina 27 tausaga talu ona oomai le lotu i Ausetalia, ae o se taimi muamua lenei ua leai ai se Faamati a le Matagaluega a Niu Sa Uelese talu lona amataga, ma o loo fesiligia lona mafuaaga pe aisea?

Aua o se tasi lenei o galuega lelei tele o loo taulamua ai le Mafutaga a Tina i soo se Ekalesia Kerisiano, a'o lea o le'a tauau ina mou atu lea faiga na faavae mai ai le Ekalesia EFKS i Samoa talu ona talia le Talalelei e Malietoa Vainuupo i le 1830.

"Lou atunuu pele ia Malamalama.

Le faavae o le Kerisiano mai le Amataga.

E le galo i si ou loto, le saunoaga a le alii poto.

Ia o atu outou i nuu uma e fai ma soo.

O toe saafiafiga na Tepa Faletoese, le Toa o le Talalelei na ia toto le fatu o le Ekalesia i Ausetalia, lea ua tupu ma ola ma taufai maua uma ai e Samoa le manuia.

Ina ia aua nei faagaloina Afi'a i si ona vao i galuega tauave i totonu o le Ekalesia Faapotopotoga Kerisiano i Samoa.

Toe Faafofoga Samoa i le Tautua a le Teuila Samoa Mt.Druitt FM 100.7 aso Tofi

Toe Faaauau le Tautua a le Fofoga o le Teuila Samoa FM 100.7 Mt.Druitt NSW

O loo ua toe amatalia nei se tasi o tautua i luga o le leitio i se polokalame Samoa i le itumalo o Mt. Druitt, lea ua fai si leva ona taofia mai i nisi o lipoti na tua'i seseina ai le sui faasalalau e nisi o le aufaipisinisi Samoa i le tulaga tau tupe.

Faaalia e le afioga ia Galumalemana Tuave Mataupu le faatonu o le Teuila Samoa i le sui o talafou, e faapea o le uiga lava lea o tatou Samoa e le uma lava le taufaasese ma le-le opogi faatasi se taumafaiga e manuia ai o tatou tagata i atunuu ese, ma e le mafai ai lava ona alualu i luma se tagata Samoa i atunuu i fafo ona e taumafai lava e toso mai i lalo ae sei a'e atu ia i nisi o auala le talafeagai ma le va fealoai.

O le tautua a lenei tamalii o le atunuu o loo ua leva foi ona logo faaTutuila ai lea itulagi o Sini i po o aso Tofi o vaiaso taitasi ma e maua ai foi le faaopoopoga o talafou i mea o loo tutupu mai i Samoa i aso o le vaiaso.

Faaalia e Mataupu ua maea sailiili le laulaua fono a le leitio ma iloa ai e taufaasese lea lipoti na tuuina atu na mafua ai ona niniva le pulega a le leitio i lea itulagi o St. Marys ma taofia ai loa le polokalame i le gagana Samoa, peitai e malosi le mea moni, ae le moni se mea malosi o le toe saunoaga lea a le afioga i le aloaliii ia Galumalemana Tuave Mataupu i le vaega o talafou, ma ua toe faaauau pea le tautua ma le faletua ia Alofa e pei ona masani ai le faafofogaaga a Samoa i po o aso Tofi mai le 7pm seia oo atu i le 10pm i le po.

$25,000 Na maua e Lalomauga Sini Ausetalia

TAULIMA E LE MAFUTAGA A LALOMAUGA I SINI LE $25,000

By Leaula Viliamu Aufai

O le Aso Toonai o le vaiaso na tea nei sa faatumulia ai le Hall a le Council i le aai o St Marys i le mamalu o le Mafutaga a Lalolmauga i Sini faapea le loaloa o aiga uo ma e masani i le faataunuuina o le latou po siva.O lenei faamoemoe o le sailiga seleni e fesoasoani i le faaleleia ma le faamaeaina o nisi o vaega o le malumalu ole Atua i totonu ole alalafaga i Samoa, lea o loo galulue ai le Susuga i le feagaiga ia Lotu Faafoi ma le faletua.

Sa molimauina foi le faatasi ai o nisi o le aufaigaluega paia a le Atua mai nisi o Ekalesia ona ole fia soosoo tauau ma fesoasoani foi i le faamoemoe a le mafutaga.

Na maua se faatalatalanoaga ma le tofa ia Fiaseu Isaia Tagaloamatua o ia foi sa avea ma fofoga ole aso ma ia faailoa ai, o le tele o vaega ole malumalu a le Ekalesia Faapotopotga Kerisiano Samoa i Lalolamuaga ua maea,ae ole faatalauula mai o Tamalii ma Failauga o le nuu, ona o nisi o vaega ua fuafuaina e le alalafaga e fia faaleleia mo le galuega,lea ua manaomia ai se fesoasoani a le mafutaga a alo ma fanau o loo alaala ma papaaao i Sini Ausetalia.

O le tele o ipu ma siva a matafale taitasi ole mafutaga na amata mai lava i le $500.00 agai atu I le $2,000.00,ae le gata i lea o siva e tauala atu i uo ma aiga na faatasi ai.E faapena foi ona toatele o le mamalu o le atunuu na tauaaoina tusi valaulia e fesoasoani i le faamoemoe i lea aso,e ui ona e lei paau mai ona o galuega ma isi tiute o loo aafia ai,ae ua faia lea auala e faalia ai lo latou lagolago i le faamoemoe.

Ina ua maea ona faamaopoopoina le alofa tulai foi o le auvalaaulia ma le mafutaga ma mauaina ai se aofaiga e $25,000.00,ma o lenei la seleni ole a faamoemoe e momli atu i Samoa i le tapuaiga a le Feagaiga ma le alalafaga o Lalomauga. Na faaiu lenei faatasiga ina ua tulai foi se tasi o failauga matua ole mafutaga e faafetaia le au valaaulia ma Samoa na potopoto ai e lagolagoina le faamoemoe.

Au Kirikiti a Lau Samoa Society a Sini mo Hawaii Iuni 2007

O loo ua faalauiloa mai nei e le faalapotopotoga a le La'u Samoa Sosaiete le alo atu nei o lea itutino o o tatou tagata i Ausetalia nei, e sauniuni a latou au Kirikiti e malaga i Hawaii mo le liki kirikiti o lea faia ai ma ua valaaulia mai ai le laumua o Sini, ina ia auai atu i ai mo le faailogaina o se tasi o aso tele i totonu o lea malo o le taupulega a le Unaite Setete.

Faalauiloa mai e le faletua ia Gasetoto Laulu le failautusi o lea mafutaga le tatala o le avanoa i soo se tasi o loo mafai ona faafofoga mai i le tatou polokalame e malaga ai i lenei au kirikiti mo Hawaii aemaise ia i ai sona tusifolau Ausetalia poo Niu Sila mo lea malaga. Faaalia mai e le failautusi e le o mautinoa tusifolau Samoa ona e fai si umi mo le talosagaina e le faalapotopotoga o se visa e ulufale ai lea malo.

Faia le tufaga faailoga a le Samoan Learning Centre mai Galuega o le 2006

O le aso Toonai o muamua nei 25 o Fepuari o le a faia ai le tufatufaga faailoga a aoga afiafi a le Samoan Learning Centre lea o loo a'otauina ai le toatele o alo ma tama fanau a Samoa mai le 6 tausaga seia oo atu lava i le vasega e sauni ai mo Iunivesete, aemaise le tatalaina o le avanoa mo alo ma fanau o le atunuu, o loo talenia i taaloga ma ai silia i mataupu i totonu o aoga a le malo ma Ekalesia.

I se tala fiafia i se pepa o faamatalaga e faapea e toalima tamaiti Samoa ua faamanuiaina e ulufale atu mo Iunivesete sa koleni ma aoaoina mai i aoga afiafi nei e faapitoa mo fanau Samoa e pei ona saunia e le Fono Faufautua, e toatolu mai le aoga a Canterbury ma le toalua mai le aoga a St. Marys.

E le o faailoaina faalauaitele suafa o i latou nei seia maea le tufaga faailoga i le aso Toonai o muamua nei, ona faatoa mafai lea ona faafofoga ia ai Samoa i le taumafaiga a nei alo o le atunuu.

Faamanatuina 15 Tausaga LMS Toefuataina Sini Ausetalia

Talafou Aso Sa 18 Fepuari 2007 (on air Radio FM Samoa)

O le viiga i le Atua i mea aupito aluga, o lona finagalo alofa i tagata ma le manuia o le lalolagi uma, lea na faaautu i ai se sauniga lotu taualoa a le Ekalesia LMS Toefuataina i totonu o le aai o Sini Ausetalia, e pei ona sa taitaia e le susuga i le faafeagaiga ia Leafa Faasisila.

O lenei sauniga lotu o le faamanatuina lea o le 15 tausaga talu ona suluia le aai o Sini ma le au Kerisiano faatuatua ina ua faavaeina lea tapuaiga e faaopoopo atu i nisi o lotu Samoa ua leva ona i ai i mafutaga a o tatou tagata i lenei vaega o le Kelope, ma ua faasuafaina i le Ekalesia LMS Toefuataina e pei ona salalau atu nei ma soo ai nisi itu o le Lalolagi.

O le faavaeina mai o lenei Ekalesia sa ta'imua ma amataina e le susuga i le Toeaina ia Tepa Faletoese ma le faletua ia May i le masina o Fepuari i le tausaga e 1992, ina ua maea mai le valaauina o i laua e avea ma faafeagaiga taulagi o le Ekalesia Faapotopotoga Kerisiano Samoa, lea sa galulue ai i totonu o Amerika Samoa ma toe foi mai i Ausetalia i le tausaga e 1991.

O le susuga foi i le Toeaina ia Tepa Faletoese ma le faletua ia May, oi laua foi ia na aumaia le ulua'i lotu Ekalesia Faapotopotoga Kerisiano i Samoa poo le EFKS ma faatuina i le aai o Balmain i Sini Ausetalia, ma e oomai i le taimi nei o loo ua ola ma lauusiusi le fatu na toto e lenei auauna sailimalo i le Atua ma lona finagalo; ma saofaga atu ai le matagaluega a Ausetalia i faiga filifiliga a le Ekalesia Aoao i Samoa ma atunuu i fafo.

O le faasee tuagalu la o le Toeaina ia Tepa Faletoese mai i tafa o le galuega talai a le Ekalesia LMS Toefuataina, ona ua penisiona malolo manumalo mai le galuega a le Atua, ae ua valaauina ai le susuga ia Rev. Leafa Faasisila ma le Faletua ia Siiae e tauavea le galuega seia oo mai ina faamanatuina ai i le aso ananafi le atoaga o le 15 tausaga talu ona faatuina le Ekalesia i laufanua o Ausetalia.

O le taitai o le sauniga o le susuga lava ia Leafa Faasisila, o le susuga i le faifeau ia Molesi Kaisarika na tatalo faafetai, faatoesega ma le tuuina atu o manaoga, o le susuga i le a'oa'o fesoasoani ia Safaileta na faitauina le Tusi Paia ao le Misionare ia Sieni Ah Yek, sa tolaulauina le talaotooto o le galuega i le faigata ma le asaina mai o le vao filifili, i le solo lelei ma taimi faigata o le tau amataina o le Ekalesia.

E ova atu i e $9,000 tala se tino i tupe na maua i le aao foai o le auvalaaulia ma le aufaigaluega totofi a le Atua na auai atu i le faamoemoe a le Ekalesia i le aso ananafi, aemaise le foai a le Fono Faufautua a Tagata Samoa Sini lea na tauaaoina atu ai e le afioga ia Tagaloa Tago le peresetene o le mafutaga ma le mamalu o le laulaua fono le $500.00 tala e fai meaalofa ai le i le Ekalesia mo le latou aso soifua.

O le failautusi o le Ekalesia a Sini poo Balmain na fai ma fofoga o le aso, o le afioga ia Faamatuainu sa fai ma sui o le au valaaulia e momoli le faafetai i le faafeagaiga ma le aulotu mo le fula ma le mamala aemaise faaaloaloga maualuluga na faatino ai le pelega o le galuega.

Sa faaiuina i se tatalo faamanuia na saunia e le susuga ia Fiapoto Poloa'i ma tatala ai loa le filialii.

E fitu Ekalesia o le LMS Toefuataina o loo ua i le aai o Sini e ese mai ai i nisi o ona lala o loo i Perisipeni Kuiniselani, ma Melepone i Vitoria i totonu lava o Ausetalia, o ia Ekalesia e fitu o loo tausia ma vaaia e le susuga i le Toeaina ia Pepe Tiatia ma le faletua ia Siiae, o Rev. Pinonotele ma Matauaina Tausaga o loo tausia le Ekalesia i Blacktown, Rev. Vili Iosua ma le faletua ia Folose o le faafeagaiga a le Ekalesia i Campbelltown, o le susuga ia Ioane Ioane ma le faletua o loo tausia le Ekalesia i Liverpool, Rev. Fiapoto ma Dora Poloa'i o matua faaleagaga o le Ekalesia i Minto, Susuga ia Ainuu ma le faletua ia Ualesi Ainuu o loo tausia St. Marys ma le susuga ia Leafa ma le faletua ia Tautai Faasisila lea na faataunuuina le faamoemoe i le atoaga o le 15 tausaga i lea aso Toonai 17 o Fepuari 2007

Manuia le talosaga mo le lala lona 3 a le Samoan Learning Centre i Macquarie Fields NSW

Ua faamaonia mai nei e le Canterbury Girls High School le toe amatalia o aoga a le Samoan Learning Centre i le Aso Lua 27 o Fepuari 2007 i le 6 seia oo atu i le 8pm ile afiafi, ma o le a amata faatasi lava lea ma le polokalame a matua ua faaigoaina o le Faatofalaiga a Matua.

I lea sailimalo mo alo ma fanau a le Fono Faufautua a Samoa ua sauni nei foi le tatalaina o le vaega lona tolu o lenei aoaoga i le itumalo o McCarthur ma e faia aoga i le James Meehan High i Macquarie Fields lea ua maua ai le avanoa e amataina le Samoan Learning Centre mo itumalo uma ile itu o Macarthur e iai Campbelltown, Ingleburn, Macquarie Fields, Leumeah ma Liverpool.

O le aso Toonai 17 o Fepuari 2007 ile 6 ile afiafi o le a feiloai ai le Fono ma le mamalu o Samoa o loo afifio ma papaao i lea itumalo mo le faatulagaina ma le tapenapenaina o lenei faamoemoe.

O lenei taumafaiga ale Fono ua faatinoina lava ona ole talosaga mai ale itumalo o Macarthur mo le amataina ose lala ole Samoan Learning Centre ma ole naunauga lava lea ile afioga ile Peresitene, Tagaloa Fotu Filipo Tago male Laulau a Ofisa ina ia faatino lenei talosaga.

I le aoga lona lua i alo ma fanau i le itumalo o Nepean i Dunheved College i St Mary’s, o le a toe fofogaina atu le paia o Samoa o loo alala ma nopiai i lea vaega o le setete mo le aso e faataunuuina ai a latou aoaoga i le Samoan Learning Centre.

Pulesili o le Crystal & Diva Printing - Afioga Leuluaialii Agnesss Passi

O loo i Ausetalia nei le afioga ia Leuluaialii Agnes Passi o le pule sili a le Crystal & Diva Printing, poo le fale Elei Samoa i Taufusi i Apia.

O le malaga mai o le tamaitai pule ona o nisi o sauniuniga i le auina atu ma le faaleleia o le Elei a le Kamupani aua le alo atu o le atunuu i ana taliga malo i taaloga o le South Pacific Games i le faaluiloaina o le mamanu a Samoa i le tele o ofu taaalo ma ofu faaaoga i totonu o le atunuu.

O le faaiuga o le tausaga na sei mavae atu nei sa afea ai e le afioga ia Leuluaialii Agness Passi Ausetalia, ina ua maea se faalauiloa lea sa faatasi atu ai i le malo o Saina i le masina o Novema i le 2006, ma sa latou auai faatasi ai ma nisi mai Samoa e toatolu sa fai ma sui o le tatou atunuu e auai i lenei faaaliga tele i le malo o Saina, lea sa auai mai ai le faletua ia Frances Shwalger ma Ilaine Silva.

Toe saunoaga a le afioga ia Leuluaialii i le sui o talafou a le Fofoga Moomia, na ia taua ai le Taua ma manaomia tele e le aufaipisinisi Elei i Samoa se avanoa poo se faitotoa mo isi malo o le lalolagi e faatau ma auina atu i ai le mamanu a Samoa mo le faatauina, ma e faalagolago lava lea i se finagalo ma le maliliega mai le malo o Samoa i le sailia o sea faitotoa e saofaga ai Samoa i le maketiina o lana Elei Samoa moni, ua tele ina kopi e isi atunuu o le Pasefika aemaise lava le atu-Asia.

Mo nisi oi latou e fia okaina ni laei ma le mamanu Samoa moni e mafai ona e silasila ane i le itulau o le website lava lenei i le ulutala: Fashion & Crafts

Aloaia le Fono Faufautua a Samoa i Sydney e le Malo NSW

Auai le afioga Tagaloa Tago - Peresetene Fono Faufautua Samoa Sydney (SAC)

Talafou aso Sa 11 o Fepuari 2007

1). O le taeao o le aso Tofi 8 o Fepuari 2007 na faatasi atu ai le peresetene o le Fono Faufautua a Samoa i Sini, le afioga ia Tagaloa Filipo Fotu Tago i le maota o le Palemene a le setete lenei o Niu Sa Uelese, e tali valaau atu ai i le faaaloalo na tuuina mai e le afioga i le Fofoga Fetalai o le Maota le alii o Honournable John Aquilina.

O lenei valaaulia sa manaomia ai se sui mai le faalapotopotoga a Samoa i le aai o Sini e molimauina faatasi ma taitai o isi faalapotopotoga atunuu eseese o loo aumau ma nonofo i totonu o Ausetalia, ma o lea faamoemoe o le tufaga faailoga e tuuina atu i ai latou ua afu le latou tautua mai faalapotopotoga e fia i totonu o le setete aemaise le tauatinaeina o latou atunuu e aunoa ma se totogi poo se taui e tuuina atu e le malo tele i se tino i tupe.

E maeu foi le tautua afutoto o nisi o taitai sa auai atu i lenei faamoemoe, ona o le tele o taimi e totogiina lava i a latou lava tupe mea e fai mo le faamaopoopoina o faalapotopotoga a latou atunuu ma sosaiete tumaoti, ma le naunautaiga ina ia maua le loto faatasi ma le galulue felagolagomai tagata o se atunuu ao nopiai ai i totonu o Ausetalia.

I se saunoaga tuusao a le afioga i le Fofoga Fetalai o le maota John Aquilina, na ia faaali manino ai le agaga faafetai tele i ai latou o loo taitaia faalapotopotoga a latou atunuu ona o le galuega e faigata ma tele faafitauli pe a le lava le onosai i nisi o taimi, aemaise ai le ofoina atu o a latou lava tupe e totogi ai soo se faamoemoe ma le tele o taimi e tautua ai lona lava atunuu e aunoa ma le faalogologo tiga.

I lea lava saunoaga sa folasia ai se lipoti e faailoa ai le tusa ma le 6 miliona tagata o loo ofoina atu o latou taimi e faia ai lea ituaiga tautua e aofia ai ma Samoa i le aunoa lava lea ma se totogi mai le malo, o se fuainumera te-le atu nai lo le aofaiga o tagata Samoa i totonu o lo tatou atunuu poo lo tatou Tofi, aemaise ai pe a faatusa i le aofaiga o tagata o loo i totonu o le setete o Niu Sa Uelese; lea e ova atu ma le 20 miliona.

E 42 piliona tala e faaalu e le malo mo le faatinoina o galuega tauatia'e mo le faaleleia o soo se faalapotopotoga i totonu lava o le setete o Niu Sa Uelese.

Sa faaiuina i se iputi na saunia e le afioga i le Fofoga Fetalai o le maota Hon. John Aquilina i totonu lava o le fale o le palemene a Niu Sa Uelese ma tatala ai loa le filialii. Saunoa le afioga ia Tagaloa Tago le peresetene o le Fono a Samoa, o se avanoa lelei tele lenei e faalauiloa atu ai pea le Fono Faufautua a si o tatou atunuu laitiiti i le li'o o loo i ai isi atunuu tetele lea o loo aumau i totonu o Ausetalia, aemaise ai o le saili mai ai o nisi o fesoasoani e tauatia'e ai le mafutaga a Taga Samoa i totonu o le aai o Sini.

Tatalaina CD pese lotu EFKS Rooty Hill Sini Ausetalia

O le siufofoga tauvivii o soo se Samoa i totonu o Ekalesia e le taumateina le aoga o latou leo e usuina ai viiga o le Atua ma o le auga ma le faamoemoega lava lea a soo se alo fanau Samoa mo le Alii i lea itu o le galuega talai.

O le susuga i le alii faifeau ia Rev. Uikilifi Vaifale ma le faletua ia Sieli o matua faaleagaga o le Ekalesia EFKS i Rooty Hill i totonu o le setete lenei o Niu Sa Uelese, ua lauiloa le la galuega talai faamisionare i totonu o Aferika i ni tausaga ua alu. I lo la liliuina lea o fanau talavou i totonu o Ekalesia i setete e fa i Aferika ina ia mafai ona usuina ai viiga faaSamoa i le Atua e pei ona i ai le pese "Tatou te olioli tatou te Faafetai ma tele o fatuga a le EFKS o loo usuina e tamaiti Aferika i le gagana Samoa.

E le gata la i nei taumafaiga i le susuga ia Vaifale ma lona faletua ae ua faalauiloa ma faalautelenei mai foi le tatalaina o se tasi lenei o vaega lona lua o lana taumafaiga i le faapine faamauina o viiga o le Atua i totonu o le EFKS i Rooty Hill Sini Ausetalia i le CD fou a le Aufaipese i lenei seneturi 21.

E momoli ai le faamalo ma le faafetai a Samoa i lenei auauna a le Atua le susuga ia Kirifi ma le faletua ia Sieli i lo la maelega e atia'e mea lelei ma mea silisili mo le viiga o le Atua soifua

Ulua'i Fonotaga Fono Faufautua Tagata Samoa Sydney 2007

O le susuga ia Pastor Seiuli TTusitala Va'a o le faafeagaiga o le AOG a Parramatta sa tatalo amata mo le usuia o le ulua'i fonotaga a le faalapotopotoga a Tagata Samoa i Sini le Fono Faufautua i le afiafi o le aso Sa 28 o Ianuari 2007.

Na sosoo ma le saunoaga faafeiloai a le peresetene o le mafutaga le afioga ia Tagaloa Tago, ona faagasolo ai lea o le fono mamalu a le atunuu.

E tele ni mataupu lelei sa talanoaina mo le manuia agai i luma o tagata Samoa o loo afifio ma papa aao i lenei vaega o le kelope, aemaise lava le auga o aute o le sailimalo o ana tama fanau mo manuia o aiga, nuu, Ekalesia faapea malo o loo tu'i mai le mulipapaga i Samoa mo le alo faiva i atunuu ese.

I lea lava fono mamalu sa tulai ai le sui o le matagaluega o aoaoga ma le punavai mo fanau Samoa le afioga ia Tuioti Tino Tiufea, e faalauiloa le aso ma le taimi e toe amatalia ai le aoaoga afiafi i vaiaso taitasi pe a tuua mai aoga masani a le malo ma Ekalesia; o se tasi lenei o manulauti ma le atinae manuia mo fanau Samoa i le aai o Sini ona ua mafai ona faatinoina i totonu o lenei malo tele.

I se tala fiafia e faaopoopo i lenei lipoti na saunoa ai Tuioti i le tulaga o le taliaina o se isi foi lala a le Samoan Learning Centre o le a tatalaina i le itumalo o McCarthur i le itu i Matu i Sisifo o Sini. O le tolu ai lenei o lala a le Samoan Learning Centre ua tatalaina talu ona faavae lenei atinae i lona tau amata mai i le nuu o Canterbury, seia oo atu i lona lala lona 2 i le itumalo o St. Marys-Mt.Druitt, ma le lona tolu lenei i le itumalo tele o Campbelltown lea e toatele le mamalu o Samoa o loo alaala ma afifio ai. I le lumanai o nei aoga afiafi o le'a faaofi ai ma le aganuu i le gagana Samoa e aoaoina ai tamaiti o loo manaomia lea fesoasoani, ina ia tapasaina ai lava i latou i le tu ma le aga i fanua e masani ai le tama ma le teine aoga ie pei ona aoaoina ai e matua Samoa i le faaaloalo ma le ava i soo se tagata.

Sa pasia ai foi i lea lava fonotaga le toe iloiloina o le Faavae ma ia toe teuteuina mo le saogalemu o le mafutaga i aso o i luma aemaise le tupulaga faia'e o le lumanai o Samoa i Ausetalia, ina ia malu puipuia i osofaiga ma faiga faafelavei pei ona le 'o po se lilo i le silafia e Samoa tausaga ua mavae.

I tau faaiuiuga o le fono na tulai ai le tofa ia Samoata Lemalu mai le afioaga o Pu'apu'a i Savaii ma Lefaga e faafetaia le peresetene ia Tagaloa Tago ma lana laulaua fono i le onosai ma loto tetele i faafitauli sa faafeagai ai i tausaga ua alu, aemaise le momoli mai o le soifua laulelei o Samoa i le amataga o feau ma galuega o le 2007.

O le Faufautua Faale-Tulafono, le susuga i le toeaina ia Fosi Palaamo o le Ekalesia a Bankstown sa tatalo faaiu ma faamanuia ai ia Samoa i le alo faiva i feau ma galuega amata o lenei tausaga fou 2007 ma tatala ai loa le filialii.

Toalua sui mai Samoa Customs Department mo aoaoga i Taifau Ausetalia

Ua faamoemoe o Canberra le laumua o Ausetalia lea o loo afio ai le Komesina Maualuga o Samoa le afioga ia Leiataua Kirifoti Eteuati, o le a faaataunuuina ai se aoaoga i le koleniina o le faaaogaina o Taifau poo Maile faapitoa i le sailia o fualaau faasaina lea ua numeratasi i le ioimata o Ausetalia le matua mataituina le fepasia'i ma kilivaina solo i luga o uta o vaalele faapea foi i totonu o konetaina i luga o vaa sami.

O le aso 29 o Ianuari aso Gafua o muamua nei e o'o atu i le aso 6 o Aperila le umi o lea aoaoga faapitoa mo le faaaogaina o Taifau, ma o le a auai mai ai sui o Samoa i le aoaoga lenei i le faaaogaina o Taifau mo galuega a le ofisa o Tiute i lalo o se faiga faapaaga ma le Malo o Ausetalia.

O le sini autu ina ia matua malu puipuia Samoa mai le feavea'i faasolitulafono o fualaau ma vailaau faasaina, ia le gata i tagata asiasi tafafao atu i totonu o Samoa ae o le a faapea foi ona mataitu le ofisa o Tiute i tagata Samoa lava latou ia lea o loo master ai i le faaulufaleina atu o nei fualaau ma vailaau faasaina.

Faaalia i se pepa o faamatalaga na tuuina mai i le sui o talafou o le a auai mai ai le susuga ia Ietitaia Iosia ma le susuga ia Bach Lene o le ofisa o Tiute e fai ma sui o Samoa i lenei aoaoga mo le tolu masina.

Toe Auli ma Faamafolafola Lelei le Fono Faufautua Samoa Sydney 2007

O le sailimalo o Samoa i atunuu i fafo o se mitamitaga tele lea pe a solosolo manuia ni taumafaiga ma faaeaea ai i le suafa pele o Samoa i soo se itu o le lalolagi, ae a faaletonu ma fetotoa'i ona tagata ona faanoanoa ai lea o le tapuaiga mau i nuu ma alalafaga o loo tapuaia faiva alofilima a soo se Samoa o loo aumau i atunuuese.

I se saunoaga a le peresetene a le Fono Faufautua a Samoa i le aai o Sini afioga Tagaloa Fotu Filipo Tago i le sui o talafou i le aso ananafi na ia faaalia ai, o le Agavatau lea ma o se faalepo foi ua sauni atu nei i ai le Fono Faufautua a Tagata Samoa i le aai o Sini e toe auli ma faamafolafola nisi itu tino o le mafutaga na matua masofasofa ma malepelepe i le osofaiga sa faia e nisi lava foi usoa a Samoa i ni tausaga e lei mamao atu.

Faaalia e Tagaloa le faamaoniga o lea saunoaga i le tau toe polesiina o le Fono mamalu a le atunuu afua mai i le fonotaga o le a faia i le aso pe a maea sauniga lotu, ona ua leva ona faaaugagase ma saili fofo e tau foia ai le gasegase semanu e fano ai le mafutaga, sa faavaeina e toa manumanu o le Talalelei le susuga ia Faatoese Auvaa o le Ekalesia Metotisi ua lagomau mai i ti'asa, le uluai taitaifono a le Fono Faufautua, o le susuga i le Toeaina ia Fosi Palaamo o le Ekalesia Faapotopotoga Kerisiano Samoa le taitaifono lona 2 na sosoo atu ai; faatasi ai ma le lagolagosua a Ekalesia Katoliko, Ekalesia Soofaatasi poo le Uniting Church, Ekalesia Mamona, Ekalesia AOG ma le tele o isi Tapuaiga Samoa sa opogi faatasi lenei mafutaga mo se feiloaiga mafanafana a Samoa potopoto i totonu o le aai o Sini.

I se feiloaiga a talafou ma le afioga ia Tagaloa na tuuina mai ai i lima o le au tusitala le kopi o le tusi mai le Fair Trading poo le matagaluega lea a le malo tele o loo resitala ai le Fono a Samoa e faamanino ma faamautuina ai le tofia aloaia o le afioga ia Faamausili Taiva Ah Young e avea ma Public Officer e afua mai i le aso 20 o Aokuso 2006 tausaga na sei mavae atu nei. E le o po se lilo o lea tofiga na matua ofo ai le matagaluega ona e tasi le tausaga ae faafa ona sui sui atu suafa o tagata e tauaveina lea tofiga, ma ua nini faatasi ai saito ma le titania pei ona faia e le au au au saito.

O lea foi tusi ua matua faamanino mai ai lava le le aia o le matagaluega i nisi o feeseeseaiga sa feagai ai ma le mafutaga a Samoa i tausaga ua alu, ma ua pine faamau ai i le amataga o le tausaga mai ia Ianuari 2007 i le fono mamalu a le atunuu, ua tatau loa ona faatuatuanai ni futia ua alu ae sagai ane loa ai o le Tai e saili se manuia mo Samoa ma ona tagata i totonu o le laumua o Sini.

Faamoemoe o le afiafi a nanei o le a uluai usuia ai le fonotaga muamua o lenei tausaga e faagasolo ai polokalame a le Fono Faufautua lea e faatauaina tele ai alo ma fanau aoga e alualu i luma o latou taumafai i totonu o aoaoga, ia le gata i mataupu ae faapena foi ona faatauaina i latou o loo lauiloa i soo se taaloga i totonu o Ausetalia.

O le fonotaga foi lenei o le a iloa ai le aso e toe amata ai aoga afiafi e lua a le Fono o loo ua faatutuina i le nuu o Canterbury ma le aai o St. Marys - Mt.Druitt lea e toatele ina afifio ma papaaao ai soo se Samoa.

Faamanatuina 65 Tausaga Faumuina Oliana Mulipola Laupepa

O le po o le aso Toonai 13 o Ianuari i le amataga o le tausaga nei sa faailogaina ai le atoaga o le 65 tausaga o le soifua o le tina matua poo le afioga ia Faumuina Oliana Mulipola Laupepa mai le afioaga o Gagaifo Lefaga ma Mulifanua i totonu o le aai o Sini Niu Sa Uelese.
O le susuga ia Bishop Kome mai le Ekalesia Mamona i Bankstown sa ia momoli lapalapa o malo faatasi ai ma le lagolagosua o le susuga i le Toeaina o le Pulega Sini Saute o le Ekalesia EFKS mai Bankstown susuga ia Fosi Plaamo, faapea le susuga ia Pastor Seiuli Tusitala Va'a mai le Ekalesia AOG a Parramatta, na maualuga ai le viiga o le Atua ina ua aulia mai e le afioga ia Faumuina le 65 tausaga o lona soifuaga.

Sa faatasi mai ai lona tina ia Vitoria Mulipola, malaga mai Amerika faapea ona uso ia Ivy Logo o le faletua o le pule o le Polynesian Centre i Hawaii faatasi ai ma Gasetoto Tanuvasa, faapea Oketi Taulaga ma Daisy Malaga ma ona aiga uma i le fia molimauina o le faamanatuina o lona aso soifua.

O le faletua ia Ivy Logo Apelu sa molimau e fai ma sui o si ona tina ia Vitoria i le mafutaga ma Faumuina, ao lona alo matua ia Danny Noa Ioane Laupepa sa molimau e fai ma sui o le fanau.

Tele ni faafiafiaga sa saunia lava e fanau o lana fanau faapea nisi e siufofoga malie i mea tau le taleni o le leo lelei lea sa usuina ai e lona alo ia John se pese faapitoa e aualofa ai i lona tina.

O le faletua ia Faleono Toala o se tasi o tina siufofoga malie mai le leitio o le Puleono i Salafai sa faatinoina foi lana taleni i lea po aemaise le siufofoga malie o le susuga ia Papalii Tuala i lana pese o le "Sa ou taoto i le Po poo le Lamepa Susulu"

O le molimau a sui o talafou i le aso soifua o le afioga ia Melega a le Nu'u poo Fiti ma le Afa, ua taunuu ai upu: se mea ina manaia o fiafiaga faatamalii ma suaga faafaleupolu na oo i ai faafiafiaga i lea po; aemaise le tulai o le susuga i le Toeaina ia Palaamo, Misionare ia Sinei Ah Yek, Lupe Tanoi ma le teine fai aso fanau e usu le tali o le pese a Papalii i le pese lauiloa a le atunuu le "Eleele ua le malie i Vai.

O le afioga ia Toomata P.Maiava Leota mai le Aiga Sa Peseta sa fai ma fofoga o lea po, ma na faaiuina le aso soifua o Faumuina i le manuia, ina ua fetalai le tofa ia Samoata Lemalu e fai ma fofoga o le auvalaaulia faapea Samoa potopoto e faafetaia ai le fula ma le mamala faapea faaaloaloga maualuluga na saunia e ona alo ma le aiga alii o le teine faiaso fanau ia Faumuina Oliana Mulipola Laupepa

Faafetaia e Malietoa Tanumafili ll Samoa i Ausetalia

Tusi Faafetai Malietoa Tanumafili ll i le Fono Faufautua a Samoa i Sydney NSW

O le soifua ma le sailimalo o Samoa i atunuu i fafo, o se mitamitaga tele lea i ona tagata ma lona atunuu o loo faamuli mai i laufanua ma eleele poo le Tofi mai le Atua; aemaise pe afai o faia pea le faiva a le Isaraelu moni o le susue lea o le faamalama ma vaavaai atu i lona atunuu na soifua ma ola mai ai.

I se tusi o loo taulimaina e le vaega o talafou o loo faaalia ai le agaga faafetai mai le Ao mamalu o le malo o Samoa, Afioga i le Tapaau Faasisina, susuga ia Malietoa Tanumafili le ll, e fa'ao'oina mai i tagatanuu uma o Samoa o loo afifio ma papaaao i totonu o Ausetalia e faaleoina ai lana faafetai tele, aemaise le mafutaga a le Fono Faufautua a Tagata Samoa i le aai o Sini i le setete o Niu Sa Uelese.

Ona o le meaalofa sa tuuina atu o se teu fugalaau, tupe $1000 afe tala ma le tusi o loo faaupua:

"E saga faafetaia pea le alofa o le Atua i lau afioga i le Ao mamalu o le malo o Samoa - Lau Susuga Malietoa Tanumafili le ll, ina ua e aulia mai le 95 tausaga o lou soifua" lea sa faamanatuina i le aso 4 o Ianuari 2007.

Alofaaga ma faamanuiaga mai tagata Samoa uma i Ausetalia aemaise lana Fono Faufautua i Sini.

(Samoan Advisory Council Sydney Incorporated)

Afioga Tagaloa Tago - Peresetene

Susuga i le Toeaina Fosi Palaamo - (Faufautua Faale-Tulafono),

Taumualasi Sitagata Sui peresetene),

Faamausili Ah Young-(Failautsui ma le Alii ofisa o le va fealoai),

Tulaga Toleafoa-(Teutupe)

Orepa Mualaivao (Sui teu tupe).

Samoan Idol - Sydney Australia Championship 2006

Siamupini Kalvin Vaega Samoan Idol Australia 2006

O le mae'a o le sailiga o se siamupini o le tauvaga pese a le Australian Idol i totonu o lenei atunu sa faapena ona sosoo ai ma le sailiga o le siamupini o le Samoan Idol i totonu o le aai o Sini i le setete o Niu Sa Uelese i Ausetalia. O le faalapotopotoga a tagta Samoa ua faaigoaina o le La'u Samoa Society i totonu lava ole malo tele lenei sa faatautaia lea tauvaga lauiloa.

E ova atu ma le 4 vaiaso sa faagasolo lenei tauavaga i alo ma fanau talenia o le atunuu o loo i le aai lenei o Sini ma o le Grand Final sa faataunuuina i le aso Toonai 9 Tesema 2006, i le RSL Club i Ingleburn i le itu i sisifo Matu o Sini.

Sa matua le ofi le nofoaga na faataunuuina ai le sailiga o le auro poo le siamupini o lenei tausaga 2006. O le tumu tele na taofia ai i fafo atu o le Kalapu le silia ma le 200 tagata sa fia maua so latou avanoa e molimauina lenei tauvaga faaiu a le Samoan Idol 2006.

O le afioga ia Alaalatoa Emani Alaalatoa o ia foi o le Peresetene a le La'u Samoa Society sa faafoeina le po poo le MC o le toe aso nai Moamoa i le sailiga o se Tupua Samoa i le aai o Sini i mea tau i le leo lelei. O se taimi muamua lenei ua faia ai lenei tauvaga a tagata Samoa i totonu o Ausetalia ae na maitauina le lagolagosua o le tele o Samoa mo lea atinae lelei mo alo ma fanau o le atunuu o loo ola ma soifua i Ausetalia.

I le faaiuga la o le po sa lauina ai i latou na manumalo mai vaega e lua na vaevae i ai le tauvaga, o lalo ifo o le 18 tausaga i le vaega laiti poo le Junior, ma le 18 tausaga agai atu i luga i le au matutua.

I le vaega o Junior i le Samoan Idol ua manumalo ai le alii o Christoper Misa Satiu, tulaga lua Lilian Tilifi, tu tolu o Lagaau Uele ma le lona fa o Edward Malietoa.

O faailoga na maua e i latou nei, o ni trophies na saunia lava e le Komiti a La'u Samoa Society, faapea foi nai teutusi, ia ma le avanoa e pueina ai a latou pese mo le Samoan Idol CD 2006. E taitasi lava le pese a le tamaititi o le'a maua le avanoa e pueina ai mo le CD ua faaigoaina o le Samoan Australia Idol 2006 lea e pueina i le amataga o le tausaga fou 2007.

I le vaega o le au matutua 18 tausaga e o'o atu i le 34 le matutua, sa manumalo a'ia'i ai le alii o Kalvin Vaega, ma o ia foi lea o le a fai ma sui o Samoa i Ausetalia e malaga atu mo le tauvaga tele a le Samoan Idol lea e faataunuuina i Honolulu i Hawaii i le masina o Mati o le 2007.

O le'a saunia uma lava e le Sosaiete a le La'u Samoa i Ausetalia mea uma mo lea faamoemoe i le faimalaga atu ma le toe foi mai aemaise foi le nofoaga ma le faletalimalo i Hawaii.

Sa maua foi lana ipu i lea po, teutusi faatasi ai ma le avanoa e pueina ai lana pese mo le CD a le Samoan Idol 2006.

O le tulaga lua sa maua e le tamaitai pese lauiloa o Renee Iuli mai Mt.Druitt, sa fai lava sina faigata o le tauvaga i le va o Kalvin Vaega ma lenei tamaitai o Renee Iuli, ona e taufai lelei ma talenia i laua i le leo lelei. Peitai e moni lava le upu e le malo uma ni tagata ma auau faatasi ai faamasino e tuuina atu le manumalo ia Kalvin e maua e Renee le tulaga lua
O le tulaga tolu o le alii o Auatama Iese, o lenei alo o Samoa o se alii sa pese i le tauvaga a aoga uma i Ausetalia sa faia i le Opera House i le masina o Novema na sei mavae atu nei.

O le maoae foi o le taleni a lenei alii talavou ona e pese lava ma ta lana kitara.

Tulaga lona fa na maua e le tamaitai o Alicia MacDonald, tulaga lima Leti Tietie, tulaga 6 o Atofu Paulo, ae maua e le tamaitai o Christian Tilifi le tulaga lona 7.

E maea le tauvaga lenei ae sa femusua'i le tele o tagata Samoa ma le auvalaaulia ma faapea ane, maimau pe ana o i latou nei e tauva i le tauvaga pese tele o le Australiana Idol lea faatoa uma atu ona e matautia le leo lelei ma le siufofoga malie o nei alo o Samoa sa auai i lea tauvaga. Faamoemoe o i latou uma nei o le faamau faailogaina o latou siufofoga malie i le CD o le Samoan Idol, lea pueina i le tausaga fou 2007.

O faamasino o le tofa ia Lealaifola Lauvale Su'a, Zion Faavae Eli, Tua Hunt ma Linda Elise. Oi latou ia ua maua o latou faaailoga i mea tau musika i totonu o Ausetalia, ma o tagata pepese uma lava ma lava le silafia i mea tau i musika. E faatonutonu ma faafoeina ai le tauvaga lenei mo alo ma fanau pepese a Samoa.

O le sui peresetene o le Lau Samoa Society o le susuga ia Tuilavasii Tom Aiono, failautusi o le faletua ia Gasetoto Casey Laulu, sui failautusi o le Pelea Manse, teutupe o Aiulu Aoina ma lona sui o Taeao Uati.

Faaalia e le peresetene o le Sosaiete, afioga Alaalatoa Emani Alaalatoa le agaga faafetai o le faalapotopotoga ma le Komiti faafoe i le paia ma le mamalu o Samoa aemaise matua na mafai ona auai atu o latou alo i le uluai tauvaga o le Samoan Idol i Ausetalia 2006.

Faamoemoe o le a faaauauina lenei atina'e mo fanau Samoa i le tausaga fou ma o le a mafai ai ona faia ia tauvaga i le aai o Melepone i Vitoria ma Perisipeni Kuiniselani, faatasi ai ma Sini Niu Sa Uelese; ona saili ai loa lea le siamupini aoao o le Konitineta tele o Ausetalia i totonu lava o faalapotopotoga a tagata Samoa i le tausaga fou 2007.